27.06.2020
АТА-ЭНЕНИ СЫЙЛОО Ким энесинин бут астында кызматкердей жашаса, коом арасында падышалардай кадырлуу жашап өтөт... Желкеңден атаңдын колу таптап турганда, сенден күчтүү адам болбойт... АРХИВ СҮРӨТ АТАМ - АБДУСАТТАР АПАМ- СУКСУР БИР ТУУГАН ИНИМ - ИЛЬЯС

26.06.2020
АКЫЛДУУ АДАМДАРГА АЛТЫНДАН КЫМБАТ КЕҢЕШТЕР Адамдын адам менен болгон мамилеси, унаанын унаа менен болгон мамилесине окшойт. эгерде өзүң менен адамдар ортосунда белгилүү даражада аралык сакталбаса, кырсык көп катталат....ар кимге ачыла бербей, сырдуу бол! *** Адамдарга ар дайым жакшы сүйлөй бербе. Анткени кээде абал үн катпай турууну мажбурлаганда, «Бизди жактырбай калыптыр, тоготпой жатат», деп күмөн санашат… *** Бир киши имам Шафинин жанына келиип, «Паланча киши сизди жамандады», деп айтат. Ошоондо имам Шафий: «жалган айтпаган болсоң, анда чакымчы (сөз ташыган киши) экенсиң. Сөзүңдүн чындыгы жок болсо, анда жалганчы экенсиң», деп айтат. Сөз ташып келген кишинин бети кызарып алыстап кетти… *** Бирөөнүн адебин билгиң келсе, аны ачуусу келгенде көр. Бирөөнүн өсө тургандыгын билгиң келсе, өзүнө жамандык кылгандарга кылып жаткан мамилесин көр. Бирөөнүн акылын билгиң келсе, анын пикирине каршы чыккандар менен жасап жаткан мамилесин көр. *** Куран китебиңдин үстүндө чаң көрсөң абалыңа ыйлагын. Ким 3 күн Куран окууну себеби жок таштаса, Курандан алыстаган болуп саналат. Макаланы окуп бүтүп, Кураныңызды да барактап коюңуз. *** Илимди үйрөнүп, бирок аны айтпаган киши байлык чогултуп, бирок ал байлыкты колдонбогон кишиге окшойт. Хадис *** Бир киши: «Аялдар бут кийимге окшош. Өзүңө ылайыктуусун тапсаң, алмаштырып ала бересиң», деп айтат. Жанындагылар ошол жердеги аалым кишиден: «Бул кишинин сөзүнө эмне дейсиз?» деп сурашат. Ошондо аалым киши: «Бул кишинин сөзү туура» деп айтат. Кандайча дегендей таң кала карап калган элге сөзүн ушинтип улантат: «Өзүн бут менен теңеген киши аялды бут кийимге теңейт. Ал эми өзүн падыша деп эсептеген киши үчүн аял киши башка кийилген таажы сыяктуу. Бул кишиге жаман сөз айтып урушпагыла, бирок өзүн эмнеге салыштырып жатканын билдирип койгула», деген экен… *** Эх адамдар! Кедейликтен корккончолук дозоктон да коркушканда, экөөнөн тең кутулушмак. Байлыкты сүйгөнчөлүк Бейишти да сүйүшкөндө, экөөнө тең жетишмек. Адамдардын сөзүнөн корккончолук, Алланын сөзүнөн да корккушканда, дүйнөдө жана акыретте бактылуу болушмак… Топтоштурган: Идрис Айитбаев

