29.09.2019
Энем сөөктү таза мүлжүсөң, эриң сулуу болот десе, тим эле мүлжүйт элем болгон тишиме салып, итке эч нерсе калтырбай. Илгери кесир болбосун деп эле бирөө тамаша ирээтинде деп койсо керек да. Аны ким билсин? Бирок, кыздар, эркектин сулуулугу сырткы дүйнөсүндө эмес экен. Эркектин сулуулугу анын эр жүрөгүндө, тайманбастыгында, ыйманында, марттыгында, маданияттулугунда, курчтугунда, тыңдыгында, табышкерлигинде, билиминде, эмгекчилдигинде, сыйында, камкордугунда экен! Жүрөгүнүн сулуулугу жүзүнө чыга келет. Эркектин колун кармаганда эркек экени билинип турсун. Салмактуу, орундуу, кызыктуу сүйлөгөнү болсо, кулагың жыргайт. Далдайып, олбурлуу болуп, карааны сүрдүү турса, өзүңдү корголгондой сезесиң. Айбаты көрүнүп, сүрү билинип, жүрөгү курч турса, кандай гана кыз болбосун багындыраар. Улуулуктан сүйлөсө, ою бийик болсо, жүрөгү таза болсо дейсиң! Карааны тоодой, жүрөгү кең, курч жигиттер калгандыр! Илгери чептен эрдин күчү бек дээр эле. Алар фейсбукта, инстаграмда эмес чыныгы жашоодо жүрүшсө керек. Бул жакта болсо деле билинбей жүргөндүр. Чыныгы мырзалар, айбаттуулар, кайраттуулар, силер бар болгула! Саныңар көбөйсө экен! Көбөйсөңөр, эркектен күч талашкан кыздар назик жанга айланмак! Силерден талашмак эмес бийликти. Бийиктикке чыгарып, артыңарда жөлөк болоор эле! #жөнэлеойлор

16.03.2020
Физикалык жактан эркин болгонуң сенин толук кандуу эркиндигиңди түшүндүрбөйт. Башкага жакшы көрүнүү, жакындарңдын көзүндө үлгүлүү болуу, сүйбөгөн жумушуң, каалоосуз курган турмушуң, эрежелер, милдеттер ж.б. Биз баамдабаган, капарга албаган канчадаган капас бар?! Жан дүйнөңдүн эркиндигин кишендеп, тузактап, чүлүктөп, зордоп, кыйнап жашайбыз. Тозокту бул жашоодон баштайбыз. Куурап, эркиндиктин канатын кыркып, зынданга тыгып жашасак, бейиш келет дейбиз. Дейбиз, бирок жаңылабыз. Үшкүрүк, өкүнүч толтурган изди калтырып жөнөйбүз. Тушалып алып, узун жолдо барабыз. Бизди тушаган нерсени кесип салуу, алып салуу, кенен - кенен арыш жасоо ою эмнегедир мээбизге келбейт экен. Көнүп калганбыз анткени. Туурасы ошол экен деп ойлойбуз. Боз, кара өңдөн дагы түстүү башка өңдөр бар десе, кызыл чеке болгуча кырылышабыз, урушабыз, сөгүшөбүз. Көнө келсе, чабышабыз. Боз өңдү далилдейбиз. Түстүүсүн жокко чыгарабыз. Каапыр, жаңылыш, ката өң дейбиз аларды. Байланган жашоодо ыңгайыбызды таап алганбың. Өзгөргүбүз да, өзгөрткүбүз да келбейт. А кокус бирөө аракет кылса, чокудан ары бир коебуз, же барылап төпөштөйбүз. Көзүбүздү ачкан адамды жек көрөбүз. Кызыкпыз биз.... #жөнэлеойлор

