13.03.2020
Балаң үчүн оку жана бөлүшүп кой Балам үчүн жашап жатам, балам болбогондо эчак эле жыйыштырып коймокмун баарын-деп напсинин сөзүнө алданып, шайтандын тузагына түшпө. Балдарыңа бооруң ачып жатса ук анда. Ортоңордогу ызы-чууну көрүп чоңойгон баланын жан дүйнөсү ансыз да талкаланып чоңойот. Бала үчүн жашап жатам деген жалган шылтоо менен баланы кошо кыйнап жатасыңар. Ата-эненин ортосундагы көңүлсүз, бактысыз жашоого курчалган балаланын бактылуу балагы кошо талкаланат. Балам үчүн жашап жатам - дебе мага, балалыгын талкалап туруп. Өзүңдү бактылуу сезмейинче балаң бактылуу болбойт эч качан. Балаңдын бактылуу балалыгын өзүң менен кошо талкалабай, жашоону жакшы жакка өзгөртүү өз колуңда турат. Аялыңды болушунча сүй же барынча сүй, кандай болсо ошондой сүй. Күйөөңдү болушунча сүй, жоктон бар кылып сүй. Унутпа Аллах Таала силерге жаман көрүнгөн нерсенин аркасына жакшылыктарды жашырып койгон... Үй-бүлө чырын үшкүрүнүп ар кимге айта бербей, сабыр жана акыл менен элдешип, жакшы жакка чечиңиз... Ата-энени баласы үчүн аткара турган эң чоң жакшылыгы, АТА МЕНЕН АПАНЫН БИРИН БИРИ СҮЙҮҮСҮ ЖАНА СЫЙЛООСУ. 13.03.20 ИДРИС АКЫН

24.11.2019
ЖИГИТТЕРГЕ ЖЕТСЕ ЭКЕН Короз менен айгырлар Короосун карап короктойт Чоочун короз, айгырды Байталына, тоогуна Бирин дагы жолотпойт Айбандан айтып акының Айтчу оюн толуктайт Ачуу да болсо айтайын Азыр кээ бир жигиттер Айбанчалык болушпайт Кор кылып кыргыз кыздарын Карашып турат, корушпайт Манты кулак балдар бар Маңкасын кээде тарта албайт Маанилүү иште жок болуп Марттыгы бир да байкалбайт Кыргыздын кызын кордогон Көк мээни барып табалап Колуңду тарт-деп айта албайт.... Жигиттер болду биригип Жаманды түртүп жектейли Кыз-келинин кыргыздын Кыйшайган жолдон чектейли Чоң сүйлөп, бир иш аткарбай Чоочундан кызын апкалбай Чочко болуп кетпейли 24.11.2019 Идрис акын

28.11.2019
ҮЙЛӨНГӨН БАЛДАР ҮЧҮН 1 Аялды эрге, эрди ата-энеге баш ийдирип койгон кудуреттүү Кудайга шүгүрлөр болсун. Эгерде эркектер ата-энеге кызматыбыз начар болсо, аялдарыбыз да бизге начар кызмат кылат... 2 Кайын энесинин купулуна толгон келин гана башка келиндерге караганда бактылуу жашайт. Өз энеси мактап турган келинди жаман көргөн күйөө баланын же көзү көр, же акылы анча иштебейт... 3 Сен үчүн баарын таштап келген келинге жардамчы боло албаган күйөө баланын башынан балакет көтөрүлбөйт. Келин сенин үйүңө бир күнгө же бир жылга келген жок. Бүтүн өмүргө келди. Сенин туугандарыңдын арасында бир гана сени тааныгандан кийин сен гана ага өмүр бою жардамчы боло аласың... 28.11.2019 ИДРИС АКЫН