26.06.2020
СОЦБАРАКЧАДА СОГУШКАН БААТЫРЛАРГА Мегин жазган макаламдын баарын ЭРКЕКТЕР үчүн жазам. ЖАШТАР үчүн жазам. Баарына бирдей көңүл буруп, коомдун көйгөйүнө көңүл буруп келем. Окурмандардын арасында менин дарегиме акарат сөздөр айткан адамдап алтөө болс, алкыш айткандар 60,акарат айткандар 60 болсо, алкыш айткандар 600 киши. 60 кишиден жаман сөз уксам да, 600 киши үчүн макала жазып келем. Макала жазбай өзүм менен калгым келет. Башканын жаман сөзүн угуп мага эмне заарыл. Бирок инстаграмда бирөөлөр жеген тамагын салып, бирөөлөр жарым жылаңач бийлегенин салып, көпчүлүккө руханий азык бере албай жатабыз. Битке өчөшүп көйнөгүмдү өрттөй албайм. Макаланын таасиринде бактылуу жашаган кишилердин берген батаасы гана мени интернетте кармап турат. Болбосо эчак эле соцтармактан чыгып кетмекмин... Керегин алгыла, каргабагыла... Чаяндан бетер чага турган, айбандын иши менен алек болгон адамдар оңолсо экен😞😞😞 Атың жаман болсо - дарманың кетет. Аялың жаман болсо - мейманың кетет. Өзүң жаман болсоң - ыйманың кетет. Уулуң жаман болсо -жыйганың кетет Идрис Айитбаев

26.06.2020
ЧЫНЫГЫ БААТЫРЛАР Баатырды "баатыр" деп айткан менен, чыныгы баатырлар КЕЛИНДЕР болот. Анткени келин болуп келген жерине бир айга же бир жылга эмес, бир өмүргө даярмын деп, чоң үмүт жана ишеним келет... -Жолдошунун гана эмес, анын туугандарынын баарынын мүнөзүнө чыдап, көңүлүн тапканга аракет кылган КЕЛИН. -Өзүнүн каалоосун кайын журттун кабылдоосу жана колдоосу болсо гана ишке ашыра алган КЕЛИН. -Арманын ичке жутуп, тишинин агын көрсөтүп жылмайып жүргөн КЕЛИН. -Өзгө жерде өз бакытын баласынын күлкүсүнөн издеп тапкан КЕЛИН. -Жаңы баш кошкондон кийин эки жыл аралыгында төрөбөй калса төбөсүнөн муздак суу куюлгандай жаман сөздү угуп чыдаган КЕЛИН. -Жалаң кыз төрөгөндүгү үчүн кайын журттан каккы жеген КЕЛИН. -Төрөгөн баласы майып болсо, Кудайдын берген сыноосу деп, ага да чыдаган КЕЛИН. -Майып төрөгөн бала үчүн жолдошу таштап кетсе да, жолдошун тандабай, колдогусун тандап, баласы үчүн баарына даяр болгон КЕЛИН. -Ачууга алдырып кол көтөргөн күйөөнүн кылыгына чыдап, арманын ичине жутуп жок кылып салган КЕЛИН. -Талаалап иштеп акча таап, үй-бүлөнү терметип жаткан КЕЛИН. -Күйөөсү калып, кайын эне-кайын атанын да келтегин жеген КЕЛИН. -Сапарга кетип келбей жүргөн жолдошун чыдамсыздык менен күтүп, чыдаган КЕЛИН. -Жакшы ниет менен айткан сөзү үчүн уруш уккан КЕЛИН -Чарчап уктап калгандыгы үчүн чачынан тартылып токмоктолгон КЕЛИН. -Эрден чыгып келген кайын эжеси жана кайын сиңдисинин да кылыгына чыдап, сөз кайтара албай, аларга да тамак бышырып, идишин жууган КЕЛИН. -Ооруп калса төркүнүнө барып дабааланган КЕЛИН. -Күйөөсү кет десе да, балдарым жетим болбосун деп, үй-бүлөнү кармап турган КЕЛИН... БУЛ МАКАЛАНЫ ЧЫНЫГЫ "КЕЛИН" ДЕГЕН НААМГА ТАТЫКТУУЛАР ҮЧҮН ЖАЗДЫМ. БААРДЫК КЕЛИНДЕР КОШУЛА АЛБАЙТ. УРМАТТУУ КАЙЫН ЭНЕЛЕР "КЕЛИНИҢ ЖАМАН БОЛСО БАЛАҢДАН КӨР" ДЕГЕН КЕПТИ УНУТПАСАК БОЛГОНУ... КЕРЕКТҮҮ ЖЫЙЫНТЫК ЧЫГАРАЛЫ. ҮЙ-БҮЛӨЛӨР БУЗУЛБАСЫН. БҮГҮН БИРӨӨНҮН ҮЙҮ ӨРТТӨНҮП ЖАТСА ЧУРКАП БАРЫП САКТАЙБЫЗ, БИРОК БИРӨӨНҮН ҮЙ-БҮЛӨСҮ БУЗУЛСА САКТАБАЙ ЖАТАБЫЗ.... Бүгүнчө ушул, комментарийде урушуп кетпеңиздер сураныч... Идрис Айитбаев