31.05.2020
Шар аккан суудай, жолумду издеп, шашып агам. Урунам, согулам, бирок токтобойм. Токтодуң дегиче эле сазга айланасың. Безилдеп, күндөр алмашкан сайын жаңылык издейм. Маалымат мн толуктайм. Ачылыш жасайм. Өз дүйнөмдү аңтарам. Тааныган сайын жашоо жеңилдеп, анын мааниси чыгып, өңү ачыла түшөт. Отчет берем. Анализдейм кадамымды. Өткөн күн кандай сабак калтырды, учурда кандай сезим ыроолоп турат, алдыга кандай максат коем. Эркиндик, жан дүйнөнүн тынчтыгы, сүйүү. Үчөө эриш - аркак жашооңо орногондо бакыттын даамы келет. Көз каранды болбосоң, өз жашооңо ээлик кылсаң, чечимди өзүң чыгарып, кадамды ишеним мн таштай алсаң, эркиндик. Кыжалаттык жок болсо, санааң тынч болсо, болбогон ойдун олжосу болбосоң, тынчтыктын келгенин билдирет. Сүйүү эң таттуу сезими ушул. Аны өзүңдү сүйүүдөн баштап, айланага чачасың. Гармонияга, бакыттын балкыган демине жетиш үчүн көп нерсени үйрөнүп, анализдеп, мүдүрүлүп, кайра туруп, сабак алып, китеп окуп, өзүңдү изилдеп жүрүп жетесиң. Токтобойлу, достор. Шар аккан суудай шартылдап, жол жиреп, жолубузду таап өтөлү. #жөнэлеойлор

28.09.2019
Малаховго бирдеме дебейсиңби дегендер, эмне дейин мен ага? Аябай кыйын элбиз, кыйындыгыбыздан көрүнгөн өлкөдө тентип, балдарыбызды таштап коюп, күнү - түнү иштеп, ден соолугубузду акчага алмаштырып , балдарыбыздын токочун таап атабыз дейимби? Же ушундай ынтымактуу элбиз түндүк - түштүктү кой, айыл - айыл, уруу - уруу, айлабыз кеткенде партия - партия болуп бөлүнүп алып, бири бирибизге жугунду төгөбүз дейимби? Эмне дейин айткылачы? Ушундай берешен элбиз. Берешендигибизди ушундан бил жерибизди тебелетебиз көрүнгөнгө, уран - алтынын каздырабыз, суусун сатып, жерлерибизди ит бекер берип ийебиз дейимби? Же ушундай билимдүү элбиз, мугалимлерибиз "пашти што" бекер иштеп, чоңдорубуздун эки сөзүнүн бири ката, эки тамганы эптештирип окуйт. Анткени министрибиз бир катадан эчтеке болбойт деген, көнө келсе, мектепти контейнерден салып салабыз дейимби? Ушундай чечкиндүү элбиз. Шайлоодо эртеңибизди миң сомго, бир бөтөлкө аракка, бир мүшөк унга сатып жиберебиз дейимби? Бийликке оозу кыйшык болсо да, туугандар отурсун, жарыгы мага тийсин деген жактан алдыга ат салдырбайбыз дейимби же? Диплому бар, билимдүүлөр соодада, таксиде диплому жоктор майлуу - сүттүү орунда десем да болот, баса! Намыстанып, чычалаардан мурун ушул аңга түшкөнгө өзүбүз күнөөлүү экенибизди бир билели! Бири бирибизге шылтап, сөөмөй менен кезеп, сен күнөөлүсүң дээрден мурун ар бирибиз күзгүгө бир каранып, кеп башкада эмес өзүбүздө экенин аңдайлы. Сенин, менин да бүгүнкү күнгө салымыбыз чоң! Элге " сопляк " көрүнүп атсак, ошондой бардыр! Чычалап не кажет? Балким чындыкты айткан үчүн чычалап, жарабызга оор тийип аткандыр! Качан гана күчтүү мамлекет болуп, ынтымагыбыз бекем болгондо эч ким бизге өйдө карап, бутун сүртө албайт! Болбосо, бул шылдыңдын башы эле. Ойгонбосок, дагы далай тебелейт. #жөнэлеойлор

14.03.2020
Ар бир нерсени өзүңдүн ырахатың үчүн жаса. Үй жыйнаганда ырахатың үчүн жыйна. Сулууланганда ырахатың үчүн сулуулан. Эгер бирөөнүн көзүнө көрүнүү үчүн, башка бирөө үчүн, бирөөнүн ырахаты үчүн жасап атсаң, эркиндигиңдин чектелген жери ошол. ____________________________________________ Таң атпай шугарингде ырахаттанган ким? Мен! @shugaring_kg колуңа береке! ♥

