14.02.2020
Кылгылыкты кылып коюп, кыл жип мн бууп коюп, болоорун болтуруп, боесун кандырып, махабаттын жибине тизгиндеп, ашыктыктын арканына аркандап, сүйүүнүн кылтасына илип , кууратып коюп, билмексеееен, укмаксааан, көрмөксөөөн болуп жүргөн жагат да эй бизге кыздарга! Баеоо көздөрдү улам ирмеп, момпосуй тим эле момоюп алабыз. Ары жак "пожар"! Тиешебиз жоктой. Түр бербейбиз. )))) Бүгүн сүйүү күнү дейбиии?)))))))) Сүйүшкөн күнүңөр мн! ♥

08.03.2020
Бул Асланайым. Цирк дүйнөсүнүн ханышасы. Каскадер. Ат жалынында укмуш ойнойт. Жаа атат. Кыргыздын байрагын 17 жашынан бери көтөрүп жүрөт. Тилекке каршы, былтыр Сауд Аравиясында уюштуруучулардын жоопкерчиликсиздигинен улам кырсыкка кабылып, эки аттын ортосуна буту кыпчылып калып, бүгүнкү күндө майып болуп отурат. Ата - энесинин жалгыз караган кызы. Операция жасалган. Март айында дагы бир операция кылуусу кажет. Күнөөкөр тарап да эч кандай каражат бөлгөн эмес. 8 - март Аялдардын күнүндө көмөк көрсөтүп, көңүлүн көтөрөсүңөр деп ишенем. 4 миң сом айлыгына карабай, башка өлкөнүн чакыруусунан, мыкты шартынан баш тартып, желегибизди бийик көтөрүп жүргөн кызыбызга бир туугандык кылалы! Атайы элсом капчык ачтык. Көп түкүрсө көл болот! Бири бирибизге бөлүшүп, көмөк кылып жибереличи? 0776 270388 Элсом @itsaslboss бул анын жеке баракчасы. Жеке көмөк көрсөтөм дегендер жазыңыздар.

22.10.2019
Балээнин баары ушул көздөрдө жатат да эй! Көздөр ушинтип калганда бир нерсенин ичинен чыкканы турат дей бергиле! 😜😂

22.10.2019
Сени жакшы көргөн адамды жазбай тааныйсың. Анын титирегени дароо сага өтөт. Айланчыктап турат. Сен эмне ичтиң, жедиң, каякка бастың, турдуң баары кызыктуу. Сен айткан ар бир сөзүң көңүлдө. Сен жөнүндө болгон маалыматы топтолуу. Кылыңдын кыйшайганына чейин билет. Сени көргөндө алапайын таппайт. Сага жолоштон коркот. Какымдын гүлдөрүндөй учуп кетпесин деп кастарлайт! Ушунчалык сүйүүгө, көңүлгө сугарып турат. Тим эле купулга толот. Өзүмдүк кылып алат. Кастарлайт, коруйт, камкордук кылат, жоопкерчилик алат. Бөлүшкүсү келбейт башкасы мн. Мендиксиң дейт. Ал титирегенде ичиңдеги сезимдин баары аңтарыла түшөт. Сени кошо титиретет. #жөнэлеойлор