24.06.2020
https://youtu.be/9WOfGjgmvjE Балага тарбия Меймангерчилик тууралуу Идрис Айитбаев

25.05.2020
ОРОЗОДОН АЛГАН ОЙ АШКАЗАНДЫН КУЛУ БОЛУП КАЛГАН ЭКЕНБИЗ... АЛЛАНЫН КУЛУ БОЛУУ КЕРЕК!!! Көпчүлүк адамдар өмүр бою белгилүү убакытта эрте мененки, түшкү жана кечки тамактарды жегенди шарт деп ойлошот жана ушинтип отуруп ашказандын кулуна айланып калышкан. Ачпы, токпу, мунун мааниси жок, алар азыктана беришет. Байкуш денеге кирген ашыкча азыкты, анын үстүнө керексиз жана пайдасыз азыкты ашказан сиңире албай, дене да ооруп баштайт. Көп ооруулар ачкалыктан же жокчулуктан эмес, ТОКЧУЛУКТАН болуп жатат. Мурдагылар "адам өзүнө бычак жана вилка менен кабыр казат" - дегени туура. "Өлчөмүнөн ашыкча жээлген тамак адамды жейт" - деп туура айтылган. Биз аш казанды дем алдырбай жатабыз. Анын далили орозонун бүтөрү менен көрүнүп турат.... Ашказан, боор, ичек, өпкө, тери... ж.б.у.с. Тамак сиңирүүчү органдарга чегинен ашыкча иш жүктөп баштадык. Жыйынтыгында ашыкча иш дене мүчөлөрдү чарчатат жана иштен чыгарат.... ДЕН СООЛУК БЕКЕМ БОЛУУСУН КААЛАСАҢЫЗ АПТАНЫН БИРИНЧИ ЖАНА ТӨРТҮНЧҮ КҮНДӨРҮ ОРОЗО КАРМАГАНДЫ АДАТ КЫЛЫҢЫЗ... Орозо менен коштошпой, жаман адаттар менен коштошолу. Ал эми аптанын дүйшөмбү-бейшемби күндөрү орозо биз менен жүрсүн 😊😊😊 Майрамыңыздар менен достор! 25.05.20 Идрис акын

22.06.2020
АЛЫСКЫ САПАР САБАГЫ Досуңду билүүнү кааласаң, аны менен сапарга чык. Анткени адамдын асыл жүзү сапарда ачылат. Эмне үчүн сапар "сапар" деп аталган билесизби? Адамдын адеби жана асыл жүзүн ачып таштагандыгы үчүн. "САФАРА" арапча этиш сөзү "бет капты ачты, жүзүн ачты" деген маанини билдирет. Азыркы самолёттогу сегиз сааттык же унаадагы он сааттык сапарда адамдын ким экендиги даана билинбейт. Апталап, айлап, жылдап чогуу болгон сапар адамды жакшы таанытат. Ал эми бир өмүр бүтпөй турган эрди-катын сапарында шеригиңизди күн сайын үйрөнүп жашайсыз. Сапарымды токтотом десеңиз, бул ирет алсыздык жана жалгыздык менен андан да оор сыноо менен беттешесиз. Андыктан турмуштун оор жүгүн турмуш сапардагы түгөйүңүз менен бөлүшүңүз. Узак жолдо чарчабайсыз... Жаман эрдин аркасына жашырынууну үйрөнүү керек. Сизге жаман көрүнгөн иштин артына Аллах Таала жакшылыкты жашырып койгон. Мусулманмын деген ар бир эркек кишинин көзүн күйдүргөн хадис: "аял киши төрт эле нерсени аткарса бейиштин каалаган эшигинен кирет: намазын окуса, парз орозосун кармаса, уятын жапса, жолдошуна баш ийип - сыйласа"... Эрим менден кетпесин десең, жогорудагылар жадыңдан чыкпасын, карындашым😊