30.05.2020
Гүл, белеги мн тосуп алышты. Чочуп кеттим. Толкунданып баратсам, толкунданып эшиктин алдына тизилип алып тосуп алганы жүрөгүмдү жибитип, улуу башын кичүү кылып, ийилип турганы алардын канчалык деңгээлде жөнөкөй экенин көрсөттү. Алмаз Атамбаевдан интервью алып берем деген сөзүм бар болчу. Жетишпей калдым. Балдарынан алдым. Азыр ар кыл өйдө - төмөн ойдосуңар. Тактыдан түштү деп, табаасы канганы көп. Бирок аларды алгачкы жолу жакындан көрдүм, сүйлөштүм. Гүл канчалык кооз болсо, багбанына сук артасың! Тартиптүү уулдарды өстүргөн үчүн атасына , энесине ыраазы болдум! Интервью чыкканда өзүңүздөр күбө болосуздар! #жакында #интервью Кыйын, кыйналып, баары душман болуп турган кезде мен колдогум келди!

27.09.2019
Тишиң бүкүл кезде таш чайнап - чайнап албасаң, кийин чокуңа кыр ашмак белең?! Жумуш болуп, чуркап турганга не жетсин?! Ылайым ден соолуктан айтсын Жараткан! -Өхх, чарчадым ,- дегендер ишиңер жүрбөй, итиңер чөп жебей калганда же дениңер аксап, соолук айтпай турганда керели кечке шып тиктегенде "чарчадым" ды айтканыңар үчүн миң эсе өкүнөсүңөр! Алты сан аман болуп, иштеп тургандан айтсын! ---------------------------------------------------- Бүгүн үч башка съемка болду. Сулуулаган @meka_make_up_1 @meka_make_up_1 @meka_make_up_1 бактылуу бол! Колуңа береке!

13.03.2020
Мага окшоп болгон жанга боор тартып, бырылдап ыйлай берет. Жан балам жушак жүрөгүң таштай сезими жок турмушка чыдаар бекен деп санаам тынбайт. Көз жашымды, же алсыздыгымды көрсөткөндөн чочуркайм. Көзүмдүн тамчысы балалык назик жан дүйнөсүн миң чачыратып, заманасын кууруп жиберет. Ыйлагым келсе, ал уктагандан кийин бышактайм. Анын көзүндө бактылуу, жайнап турган, күчтүү аял катары калгым келет. Балалыгын эстегенде кайраттуу, жашоого күлө караган эне тартылсын. Атасы да ал үчүн болуп көрбөгөндөй күчтүү каарман. Анын орусча адабий сүйлөгөнүн, акылдуу ой жүгүрткөнүн, ал тургай ал жасаган мимиканы кошо жасап, туурайт. Эки сөзүнүн бири атасы кандай акылдуу жана баардык суроонун жообу анда экенинде. Атасын айтканда көздөрү жайнап, толкундана түшөт. Мен болушунча шыкактап, баламдын ар бир сөзүн кубаттайм. Анын жомогун, укмуш элестерине чаң жугузгум келбейт. Кастарлап, көлөкө түшүрбөй, кайтарам. Напназик, жупжумшак жүрөгүңдүн, таптаза, кир жуга элек жан дүйнөңдүн кароолчусумун балам. Бул кылганым канчалык туура билбейм! Кир дүйнөгө балким туруктуу кылып тарбиялоом кажеттир, бирок кайсы эне өз баласына чаңды, ылайды ыраа көрсүн?! Таза дүйнө кир дүйнөнү тундуруп, жумшактык катуулукту жеңет дейм. Ошого ишенгим келет. Болбосо, энелер согушка даярдагандай балдарын зөөкүр тарбиялай берсе, дүйнөнүн сулуулугу кетип, Жер шаары огунан чыкмактыр. Энелигим сени адам кылып тарбиялап, мыктыдардын катарын толуктаткысы келет. Багытың түз болсун, уулум. ♥ #жөнэлеойло