21.10.2019
Апам "Кыздын бактысын көп тилейбиз, бирок уулдукун эмнегедир бейкапар алабыз. Уулдун да бактысы болот. Жакшы жубай жолукса экен деп тилеп туруш керек",- деп көп айтат. Ар бир жазган постумда аялдардын, кыздардын таламын талашам. Анткени дүйнөлөрү мага тааныш. " Биздикин качан талашасың?" дейт айрым мырзалар. Мен тамашалап, - Аябай кордук көрүп атасыңарбы?- дейм. ) Талашайын дейм. Тилим кыска. Бирөөнүн кыйраткан жубайы болсом, дитим бармак, тилим өтмөк. Ошентсе да, бир турмуштун көргөн келин катары жана ага - инидердин арманын жууруп отуруп бул эрежелер чыкты: 1. Эркек намыскөй келет. Намысын чукуп, басынтпа. Анткен сайын эркек чүнчүйт. Адарга мактоо жарашат. Бир мык түз кагып койсо, мактап койсоң, дардактап, экинчи мыкты каккысы келип калат. 2. Эриң иштен келгенде, кабак - кашың бүркөлүп турса, качкысы келет. "Кайда жүрөсүң??" суроосунун ордуна тилиңди тишиңдин артына катып туруп, тамагын бер. Алардын курсагы тойгондо сүйлөгүсү келип калат. Анан баардык сурооңо, жооп тапсаң болот 3. Ал ачууланып, ашатып атканда унчукпай кутул. Отко май чачпа. Жини тараганда, маанайы беште бултукта - тултукта, эркеле! Любой жеринен чыгара бер. 4. Эркектин эң жек көргөнү анын телефонун чукулаганың. Телефону анын дүйнөсү. Жеке дүйнөсү! Өтө эле көзөмөлгө алып, телефонун башыңа кийе берсең, аны урматтабаганың, ишенбегениң. 5. Кызганыч! Сонун мамилеге жарака кетирет. Өзүнө ишенбеген, өзүн сыйлабаган, комплекси бар адам гана кызганат. Өзүнүн мыкты, алмаштыргыс экенин билген адамдын жан дүйнөсү тынч. 6. Эркектин кийими - аялдын тың же тың эмес экенин көргөзөт. Бырышып - тырышып турса, сөз түз эле сизге тийет. 7. Элдин көзүнчө эркегин каккан аял - акылы жок аял. Өзүнүн акылсыз экенин гана көргөзөт. Тоо урап атса да, көйгөйүңдү үйдөн сүйлөш. 8. Эркек доңуз сындуу сиздин оюңузду жонунан билбейт, же көзү ачыктык, алтынчы сезими мн туюу сындуу сезимдери жок. Так, даана, ачык айт эмне каалап атканыңды. Намегуң балтайып турса да түшүнбөйт. Ошон үчүн: "Гүл берип тур", "Комплимент айтып койсоң болот", "Бүгүн башка бутум мн туруп алыптырмын урушкум келип атат". "Мен урушам сен чыдап тур. Эркелегим келип атат" ж.б. деп эле балтайта айт! Алар түшүнөт деп отура берсең, кылым алмашат.

13.12.2019
Режиссер @suiun_otkeev экөөбүз 10 жылдан бери доспуз. Он жыл аралыгында анын режиссерлугунда чоң сынчысы мен болдум, менин актердук жаатымда менин сынчым ал болду! Эң чоң сырдашым! Бир отурганда төрт - беш саат черибиз жазыла сүйлөшмөйүн болбойт! Сөздүн түгөнүшү кыйын! Досум экөөбүздүн достугубузду багышып, туура мамиле кылган жубайына ушундай ыраазымын! Он жыл дос болсок да, экөөбүз алгачкы жолу чогуу иштештик. Досуңдун киносунда ойнош кыйын экен. Жоопкерчилик чоң. Досум ишенич артып атса, актасам экен деп атып, ойнойсуң! Актерлор да сонун тандалды! Асылбек Өзүбеков, бөлөм Аскат Сулайманов, "Дэм " театрынын актерлору жана кинонун көркүн ачкан постердеги сулуу кыздар! Кыздардын достугуна ишенбейм, бирок кыздардын достугу тууралуу фильмге тартылуу кызык болду! "КыялКЭШтер" деп аталат! Жаңы жылга карата жаңы фильм кабыл алыңыздар! 26 - декабрдан баштап баардык кинотеатрлардан көрүңүздөр! Кыздуу үйдө пул жатпайт!)))))))))

19.01.2020
Кутман таң, сонундарым! Жаратканга сыйындым. Жатаарда, көзүмдү жаңы ачканда. Жүрөгүмдүн түбүнөн чыгара колумда эмне болсо, ыраазычылыгымды билдирдим. Бир айдан бери кыйнап аткан ооруга да ырахматымды айттым, кайдан келсе, ошол жакка узаттым. Ырахмат айтканымдын себеби, ден соолуктун кадырын билдирди. Эзели көргүм келбеген спорттун канчалык мага керек экенин көрсөттү. Адатта маани бербеген, нормалдуу көрүнүш катары кабыл алган ар бир организмим керек экенин жана аларды сүйүп, ар бирине туура тамак, витаминдер менен кам көрүшүм керек экенин түшүндүрдү. Башыма келген ар бир оор кырдаал мага жакшы сабак берип, жарык жакка сүйрөп, ар бир мүнөт ардактуу, жашоо таттуу экенин көрсөттү. Аларга да ыраазымын. Алдыман чыккан ар бир адамга ырахмат! Жаратканым мага сонун адамдарды, алар менен келген сонун сабактарды жөнөтөт. Ар бир адам, ар бир окуя, акылымдын өсүшүнө, көкүрөгүмдүн көрүшүнө салым кошот. Жакшы көрөм силерди! Дүйнөнү, жашоону, өзүмдү, баламды, апамды, тагдырымды, жакын адамдарымды сүйөм! Мээримге, сүйүүгө, ыраазычылыкка толуп ойгонгонум үчүн ушул таңды да жакшы көрөм! Күнүңүз куунак өтсүн! #жөнэлеойлор