15.05.2020
30 күндө 30 сабак 22-күн КЕРЕГИ ТИЙСЕ КУБАНАМ Балдарга кылган жакшылыкты ата-энелерге кылгыла. Анткени баланын жүрөгүнө ата-эне мээримин салуучу Аллах экенин унутпаңыз. Баланызды жакшы көрсөңүз, балаңызга Аллах баласынын сүйүүсүн салат, сизди суйбой койот... Аныктан, балдарыңарга ата-энени сыйлоону көрсөткүлө, анткени куш уясында көргөнүн кылат!!! Сабр кылуучулар менен шүгүр кылуучулар бейиште... Баягыда бир көрүнүшү жагымсыз болгон кара түстүү кишиге сулуу аял турмушка чыгат экен. Бир топ жыл жашагандан кийин күйөөсү аялына "Кара сен сулуусун, ошончо жыл мага чыдап жашадын" - деп сөзүн баштады. Аңгыча болбой акылдуу аялы "Жок мен күзгүдөн экөөбүздү бейиште көрүп жатам" - деп кирет -Кандайча.... -Сиз мага жетип шүгүр кылдыңыз, мен сизге чыдап сабыр кылдым. Сабыр кылуучулар менен шүгүр кылуучулар бейиште деген хадис бар...😊-деп, жылмайып, жолдошунун желкесине башын жөлөдү.... Илимди алып аны менен жашаган адамга билимдүү дейбиз... Шайма энебиз акындык менен согушту токтотууга себеп болгон... 40 күн беш маал намазга жетишсеңиз оозуңуздан хикмат булагы оргуштап чыгат.... Жашооң кулагыңа айтылган азан менен башталгандай эле, ар бир күнүң намаз менен башталып,намаз менен аякталсын... Үй-бүлөдө эрдин айтканы же аялдын айтканы эмес Алланын айтканы болушу керек. Ошондо ошол үй-бүлө эң бактылуу үй-бүлөлөрдүн сап башында болот... Адеп жыпар жыт сыяктуу. Атырды да сен себесин башкалар рахат алгандай. Сен адептүү бол башкалар сенден рахат алсын.... Башымды сактайын десеңиз тилиңизди сактаңыз... Ийгиликтин сыры Алланын буйругун аткарууда жатат.... Андан башка нерселердин бардыгы ийгилик болуп көрүнсө да бул ааламда калуучу напсинин ийгиликтер болуп саналат. Эгерди анын баары Аллах үчүн аткарылса жана Алланын буйруктары да унутулбаса, анда бул эки дүйнөгө пайдасы тийген ийгилик болуп саналат... 15.05.20 Идрис акын

23.05.2020
30 күндө 30 сабак 30-күн КОШ БОЛ РАМАЗАН, КАЙРАДАН КӨРҮШКӨНЧӨ! Жакшы адам бергенин унутуп алганын унутпайт. Муткаждарга жардам бергендер, акыретте Пайгамбарыбыз Саллаллахи Алайхи Васаллам менен чогуу болушат. ОЙГО САЛГАН ОКУЯ Ата: -Уулум, ЭҢ ЖАКШЫ ТАМАКТЫ ЖЕ, ЭҢ ЖАКШЫ ЖЕРДЕ ЖАТ, ЭҢ ЖАКШЫ ҮЙДӨ ЖАША. Баласы: -Ата, өзү биз кедей болсок. Кантип эң жакшы тамакты жеп, жакшы жерде жатып, жакшы үйдө жашамак элем? Атасы: -Уулум, ушул айткандарымды эч качан унутпа: -таза эмгек менен, таза тамакты курсагың ачканда гана жесең, ошол тамак эң жакшы тамак. -эмгектен чарчап уктаган жериң эң жакшы жер. Мейли базар, мейли машына, мейли талаа, мейли иш бөлмөңүздөгү парта болсун, ошол жерде чарчап аз болсо да уктап калсаңыз деле ошол жер эң жакшы жер саналат. -адамдарга жакшылык кылсаң алардын көңүлүнөн орун табасың. Адамдардын көңүлүндө жашаганың- эң жакшы үйдө жашаганың менен барабар... Бүгүн элим барсыңбы фонду менен биргеликте, берешен ага-эжелерибиздин жардамы менен акча чогултуп эки үй-бүлөгө саан уй тапшырып кайттык! Мекенибизде мээримдүү жана берешен бир туугандарыбыз көбөйө берсин... БҮГҮНКҮ КАЙРЫМДУУЛУКТАН АЛГАН САБАК Ошол жерде токсондогу чоң энем айтат: -көрдүңбү, байлык топтобой дос топтош керек экен. Ушул аялдын жолдошу кайтыш болду. Алты баласы менен жалгыз калды. Бирок анын жолдошу абдан жакшы киши болгон экен. Өзү топтогон деле акчасы жок эле. Бирок анын топтогон жакшы достору көп экен, эмигече эшигинен ошол достору кетпейт. Күн алыс келип, жардам берип турушат... Андыктан, акча топтобой, Аллах үчүн дос топтогула.... Идрис акын