29.05.2020
Сырткы беткабыбызды чыгарып, чыныгы жан дүйнөнү жылаңачтай турган болсок, баарыбыз укмуштуудай сулуубуз! Билесиңерби? Жан дүйнө таптаза, өңгөч тарттырат, суктандырат. Куу, желмогуз, калпычы, эки жүздүү, ачуулуу ж.б. адамдардын жүзүн кийип коргонот өңдөнөбүз. Бири бирибизге катуу сөз айтканда , сын айтканда сырткы беткабыбызга гана карата айтылат. Эгерде ар бирибиз жан дүйнөбүздү бири бирибизге беткапсыз, жылаңачтап көргөзө алганда бири бирибизди чексиз сүйүп, сыйламакпыз! Эч качан көңүлүбүздү оорута алмак эмеспиз. Аямакпыз. #жөнэлеойлор ________________________________________________ Сүрөттө мурунку ажообуз Атамбаев Алмаз Шаршеновичтин кичүү уулу @kadyrbek_atambaev_official

27.09.2019
Канчалык башыбызды чокмор менен кандап, көрсөтүп жатса деле мурунку түшкөн аңга түшө берет экенбиз. Себеп? 2020 - жылы эски саясатчыларга шайлабайм. Эгемендүүлүктөн баштап парламентте отургандар, бетиңер кызарсын. Жеп аткан ашыңар кокоңордон өтө албай атып өтүшү керек. Элди карай турган жүзүңөр жер карап туруусу керек негизи.. Ушул аңга жетелеген эскилер. Уялбай, кызыктуу жомогун айтып, жаңы шайлоого эч нерсе болбогондой келерсиңер.. Азыркы саясый абал кокосуна жетип, жаңы жол ача турчу курсагы дагы, көңүлү дагы ток мыктылар, билимдүүлөр, отличниктер, китеп бетин окуй ала тургандар, сабаттуу жазгандар, орундуу сүйлөгөндөр, мыйзамды окугандар, түшүнгөндөр, мыйзамдын түшүн жоруй тургандар, эң башкысы күпүлдөп сөзү менен эмес, иши мн мактоолорго арзый тургандар келер! Азыркы саясый абал ирээнжитип туру... элдин сабырын сынабай тургула! Толкуса, өпкөңөрдү үзө толкуйт! Акыйкатсыздык ашып баратат.. #илгериүмүт

29.05.2020
Адам жашоо менен деле күрөшпөйт экен. Ал өзү менен өзү күрөштү жүргүзөт экен. А сырткы дүйнө ички дүйнөбүздү жеңиш үчүн гана курал болуп берерин байкадым. Сырттагы адамдар, сырттагы турмуш, сырттагы кыйналуу - иллюзия. Кеп ичте экен. Жалган дүйнө деп бекер айтпаса керек. Бирок аны түшүнбөптүрбүз. Өлгөндө чыныгы дүйнө башталат деп күтүп жүрө беребиз го? Чыныгы дүйнө, чыныгы аалам ичиңде! Ал - сенсиң! Ал жалган дүйнөгө болгон чыныгы дүйнөңдүн көз карашы. Ар бир табышмактын жандырмагы, суроолордун жообу, кыйналуунун себеби бар. Биз кыйналганды көрөт экенбиз. Ошого наалыйбыз. Бирок ал кыйналуунун ары жагын көрбөй жатпайбызбы! Ал эмнеге келди дебейбиз! Ар бир оорунун себеби бар ал тургай. Жашооңо келген адамдын да себеби бар. Изденбейт экенбиз. Бизге наалып, Кудайды, тагдырды, бешенебизди күнөөлөп, өзүбүздү курмандык элестетип, өзүбүзгө боор ооруп анан элдин аеоосун чакырып жаткан ыңгайлуу экен. " Баары келесоо, баары жаман өзүбүз укмуш." Бул оюнду дайым ойнойбуз. Тажабайбыз. Жашоонун өзгөрүшүн эмес өзүбүздүн өзгөрүшүн колго алсак, жүддаям сонун болот! Бактылуулуктун энергиясына өтөлү! #жөнэлеойлор

26.09.2019
Өзүмөн чоң көлөчтү кийип алып, образга кирип аткам жакшы эле негизи. Балээ басып, сокур молдо жетелеп кетиптир... Жеңелер деле чарчайт да ээ?))) #съемка