18.10.2019
Аял эркекти тандайт экен көрсө. Жашоодо жуптар табышса, аялдын көңүлүнө жаккан үчүн жуп болушту дегендик. Жаныбарлар дүйнөсүндө деле ургаачы гана тандайт эркегин. Эркектери бийлеп, болгон өнөрүн көрсөтүп, тердеп - кургап , өзүн өзү жарнамалап атып араң өткөрөт го товарды! ) Анын сыңары адамдардын чөлкөмүндө деле "Ык - бык, сен чыкты" биз - аялдар айтат экембиз. ))) Байкасаңыз, көңүлү сүйбөгөн эркекти аял бир метр да жолотпой кууйт. Энергетикалык жактан жабык болот. Ал тарапты да карабайт. Каралса да, эркек катары каралбайт ал адам. Дос, тууган ж.б. болушу мүмкүн. Кээ бирөөлөр "Кантип эле эркек мн аял достук күтсүн? Экөө от мн бензин да чогуу жүргөндө! " дегендерди түк түшүнбөйм. Аял жабык болсо , достуктан сырткары мамилеге эмне балээ болсо да жан дүйнөсүнө да, денесине да кире албайт. Аял көңүлү түшкөн эркегин бат эле амал таап, имерип алат. Аялдын амалы кырк эшекке жүк эмеспи. Анын баары көрүнгүс, атайы эрежеге кирбеген, тил мн сүйлөнүп эмес дил мн чечилчү мыйзамдар. Акыл алдында туйганыбыз мн аңдап деле көрбөгөн көрүнүш. Мени курчагандын баары эркек десем эле таң калгандары көп. Кантип анан арасынан бирөө жакпасын деп. Анализ кылдым. Ой жүгүрттүм. Мээмде "Достук, "Тууган - урук", "Жөн эле тааныш", "Коллега", "Сүйүү жаратканга мүмкүн" ж.б. деген деген текчелер бар экен. "Достук" текчесине кирген адам эзели "Сүйүү" текчесине кире албасын так билем. Чалды - куйду аралашып, шакмары чыкпайт экен мээмдеги текчелердин. Ар биринин өз орду бар. Ошон үчүн чалкасынан кетип, эркек - аял дос болбойт дегендер, дос болот! Аял уруксаат бербесе, достуктун чегинен чыгарбаса, балекеттей эле дос болот! Аялдын денеси көрүнгөнгө эле ойгоно бербейт анткени. А баса," Муну байкаштырыш керек" деген да текче бар. Ал убакыттын өтүшү мн өз текчесин табат. #жөнэлеойлор

15.11.2019
Туулган күн продолжается! Рахмат, @koshuna_tv ! Сериалыбыздын экинчи бөлүгүн эртең КТРден 20.25 те көрө аласыздар! 21.00 дө 1.1. Studio ютуб каналына чыгат.

08.03.2020
Аял деген ким ал? Менин элесимдеги чыныгы аял ал ажары ак таңдай сөгүлүп, акылы караңгыны жарык кылып төгүлүп турган, мээримге жуунтуп, сүйүүсүн сүртүп турган, мамыктай мамилеси жумшак, очокто от күйгөндөй жылуу, назиктикти гүлдөн талашкан, аруулугу тоо чокусунда жаткан мөңгүдөй, илбериңки, өзгөчө жан элестелет. Жараткан аялды жаратып атканда өзүндөгү толуп - ташкан мээрими мн сүйүүсүнөн белендеп кошуп, сулуулукту улуулук мн жууруп, көңүлүн салып, эргүүсүн берип жараткан сыяктуу. Намысын арттырып, күчүн толтуруп мырзаларды коргоосуна алсын, кастарлап жүрсүн, аярлап сүйсүн деген чыгар? Мен - аялмын! Эркелеп, эргүү мн жашаган! Ааламды кооздоп, гүлгө айлантуу менин каалоом. Майрамың менен, улуу зат - аял зат!♥ #жөнэлеойлор 📸 @djanjyldyza