14.05.2020
30 күндө 30 сабак 21-күн 21:00 Бир кезде ширибом-бомбибомго сүйүнгөн балдар, бул кезде бир ноутбукка канааттанбай калышты... Азыр пайпак жамалбаган заманда жашап жатабыз... Балдарды ыраазы кыла албагандын айынан суицид көбөйүп кетти. Анткени алардын каалаганын берип өстүрдүк. Эми каалаганын бере албай калдык.... Адамга бир күндө 60 миң ой келет, ошонун 80пайызы жаман ой экен... Ооруу адамдын денесине ой аркылуу кирет... Капа болгон адам мойнун ийип басып калат, ал адам оңойлук менен кубана бербейт... Психологиялык травма алгандын кесепети деп биле бериңиз... Баланын түзүлүшү генден кандан келсе, баланын аракети ата-энесинин аракетине калыптанат... Университетти таштап салган баланы урушабыз, чет өлкөдө таштап салган баланы демек сенин багытын башка экен деп коюшат... Бизнестен банкрот болсоң бул сага тажрыйба дешет... Бала он жашка чейин өзүнүн эне тилин үйрөнүүсү керек!!! Балдарды роборт кылбагыла. Курстарга бере бербей айылдагы кой баккан Курска жибергиле. Репетиторго акча бербей чоң ата энесине акча берип ошол жакка жибер.... Калыгул оолуя Шабдан баатырдын зиректигин көрүп койчуга бер дейт. Ошончо койду таанып зиректигин өсөт... Бабаларыбыз козуну аяп сойгон эмес. Козуну да аяган... Хусейн Карасаев 16 тил билген... Сый дегенди билиши керек бала. Бала ошону көрүп үйгө конок келүүсүн жактырып калышы керек... Үй-бүлө менен чогуу тамактанып баарлашууну билгиле... Кочоттор да башында жакын жакын өсө берет, кийин кочотту да бөлөсүң. Балдар да көчөт сымал... Детский площадка жасап жасалманын үстүндө ойноп калды. Суу таш Терек балык сүт айран чөп ушуларды көрсүн... Кооз ойлонуу үчүн кооз нерсени көрсөткүлө... Саламдашканды, рахмат айтканды, суйунгонду уйротолу.... Өзүңдө турган нерсени өзгөдөн издебе... Аялдын аялдык - эркектин эркектик сезими жоголуп баратат... Бирөөнү көчүрбөй өзүбүздүн улуттук салтыбыз каадабыз менен бололу... Интернеттин ичинен чыгып, реалдуу жашоо менен жуурулушалы!!! 14.05.20