05.11.2019
Жаңы ажырашканда эркектен алгач көңүлүң айланат. Тим эле итиркейиң келет! Баары эле оппокшош бп бир эле "бабник", "сволуч", "калпычы" "жеткен шүмшүк" бет кабын кийип алгандай көрүнөт. Көргөндө эле тырмана баштайсың, аллергия болуп. Өзгөчө "движение " кылып баштаганда тим эле "котур" болгон немедей эле тырманасың! " Экинчи эрге тийсем элеби! Өзүңө өзүң өмүр бою жалгыз жашап өтөм!" деген ант бересиң! Убакыт өтөт. Кечиресиң. Жүрөгүң жумшарат. Мээңдеги ылай тунат. Көп нерсе көрүнө баштайт, көзүң ачылат. Жаныңа жуутпай, "Желкемдин чуңкуру көрсүн! " дегендер мн сүйлөшүп көрөсүң. Сүйлөшсөөөөң эле ары жагынан жакшы эле адам көрүнө баштайт. Дагы жакшылап үңүлөсүң. Үңүлсөң эле алардын да сеникиндей жүрөгү, көңүлү, сезими бар экенин байкайсың. Ишенбейсиңер бирок "однолюбдарын" да кезиктирдим. Болгондо да аялдан көңүлү калып, экинчи аял алсам элеби дегендер! Анан аларды аяй баштайсың. Энелигиң ойгонуп, өлүп калган ичиңдеги "аялдыгың" тириле баштайт. Кээде ушунчалык аяйсың, жолунан адашып жүргөнүн көрүп, жетелеп, жолун таап, көңүлүнүн канаганын көрүп, таңып бергиң келет. Бергиң келет бирок коркосуң! Мурунку жашооңду, таарынычыңды кое бергениңдин белгиси алгач башкаларды сени сүйүүгө уруксаат бересиң. Анан ичиңдеги кандайдыр бир инстинкт "Түгөйүңдү тап!"деп укуй баштайт. Бирөөгө башыңды жөлөп, эркелегиң келип, жүрөгүң сүйүү издейт. Ким жакшы сүйлөсө эле, "болочоктогу түгөй" деген текчеге теңей баштайсың. Мурунку тажрыйбаң жардамга келет. Мурункусу мындай болчу. Демек, тигиндейи керек деген эсеп - кысаптар башыңда пайда боло баштайт. Иши кылып өткөндөгү каталар кайталанбашы керек. Ошон үчүн кыздар, балдар, ооруган жүрөк айыгып, өлө албай жатып, өлөң айтат болуп, жаратынан жаңы айыгып алып эле жүрөк кургур сүйгүсү келе баштайт экен. Баары бүттү дегендер, бүтө элек! #жөнэлеойлор

13.03.2020
Гей, лесбиянка, феминст, көзү ачыгы, сойкусу... ж.б. дейбиз. Чүйрүйөбүз. Бирөөнүн ал баласы, эжеси, иниси, карындашы, тууганы экени мн ишибиз жок. Басынтканды, жектегенди, жек көргөндү, ур - тепкиге алганды жактырабыз. Толеранттуулук түшүнүгү сиңе элек. Өзубүздүн комплексибиз бар. Жарабыз бар. Бирөөнү тепкилегенде эс алабыз. Тепки жеп чоңойгонбуз. Ичибиз каңгырап бош. Сүйүү алган эмеспиз. Чокубузга анан сүйүү беребизби? Жакыныңа жардамыбыз жок анан башкаларды кантели? Бирөөнүн тандоосун сыйлаганды үйрөнө элекпиз. "Меники туура" түшүнүгү гана жашайт. Абдыракаттуу, мээси иштеген бирөө туура деп койгон аны. Ээрчимелик, көз карандылык, "Эл эмне дейт" дегендик, "Эл кайда акса, ошол жакка агабыз да" дегендик, калыпка сыйгандык, андан чыга албагандык бар. Өз мээбиз мн ойлонуп, өз тандообузду жасаш өөн учурайт. Бир аз эле көз карашы, кийими, стили, ой жүгүртүүсү башкача болуп калсын ур - тепкиге алабыз. "Эмнеге сен бизге окшошпойсуң?"-дейбиз. Аны да калыпка, өзүбүздөй зынданга салгыбыз келет. Көралбастык сонун иштейт. "Менден кемисин, бирок ашпасын". Ал генде бар. Мындай карөзгөйлүк, түркөйлүк түшүнүк качан жоюлат? Адам билим алганда, өзүн өнүктүргөндө, өзүн сүйүп, комплексин жое баштаганда арылат. Анткени ичиң сүйүүгө толуп, жеке өзүң мн алек болуп атканда бүт дүйнө сулуу көрүнөт. Кой аксагы мн жүз. Ар бир адамды өзүнүн тандоосу, кемчилиги, артыкчылыгы мн сүйөсүң. Анын дини, тили, өңү, кийими, статусу мааниге ээ эмес болот. Анын дили, жүрөгү алдыга чыгат. Ал бийиктикке качан жетет болдук экенбиз? Укмуш өнүгүп кеттим дебейм, бирок кандай болбогула сиз мен үчүн Жаратканымдын пендесисиңер. Силерди жектеп, жоктоп, мактап, соттогудай мен киммин? Өз жашоом мн алек болуп, күзгүдөн алгач каранып алайын. Башымдагы төөнү көрүп, аны мн алек болоюн. Жашоо ансыз деле аз. Сидерди эмес өзүмдү тааныганга жетпейт. #жөнэлеойлор