26.05.2020
Атаандашууда өсүш жаралат дешет. "Көралбастык эмес атаандашуу болсун" дечүмүн, бирок атаандашып атканда деле арамдык, ичи тардык кошулуп кетет экен. Атаандашканда өзүң мн атаандашың керек экен. Мурункудан кийинки Назира аштыбы деген кыязда. Өзүңдү өзүң мн салыштыр. Адам өзүн өнүктүргөн сайын дагы бир тепкичке бийиктейт. Айрым учурда мурункунун кылык жоруктары кийинки үчүн күлкүлүү көрүнө баштайт. Анткени мурунку сен өсүп кеткен кийинки сендин алдында турат. Бийиктен караган көз караш башка болот. Өсүп атканыңда чоңоюп аткан балага көйнөгү батпай калган сыңары кадимкидей өзүн тегеректеп турган адамдар да кызыксыз боло баштайт. Алардын ар бир мүнөзү, кыялы - жоругу так, даана көрүнөт. Мурун ал сага идеалдуу болчу балким. Азыр өйдөгө чыккан, өскөн көз карашың мн карап алып, өзүңдү канчалык деңгээлде сыйлабаганың, ушундай мамилени өзүңө ыраа көрүп, тебелетип жүргөнүңдү көрүп, чыйрыга түшөсүң. Ар бир адам өз дезгээлине жараша, өзүнүн энергиясына тең адамдарды тегеректетет. Анткени аларды көңүлү, сөзү бир. Сен өскөндө мурункулар чак келбей калат. Сенин деңгээлиңдеги бийиктеген адамдар мн жолуга, достошо баштайсың. Байкаганым, дайым эле интеллектиси жогору адам бийик болбойт экен. Өсүү бул интеллект жактан эле эмес руханий, моралдык жактан өсүү эсептелерин баамдадым. Ушундай кванттык физиканы билет, бирок жашоонун физикасын, даанышмандыкты билбесе интеллектиси тыйынга татыбайт экен. Өзүңдү тааны, өзүңдү өстүр! Сазда жатсаң, демек бака бойдонсуң! Тегерегиңдеги адамдар жаман эмес. Кеп ошолордун арасында жүргөн өзүңдө. #жөнэлеойлор

14.11.2019
1. Кызыктуу суроолоруңарды бергиле! Эмне айтып берейин? Эмне кызыктырып жатат? 2. Кайсы темада статус жазуумду каалайсыз?

17.01.2020
@_sky_lotus__ конокто болдум. Кордицепс белек кылышты. Ал бийик тоолордо өскөн козу карындын бир түрү. Ден соолукка абдан пайдалуу. Иммунитет көтөрөт. Өпкө, боор, бөйрөккө сонун. Рак ооруларын алдын алат. Иче баштадым мен. Ыраазымын @_sky_lotus__

16.01.2020
@alexey_filatov экөөбүз он беш жылдан кийин... 2005 - жылы КТР де "Улуттук хит парадды" алып барып баштадык эле. Сагынышыптырбыз. Сырдашып бүтпөй жатабыз. Эски көздөр кандай сонун?!

16.01.2020
Көптөн көп күткөн күнүбүз да келди! Эмгегиңдин үзүрүн экрандан көрүп, каткырып отурган кандай керемет? Мага роль берип, ишеним көргөзгөн @suiun_otkeev досума рахмат. Көйнөгүм аябай жакты! @ameli_store_kg чоооң рахмат! Соооонун көйнөктүн түрү бар. Туркиядан келет. @meerim_mambetisaeva табитиң сонун! Дагы көп кызыктуу көйнөк күтөм сенден. ♥ @aigera__vizazh макияж аябай жакты.♥ Элдин баарынан комплимент алдым. Чач жасалга @aiperi_hairstylist @aitolkun_makeup_studio рахмааат! #кыялкэштер фильмин шаардын баардык кинотеатрларынан көрө аласыздар!

15.06.2020
Жаңы эфирге чыгып баштаганда эшиктен эл тааныса, ыңгайсыз болуп, далай ыйладым. Жөнөкөй, карапайым, кара кыз болсом, кээ бири "Мага эле окшош түрү суук кыз экен. Мени деле боеп койсо, мындан сулуу болуп чыга келем" дегени болду. Башыман ылдый тиктеп карашат. Сөөмөйү мн кезешет. Ар кандай сөз айтышат. Айтор, көнүш кыйын болду. Көпкө чейин качып жүрдүм элден. Азыр деле жупуну жүрөм, бирок элге сиңгенди, аларды түшүнгөндү үйрөндүм. Титиреп, аптыгып, кызарып кеткен күйөрмандарым бар. Ичимен ызаат көрсөтүп атышканына кубанып калам. Элдик адам болуу сонун. Сыйды, сүйүүнү сезесиң. Эркелейсиң. Жан тартып, боор тартып, мени мн кошо күлүп, ыйлаганыңарды сезем, туям. "Кандай жардам керек болсо, кайрылыңыз!" деп турганы бар. Мен силер мн сырдашам, сырыңарды угам. Катталып, жөн эле ойлорума ортоктош болгонуңар мени сүйүнтөт. Сыртта жолугуп, батасын берип, жылуу сөз арнаганы андан көп. Ыраазымын!♥