22.05.2020
30 күндө 30 сабак 29-күн АЙТТЫҢБЫ, ДЕМЕК ЖАСАГЫН! Бүгүн өзүбүзгө сөзүбүз дал келбеген адамдар көбөйүп кеттик. Мындай адамдардын кадыры башка адамдардын алдында да, Алланын алдында да төмөн болуп калат. Момун адам ката иш аткарышы мүмкүн, бирок жалган сүйлөбөйт. АЙТКАНДАРЫ МЕНЕН АТКАРГАНДАРЫ ТӨП КЕЛГЕН АДАМДАРДЫН СӨЗДӨРҮ ТААСИРДҮҮ БОЛОТ!!! Түндү жалаң уйку менен өткөргөн киши тахажжуд намазы тууралуу сүйлөөдөн уялышы керек... Толук намазын аткарбаган киши намаз тууралуу сөз сүйлөбөй турганы дурус... Ийгилик жарата албаган киши башкаларга ийгиликтин сырларын санабаса... Чеккен киши "чекпе", ичкен киши "ичпе" -деп айткан менен, сөзүнүн таасири болбойт... Аллах Таала Ыйык Курандын Сафф сүрөсүнүн 2-3-аяттарында "Оо, ыйман келтиргендер! Эмне үчүн өзүңөр жасабаган иштер тууралуу айтасыңар? Өзүңөр жасабаган иштер жөнүндө сүйлөө - Алланын алдында чоң күнөө!" деген ыйык аятты да туура эмес түшүнүп албашыбыз керек. Бул аятта "өзүңөр аткарбагандарды айтпагыла!" - деп айтылган эмес." Айттыңбы, анда жасабайсыңбы? Айткан нерсесин жасабай коюу Алланын алдында Анын каарын кедтире тургандардын эң чоңу"-жеп айтылып жатат. Башкача айтканда, ыйык аятта айткандарын аткарбаган адамдын эч сүйлөбөй коюусу эмес, сүйлөгөн адам ошол айткандарын аткарганга чындап аракет кылуусу керек экендиги айтылып жатат... Азырети Аннас РА: -Биз өзүбүз баарын талаптагыдадай аткармайынча, башка эч кимди жакшылыкка чакыра албайбызбы?-деп сураганда, Пайгамбарыбыз Саллаллаху Алайхи Васаллам мындай жооп берген: "Жок, андай эмес. Силер буйрук кылынган бардык нерсени аткарбаганыңарга карабастан башка бирөөлөрдү жакшылыкка үндөгүлө. Күнөө иштердин бардыгынан тыйылбасаңар деле башкаларды жамандыктардан кайтарганга аракет кылгыла". Анткени, аткаруу өзүнчө, ал эми аны жеткирүү, айтуу да өзүнчө бир ибадат болуп саналат. Экөөсүн тең орундатпаган эки күнөө, бирөөсүн жасабаган бир күнөө менен таасири жок болуп калат. Жасабаган нерселерди айтышыңар, тагыраак айтканда, айтканыңарды аткарбай коюшуңар Кудай Тааланын азабына дуушар кылып, таасир берүү күчүңөрдү аласыздандырат жана элдин силерге болгон ишенимин жоготот да, айтканыңардын баары "куру сөз" катары бат эле унутулуп калат... Идрис акын

13.10.2019
Москвадан энергиям түгөп кайттым, Сакал өсүп саксайып жүдөп кайттым, Ала-Тоонун саламын ала келип Мекендештин баарына бирден айттым Нуржигитти келет деп жыйнапсыңар Идристи да акын деп сыйлапсыңар Таасир алып кечээки сабактардан Кээ бирлериң ойлонуп-ыйлапсыңар Мекендештер мен үчүн сымбатсыңар Баш көтөрүп, өнүгүп, сынбапсыңар Кыргызстандан алтындар кетсе кетсин Силер кайра кайткыла ар бириңер Кумтөрдөгү алтындан кымбатсыңар... 13.10.2019 Идрис акын