13.03.2020

09.11.2019
КӨПӨЛӨК ТИРҮҮБҮ? Шакирт колуна көпөлөк кармап, алаканына абайлап артына бекитип барат. Устатына жымыңдап барып: "устат, айтыңызчы, менин колумдагы көпөлөк тирүүбү же өлүүбү?" - деп суроо узатат да, өзү ойлонуп "азыр тирүү десе колум мынын мычкып салып өлтүрүп көрсөтөм, өлүү десе тирүү бойдон көрсөтөм" - деп даярданып турат. Шакиртинин жылмайып турганын карап устаты ушинтип жооп кайтарат: "БАЛАМ, КОЛУҢДАГЫ КӨПӨЛӨКТҮН ТИРҮҮ ЖЕ ӨЛҮҮ ЭКЕНДИГИ САГА БАЙЛАНЫШТУУ" Урматтуу өкүл балдарым, жашооңордун таттуу же ачуу болуусу эң биринчи орунда ӨЗҮҢӨРГӨ БАЙЛАНЫШТУУ. Шылтоону сырттан издебегиле. ҮЙ-БҮЛӨ БИРИМДИК МЕНЕН БАШТАЛАТ, ЫНТЫМАК МЕНЕН САКТАЛАТ!!! 09.11.2019 ИДРИС АКЫН

29.11.2019
ӨЗҮҢДҮ ӨЗҮҢ КОЛГО АЛ!!! (Кудайга шүгүр дегендерге) -Чоң ата ЖАКШЫ ОЙ менен ЖАМАН ОЙ дегени эмне? -Балам, ар бир адамдын ичинде ЖАКШЫ КАРЫШКЫР жана ЖАМАН КАРЫШКЫР болот. -Кайсы бири жеңет, чоң ата? -КАЙСЫ БИРИН ЖАКШЫ БАКСАҢ, АР ДАЙЫМ ОШОНУСУ ЖЕҢЕТ!!! -------------------------------------------------------------------- Ар бир адамдын ичинде ЖАКШЫ жана ЖАМАН ой болот. Адамга көпчүлүк оору ОЙ аркылуу келет. Психологиялык депрессиядан чыгуу үчүн адам биринчи орунда өзү аракет кылуусу керек... _________________________________________ МАКСАТЫ ЖОК КИШИ, КАЛАГЫ ЖОК ДЕҢИЗДЕГИ КАЙЫККА ОКШОШ. Шамал кайда айдаса ошол жакка кете берет. КӨРҮНГӨНДҮ ЭРЧИП КЕТЕ БЕРБЕЙ ӨЗҮҢДҮН ДА ӨЗГӨЛӨРГӨ БЕРЕ ТУРГАН ӨРНӨКТҮҮ ӨМҮРҮҢ БОЛСУН!!! ________________________________________ МАЙРАМЫҢЫЗДАР МЕНЕН ДОСТОР! 29.11.2019 ИДРИС АКЫН

21.03.2020
ААЛАМДЫ БАШКАРГАН АЛЛА, КОРОНАВИРУСТУ ДА БАШКАРАТ. Пандемия келгенде бир да өлкөнүн эли -ТҮНДҮК - ТҮШТҮК болуп бөлүнбөдү -Теңирчи, каапыр, мусулман болуп бөлүнбөдү -кедей-бай болуп иргелбеди -сен-менге барбады -жалган маалымат таратпады -элди дүрбөлөңгө салбады -бийликтин буйругун бурмалабады... -ЭНПОлору элди энсиретпеди -соцтармактары сасыбады -фейктери фалштык кылбады -белгилүүлөрү балп этпеди, -жылдыздары жөөлүбөдү ЫНТЫМАК МЕНЕН БИРИГИШТИ. УЛУТУНА КАРАБАЙ, УЛУУЛУКТУ ТУУ ТУТУШТУ. Үйдө баатыр жоодо жоктор! Жаны шириндер! Жаның чыгып жатса да, тилиңерди тыйып, жок дегенде зыяныңарды элге тийгизбегиле. Ансыз да бир тыйындык пайдаңар жок.... Коронавирустан корккончолук Кудайдан коркконубузда, аттиң.... 21.03.20 Идрис акын

