20.02.2020
Залкар жазуучу, президенттин кеңешчиси Султан Раев агабыз кеңсебизге зыяраттап келген экен. Бир топко баарлашып отурдук. "Ээсине кайткан роза" повестине кайра кайрыл. Розанын гүлү менен тикени тууралуу дагы кененирээк баянда деген кеңешин айтты. Көркөм ойго бай адамдардын пикирлери уникалдуу келет. #Султан_Раев

19.02.2020
Жапония жана Германиядагы мекендештерибиз китеп чогултуу өнөктүгүн башташыптыр. Рахмат, бир боорлорум. Жараткан жар болсун!

17.02.2020
Бир райондон келген мейман жаштар менен баарлашуу учуру. Жаштардын деңгээли - өлкөнүн эртеңи кандай болорун көрсөткөн лакмус кагазы сыяктуу. Чамдагыла, Азиянын Арстандары!

15.02.2020
Бүркүткө туш болом десең таза жүр?

14.02.2020
Ай жокто түн караңгы, аалам көрксүз, Асылым - сүрөттөөгө бал сөз жеткис. Ааламдын баш аягы болбогондой, Апакем, сизге деген сүйүүм чексиз. #бейишим

12.02.2020
Китеп олимпиадасы башталды. Катышканы Караколдон, Жумгалдан, Баткенден бери келишиптир. Мындай ыкласы менен жаштарыбыз, буюрса, тоону томкорот. Дүйнөнүн эң окумал, эң китепкөй эли бараалына келүүдө. Акыл азыгына канган акылман муун калыптанууда. Мекен келечеги, шүгүр дейли, ишенимдүү колдордо. Жол бошоткула! Кыргызстан келатат!

10.02.2020
Кара-Суунун Шерали айылы. Кычыроон кышта кабагым-кашым дебей эшикте күтүп, эшикте баарлашкан кең пейил, сабырдуу элибизге кантип ыраазы болбойсуң? Жараткан жар болсун!

09.02.2020 Bishkek, Kyrgyzstan
Буюрса, 12синде Маданият министрлигине караштуу бир канча китепканаларда жана окуу жайларда сынак өтмөкчү. Миңден ашуун адам катталды. Китепкөй өлкө өнүгүүдө. _ Өткөнгө мылтык кезесек, келечек замбирек менен тосуп алаар 🔥 “Региондорду өнүктүрүү, өлкөнү санариптештирүү жана балдарды колдоо жылынын” алкагында КРнын Маданият жана маалымат туризм министрлигинин колдоосу менен " Бир адамдан- бир китеп" долбоору, "Данек" китеп дүкөнү жана "Инсан" коомдук фонду тарабынан өткөрүлүп жаткан республикалык #КитепTime китеп олимпиадасынын жаңы сезонунун алгачкы оюну 🔥 Алгачкы таймаш Көчкөн Сактановдун "Маркумдар үнү" чыгармасынын негизинде өтөт жана байке фонду 100 000 сомду түзмөкчү 🔥 Таймашка катышуу акысыз жана каттоо 10-февраль саат 18:00гө уланат 🔥 Тандап алуу оюндары бир катар окуу жай жана китепканаларда өтөт. Катталгандар ватсап группаларына жараша бөлүштүрүлөт. Катышуучулар оюн болоор күнү айтылган жерге жараша 09:00гө келип, кошумча каттоодон өтүүсү зарыл 🔥 ТАЙМАШТЫН ӨТҮҮ ШАРТЫ: Таймаш Бишкек шаарында өтөт жана 2 турдан турат. _ 1-тур . Тандап алуу оюндары. 12-февраль күнү өтөт. Форматы: тест түрүндө Тестте 100 суроо берилет. Жалпы катышуучулардан алдыңкы орунду ээлеген 75 окурман финалдык таймашка жолдомо алышат _ 2-тур. Финалдык оюндар. 14-февраль күнү өтөт Форматы: суроо жооп түрүндө Алдыңкы орунду ээлеген 75 окурман чүчү кулак таштоо аркылуу 15 командага бөлүнөт жана жарыш командалар арасында өтмөкчү. Таймаш суроо жооп түрүндө өтүп, жеңүүчүлөр топтогон упайларына жараша аныкталат 🔥 Жеңүүчүлөрдү сыйлоо “КитепТой” иш-чарасында өтөт. Байгелер 1-орун 30 миң сом 2-орун 25 миң сом 3-орун 20 миң сом 4-орун 15 миң сом 5 -орун 10 миң сом Мындан сырткары китеп сүйүүчүлөр упайларына жараша баалуу жана кызыктыруучу белектер менен сыйланышат. 🔥 P.S. Белгилүү жагдайларды эске алуу менен оюндун форматы ушундай түзүлдү. Бул формат эксперименталдык жана алдыдагы китеп жарыштарда өзгөрүүсү мүмкүн экенин баса белгилеп кетебиз. 🔥 Экстра P.S. Аталган олимпиадага демөөрчү боло алам дегендер үчүн эшигибиз ачык.