21.05.2020
30 күндө 30 сабак 28-күн АР КИМ ӨЗҮНҮН ЫРЫСКЫСЫ МЕНЕН ЖАРАЛАТ Баягыда бир отунчу болгон экен. Кедейликтин айынан шаарга отун терип келип, мына ошол отунду сатып күн көрчү. Бирок ар дайым отунду сатып болгону 200 сом (дирхам) сабат экен. Эч качан андан көп акча таппайт экен. Күндөрдүн биринде бир оолуя аксакалга жолугуп, аз акча тапканынан арызданып калат. Оолуя аксакал: -уулум, Аллах сенин ырыскыңды 200 сом деп жазган болсо сен эч качан 202 сом да таппайсың - деп жооп берет. Жообуна арданган киши отунчулукту таштап салып, көп акча табуу максатында кара жумуш аткара баштайт. Биро бары бир ошол эле акча табат. Күндөрдүн биринде бир колунда бар бай манапка жолугуп калат. Бай киши: -менин короомдо, багымда жумуш бар. Келип аткар, күнүнө мен сага 200 сом кызмат акы төлөп берейин-деп айтат. Оолуянын "Аллах сенин ырыскыңды 200 сом деп жазган болсо сен эч качан 202 сом да таппайсың" - деген эсине келет да: -макул барайын, бирок жок дегенде 202 сом кызмат акы бериңиз - дейт. Анын бул сунушун уккан бай киши: -жок, короомдо үйүм бош, кааласаң бекер жатып жаша. Бирок ашыкча акча бере албайм - деп жооп берет. Жок дегенде ушул жумуштан кур калбайын деген үмүт менен макулдук берет. Ошентип иштеп жүргөн кишини жумушун бай киши жактырып калат да, аны кенже кызына үйлөп, ошол үйгө жайгаштырып койот. Ошентип биз билген отунчу үйлүү болот, балалуу болот, жерлүү болот. Ушинтип отуруп байып кетет. Күндөрдүн биринде жанагы оолуяны издеп таап: -оолуям, сиз мага ушундай дедиңиз эле. Мына азыр байып кеттим, эми эмне дейсиз! - деп суроо узатат. Оолуя киши баарыбызга сабак боло турган жооп берет: -уулум, сенин ырыскың азыр деле 200 сом. Ал эми сен ээ болгон мына бул байлыктар аялың жана балдарыңдын ырыскысы-деген экен... АНДЫКТАН Урматтуу эркектер, үйлөнгөндөн кийинки ийгилик же береке жалгыз эркектики эмес. Ал ийгиликте аял менен бала-чаканын акысы бар... Идрис акын (архив фото)

21.05.2020
30 күндө 30 сабак 28-күн АР КИМ ӨЗҮНҮН ЫРЫСКЫСЫ МЕНЕН ЖАРАЛАТ Баягыда бир отунчу болгон экен. Кедейликтин айынан шаарга отун терип келип, мына ошол отунду сатып күн көрчү. Бирок ар дайым отунду сатып болгону 200 сом (дирхам) сабат экен. Эч качан андан көп акча таппайт экен. Күндөрдүн биринде бир оолуя аксакалга жолугуп, аз акча тапканынан арызданып калат. Оолуя аксакал: -уулум, Аллах сенин ырыскыңды 200 сом деп жазган болсо сен эч качан 202 сом да таппайсың - деп жооп берет. Жообуна арданган киши отунчулукту таштап салып, көп акча табуу максатында кара жумуш аткара баштайт. Биро бары бир ошол эле акча табат. Күндөрдүн биринде бир колунда бар бай манапка жолугуп калат. Бай киши: -менин короомдо, багымда жумуш бар. Келип аткар, күнүнө мен сага 200 сом кызмат акы төлөп берейин-деп айтат. Оолуянын "Аллах сенин ырыскыңды 200 сом деп жазган болсо сен эч качан 202 сом да таппайсың" - деген эсине келет да: -макул барайын, бирок жок дегенде 202 сом кызмат акы бериңиз - дейт. Анын бул сунушун уккан бай киши: -жок, короомдо үйүм бош, кааласаң бекер жатып жаша. Бирок ашыкча акча бере албайм - деп жооп берет. Жок дегенде ушул жумуштан кур калбайын деген үмүт менен макулдук берет. Ошентип иштеп жүргөн кишини жумушун бай киши жактырып калат да, аны кенже кызына үйлөп, ошол үйгө жайгаштырып койот. Ошентип биз билген отунчу үйлүү болот, балалуу болот, жерлүү болот. Ушинтип отуруп байып кетет. Күндөрдүн биринде жанагы оолуяны издеп таап: -оолуям, сиз мага ушундай дедиңиз эле. Мына азыр байып кеттим, эми эмне дейсиз! - деп суроо узатат. Оолуя киши баарыбызга сабак боло турган жооп берет: -уулум, сенин ырыскың азыр деле 200 сом. Ал эми сен ээ болгон мына бул байлыктар аялың жана балдарыңдын ырыскысы-деген экен... АНДЫКТАН Урматтуу эркектер, үйлөнгөндөн кийинки ийгилик же береке жалгыз эркектики эмес. Ал ийгиликте аял менен бала-чаканын акысы бар... Идрис акын