22.06.2020
АЛЫСКЫ САПАР САБАГЫ Досуңду билүүнү кааласаң, аны менен сапарга чык. Анткени адамдын асыл жүзү сапарда ачылат. Эмне үчүн сапар "сапар" деп аталган билесизби? Адамдын адеби жана асыл жүзүн ачып таштагандыгы үчүн. "САФАРА" арапча этиш сөзү "бет капты ачты, жүзүн ачты" деген маанини билдирет. Азыркы самолёттогу сегиз сааттык же унаадагы он сааттык сапарда адамдын ким экендиги даана билинбейт. Апталап, айлап, жылдап чогуу болгон сапар адамды жакшы таанытат. Ал эми бир өмүр бүтпөй турган эрди-катын сапарында шеригиңизди күн сайын үйрөнүп жашайсыз. Сапарымды токтотом десеңиз, бул ирет алсыздык жана жалгыздык менен андан да оор сыноо менен беттешесиз. Андыктан турмуштун оор жүгүн турмуш сапардагы түгөйүңүз менен бөлүшүңүз. Узак жолдо чарчабайсыз... Жаман эрдин аркасына жашырынууну үйрөнүү керек. Сизге жаман көрүнгөн иштин артына Аллах Таала жакшылыкты жашырып койгон. Мусулманмын деген ар бир эркек кишинин көзүн күйдүргөн хадис: "аял киши төрт эле нерсени аткарса бейиштин каалаган эшигинен кирет: намазын окуса, парз орозосун кармаса, уятын жапса, жолдошуна баш ийип - сыйласа"... Эрим менден кетпесин десең, жогорудагылар жадыңдан чыкпасын, карындашым😊

02.04.2020
ОЙГО САЛГАН ОЙЛОР... Көкүрөк көз сокур болуп калгандан кийин, көрүп жаткан көздөр пайдасыз болот... Курсагы ач адамды бир чыны тамак менен тойгозсо болот, назары ач адамга ааламды берсен тойбойт... Жүзү жоктон эмес, эки жүздүүдөн коркуу керек... Колуңдагы байлык белгилүү чекке жеткенде, ал акчада Алланын акысы пайда болот... Байда калың элдин көз акысы бар... -ушул тапта МАМЛЕКЕТ МАГА ЭМНЕ КЫЛДЫ - ЭМЕС, МЕН МАМЛЕКЕТКЕ ЭМНЕ КЫЛДЫМ ЖАНА ЭМНЕ КЫЛА АЛАМЫН-деген суроо актуалдуу... ТЕКЕБЕРДИК ТОЗОКТОН БӨЛӨК ЭЧ ЖЕРГЕ АЛЫП БАРБАЙТ!!! 02.04.20 ИДРИС АКЫН

29.03.2020
Сүйүнүчтүү салам кат😊😊😊 Ассалом алейкум достор, көп адамдардан келген суранычтарга байланыштуу, алдын ала саат койдум. Мына ушул саатта көрүшөлү анда. Бүгүнкү күнүңүздөр берекелүү өтсүн. Мекен үчүн, аалам үчүн, адамзат үчүн дуада бололу

21.03.2020
Эки кызынан кабар алганы барган ата😊 Батманын үйүнө барса, кызы сүйүнүп : "жакшы болду келгениңиз. Күйөө балаңыз менен бир гектарга буудай септик. Эми дуа кылсаңыз бир апта жамгыр жаап берсин. Буудайыбыз өнүп калмак" - дейт. Дуа кылып ал жерден экинчи кызынын үйүнө барат. Экинчи кызынын үйүнө барса, ал да сүйүнүп тосуп:"жакшы болду келгениңиз. Күйөө балаңыз менен ылайдан гыш (кирпич) куйдук. Эми дуа кылсаңыз бир апта күн чыгып ысып берсе, үй салып алабыз кургаса"-дейт. Дуа кылып ал жерден үйүнө келет. Үйгө келсе кемпири "кыздар кандай экен" - деп сураса, абышка: "ЖАМГЫР ЖААСА ЗУУРА, ЖААБАСА БАТМА ЭНЕСИНИН КҮНҮН КӨРӨТ "-дейт имиш😊😊😊

13.11.2019
ДЕН-СООЛУК Кымбат үйүм, кымбат машынам болсун деген менен экөөндө тең жашабайбыз. Адам баласы эң биринчи орунда өзүнүн ДЕНЕСИНДЕ жашайт. Ошондуктан баарынан кымбат ДЕНЕНИН КАДЫРЫН БИЛЕЛИ! ДЕН-СООЛУКТУН КАДЫРЫН ЭСТЕГИЛЕ АРАК ИЧПЕ, ЧЫЛЫМДЫ ЧЕКПЕГИЛЕ!!! СТОМАТОЛОГ АЙТАТ... Адамдар кызык, Алла бизге эки жолу бекер тиш берет. Бала кезде сүт тишти, анан чыныгы тишти. Эки тишти эптеп карай алышпайт, анан биз салып берген тишти этият кылып карап жашашат! 13.11.2019 Идрис акын