07.02.2020
Соцтармакта араздашкыдай убактыңыз ушунчалык көппү?

04.02.2020

02.02.2020
Book House китеп дүкөнүндө китепкөйлөр менен жолугушуубуз болду. Баарлаштык, сырдаштык, ыр окудук. Китеп дүкөндөр менен китепканалар толо берсин. Эң көп өткөн товар, эң көп тартууланган белек - китеп болсун. #Китепкөй_Кыргызстан деген атак менен ааламга өрнөк көрсөтөлү!

01.02.2020
КОРОНАВИРУС – азыркы күндөгү АДАМЗАТТЫН апааты. Бул бир гана Кытайга же башка өлкөгө тиешелүү эмес, бүтүн дүйнөнүн башына түшкөн сыноо. Глобалдык деңгээлде карым-катнаш, алака болуп көрбөгөндөй күчөгөн маалда бул илдет эртең ааламдын кайсыл капшабын капсалаңга салат, эч ким билбейт. Мындай балакеттин эпкини мага тийбей, кыйгап өтөт деп кепилдик алган да пенде жок. Ошондуктан, таба эмес, тообо кылалы! “Чала болду”, “ушуну көрмөк” деген сыяктуу пенделик пикирлер, ылайым, баарыбыздан алыс болсун! Бирөөнүн башындагы кайгыга, көңүлүндөгү көйгөйгө кубануу – адамдыкка сыйбайт. Өзгөчө, айкөл Манастын тукумуна мындай сыпат дегеле жарашпайт. Ошондуктан, адамзатка, анын ичинде Брюс Ли менен Джекки Чяндын мекени болгон кошуна Кытайга саламаттык тилейли. Ылайым, ушул сыноону ийгилик менен жеңип өтөлү. Жараткан бизге жар болсун!

01.02.2020
Досум, уктум, таштап бизди кетипсиң, Бул жалгандан акыретке көчүпсүң. Астанасын аттап кеттиң ар жакка, Жабылган соң кайра ачылбас эшиктин. Эстеп сени дуба кылып турабыз, Араң чыдап ачуусуна өкүттүн. Оо, Жараткан, соопторун көбөйтүп, Күнөөлөрүн, айыптарын бекиткин. Кош, курсташым, досум - #Махаматали_Султанов. Фотодо оңдон биринчи турат. Ноокендеги Сакалды айыл өкмөтүнүн башчысы эле.

30.01.2020
Керим баатыр, алган аманатыңды майын чыгара аркала. Барган жериңди бажырайткан нугуңдан жазба. Өлкөнүн эң ири телеканалдарынын бири болгон ЭлТРдин эки тизгин, бир чылбырын ийгилик менен жөндөй бер!

29.01.2020
Кадимки Кожомкул балбандын чөбөрөсү Орозалы иш кеңсеме жумуштап келип калыптыр. Кыргыз оюндарын, улуттук спортун даңазалаган калемгер жана коомдук ишмер экен. Бабасындай кур тагынып балбан күрөшкө түшпөсө да, маданият айдыңынын талыкпас күрөшкери болчудай. Аккан арыктан суу агат деген ушул. Азаматсың, тектүү жердин уулу! #Кожомкул_балбан

27.01.2020