28.05.2020
Кандай мамилени өзүңө ыраа көрсөң ошондой мамилени күтөсүң. Өзүңдү кандай бааласаң, ошончолук баада сени баалашат. Бийик койсоң, бийик баалайт. Чаң жугузбайт. Өйдөдө болосуң. Башына таажы кылат. Төмөн койсоң, бут алдында болосуң. Тебелеп, чаңдатып, кирин сүртүп турат. Сындап, көңүлүңдү оорутуп, ишеним көргөзбөй, жан дүйнөң мн эсептешпей жатышса, ойлон! Тык токто! Ал мага андай мамиле кылгыдай, мен эмне кылып атам? Кантип бул мамилеге татып атам? Өзүңдү бийик мамилеге татыктуумун десең, үз мамилени. Артыңды карабай чурка! Мамиле эгер ишенбестиктен куралып атса, борпоң топурак мн салынып аткан үйгө окшош. Жаан, шамалга туруштук бербейт. Кайсы учур болбосун кыйрап түшөт. Сени сүйгөн адам айттырбай эле көрүнөт. Анын мамилесинен дароо түшүнөсүң, тааныйсың. Ал мамиле ырахат, кумар, ишеним, тынчтык тартуулап атса, демек, туура мамиле жана анын баркын бил. А эгер сөзүнөн жүрөгүң ооруп атса, өзүңдү кем сезип атсаң, кыжалаттык пайда болуп атса ал уулуу мамиле. Ууландырат. Бара бара чүнчүтүп, жок кылат. Уулуу адамдардан кутулуу керек экен. Бир эле өмүрүң бар. Ууландырып эмес, гүлдөтө турчу адамдарды тегеректетели. Мамиле кыз - жигит мамилеси гана эмес жашооңдогу баардык мамиле тууралуу кеп жүрүп жатат. Мейли ал ата - энең, бир тууганың, досуң, шефиң, кесиптешиң болсун...үзгөндү үйрөн! #жөнэлеойлор

26.09.2019
Эл аралык "Сапат" билим берүү мекемесинин окуу жайлары мыкты деп билем. Анткени өзүм окугам. Эл аралык "Ататүрк Алатоо" Университетинде окуп жүргөндө терең билим алдык. Сынак тапшыруу оңой - олтоң эмес, бир топ машакатуу эле. Пара мн бүтүрүү, кыргызча сүйлөшүп алуу жок. Күнү - түнү окуйсуң. Университетимдин жылуу атмосферасы, бир туугандык мамилебиз, башкача тартип жүрөгүмөн түнөк тапты. Андай чөйрөнү, андай жылуу ата - энелик мээримди башка жактан жолуктура алган жокмун. Көп жыл өтүп, мага тааныш дүйнөгө уулумдун да сүңгүшү сыймыктандырып турат бүгүн. Көкүрөк толо сыймык! Балаңа дүйнөнүн мыктысын каалап, каймагын иргеп бергиң келет экен. Тапкан - ташыганымды уулума чаптагым келип турат. Билим жана сүйүүм - сага бере ала турчу эң чоң белегим, колуман келген эң чоң жакшылыгым! Идиректүү болуп, илип кетсең экен! #gramotei #sapat