12.11.2019
АДАМ БОЛЧУ КИШИНИН АДАМ МЕНЕН ИШИ БАР! (жаштардын эсине) КОЗУ чоңойсо КОЙ болушу анык КҮЧҮК чоңойсо ИТ болушу анык Бирок БАЛА чоңойсо АДАМ болушуна ГАРАНТИЯ жок... Урматтуу балдар, аткарып жаткан ар бир ишибизден ата-энебизге АЛКЫШ же КАРГЫШ алып жатабыз. АТА-ЭНЕБИЗДИ ТААНЫШЫ ШАРТ ЭМЕС Жакшы ишибиз үчүн башкалар бир гана бизге эмес, "АТА-ЭНЕҢЕ РАХМАТ" - деп, аларды да макташат. Жаман ишибиз үчүн башкалар бир гана бизге эмес, "ТАРБИЯ БЕРГЕН АТА-ЭНЕҢЕ НААЛАТ" - деп аларды кошо каргашат. АТА-ЭНЕЛЕРИБИЗДИН ЭЛ КАРАГАН ЖҮЗҮН ЖЕР КАРАТПАЙЛЫ. АТА-ЭНЕНИН ЭҢ ЧОҢ КУБАНЫЧЫ - БАЛАСЫ АРКЫЛУУ КЕЛГЕН КУБАНЫЧ, АТА-ЭНЕНИН ЭҢ ЧОҢ КҮЙҮТҮ - БАЛАСЫ АРКЫЛУУ КЕЛГЕН КҮЙҮТ! 12.11.2019 ИДРИС АКЫН

13.03.2020

20.11.2019
АЯГЫНА ЧЕЙИН ТУРГУЛА (Ата-энелердин эсине) Балдарыбызга БАЛА БАКЧАНЫ тандадык, МЕКТЕПТИ тандадык, УНИВЕРСИТЕТ - КЕСИБИНЕ чейин аралаштык. БИРОК ҮЙ-БҮЛӨ КУРУУДА, АЯЛ-ЭР тандоодо аралашпай "ӨЗҮ БИЛЕТ"-деп карап отурабыз. Эң негизги чечүүчү жерде жардамын аяган кайдыгер ата-энелерге капамын. Бала бакчаны бүттүк, Мектепти бүттүк, Лицейди бүттүк, Колледжди бүттүк, Университетти бүттүк... Ушунча мекемени аяктасак да, ҮЙ-БҮЛӨ ДЕГЕН ЫЙЫК МЕКЕМЕНИН КАДЫРЫНА ЖЕТПЕЙ ЖАТАБЫЗ... Сапардагы, бизнестеги шеригиңди тандайсың. Ал гана эмес сатып алган мал-коюңду тандайсың. Үй-бүлө курганда эле эки көзүң көрбөй калат. Сен өзүңө АЯЛ же ЭР тандап жатасың. Аталарыбыз балдарына АПА тандаган. Апаларыбыз балдарына АТА тандаган. 20.11.2019 Идрис акын

29.11.2019
ЧОГУЛУШ... (Ата-энелердин эсине) ИШКАНАДА ЧОГУЛУШ бар ТУУГАНДАР ОТУРУШУ-ЧОГУЛУШУ бар ДОСТОР ОТУРУШУ-ЧОГУЛУШУ бар БАЖАЛАР ОТУРУШУ-ЧОГУЛУШУ бар Бирок ҮЙ-БҮЛӨ МҮЧӨЛӨРҮ МЕНЕН ДАСТОРКОН ЧЕТИНДЕГИ ЧОГУЛУШ ЖОК! БИР АПТАДА БИР ЖОЛУ Дасторкон четинде балдардын баарын чогултуп, АТА-ЭНЕЛЕР балдардын бир апталык адеп-ахлагынын жыйынтыгын анализ кылып чогулуш өткөрүп туруу керек. Сен мындай кылдың - деп эмес... Ошондо мен мындай болуп жаман болдум деп өзүңдүн сезимиң тууралуу айт, ошондо бала "демек мындай болсо же кылсам ата-энеме жакпайт экен, эми антпейм" - деп ойлоно баштайт... Сенин ордуңа башка бирөө иштеген ордуңа иштей алат, бирок сенин ордуңа эч ким эч качан АТА-АПА болуп бере албайт!!! БАЛАГА жумшаган акчаны эки эсе азайтырып, балага бөлгөн убакытты эки эсе көбөйтүү керек.... 29.11.2019 Идрис акын