20.05.2020
30 күндө 30 сабак 27-күн ТИЛ БӨЛӨК, СҮЙЛӨӨ БӨЛӨК Төөнүн тили биздин тилибизден кыйла чоң болгонуна карабастан, сүйлөй албайт. Демек, тил башка, сүйлөө башка. Оозубуздан куюлган сөздөр фабрикадан чыккан продукцияны элестетет. Бул сөздөр оболу бир станокто токулуп, бир сүзгүчтөн өтүп, бир натыйжага жетип жана сүйлөөгө чечим кылуубуз менен бирге сөздөр биз айтып түшүндүрө албаган кайыптык иш аракеттер менен үн кошулуп, ички дүйнөбүздөгү жашыруун сөздөр ачыкка чыгарылган. Бирок биз бул иш аракеттердин эч бирин билбейбиз. Оозубуздан чыккан ар бир сөздө үн маани кызматташтыгы бар. Сөзүбүз маектешибиздин кулагына жеткенде, үндүн милдети бүтөт. Эми бул милдетти толкун алып, сөз таптакыр башкача абалга өтөт. Кулактын ичиндеги атайын үн өтчү жерлерден өткөрүлүп, угуу борборунун эшиги кагылат. Ар бир сөздүн толкуну ар башкача болгондуктан, акыл эшиктин кагылыш түрүнөн кимдин келгенин түшүнөт. Анан дагы бир процесс аркылуу толкун кайрадан бир сөзгө айланат. Ушинтип, аң сезимибизде пайда болгон бир сөз, кыска мөөнөттүн ичинде, бир нече ыңкылапты башынан өткөрүп, маңдайыбыздагы маектешке жеткирилет. Телефон менен сүйлөшүп жаткан эки кишини элестеткиле. Бүткүл телефон системасы бул сүйлөшүүгө кызмат кылууда. Бул кишилер бетме бет келишсе, телефонсуз сүйлөшө алышат. ЖЕТИ МИҢ ЖАКШЫЛЫК төмөнкү жети сүйлөмдө 1000ден болуп жыйналган: 1. Унчукпоо – бул, кыймыл аракетсиз ибадат. 2. Унчукпоо – бул, жасалгасыз кооздук. 3. Унчукпоо – бул, авторитетке таянбаган айбат. 4. Унчукпоо – бул, коргонсуз чеп. 5. Унчукпоо эч кимден кечирим суратпайт. 6. Унчукпоо амалдарды туткан периштелердин ырахаты. 7. Унчукпоо – бул, кемчиликтерди жапкан жабуу. -Эй, көптү билген киши, тилиңди тый! Эртең тилсиздерге сурак болбойт. -Эй, акылдуу киши! Элдин айыбын айтпа. Өз айыбыңды көрүп, ошону менен алек бол. -Балээлер ойлонбой жана орунсуз айтылган сөздөрдүн артынан келет -жаңылып сүйлөгөн жалынып тынат. -Өзү каалаган сөздү сүйлөгөн адам, өзү каалабаган сөздү угат. -тилиңди бош койсоң тишиң сынат... Айта берсең кете берет, акылдууга жете берет... Идрис акын

19.05.2020
30 күндө 30 сабак 26-күн УСТАТ менен УСТАНЫН маеги Уста: -Бирөөнүн чала таштап кеткен ишин алып бүтүрүү өтө кыйын. Андан көрө башка үйдү башынан баштаганың жакшы-деп сүйлөнүп сөз баштады уста. Балдарга сабак берген устат болсо сөзүн ушинтип улап кетти: -Ээ балам, мен сага андан да кыйын ишти айтайынбы? Бирөөнүн чала тарбияланып ташталган баласын тарбиялоо - сен сүйлөнүп жаткан үйүңдөн 3 миллион эсе кыйыныраак... Бала эч качан сен каалагандай болбойт, бала сен тарбиялагандай болот! Өз балаңдын тарбиясынын жоопкерчилигин өз мойнуңа ал, ошондо баары жакшы болот! Балдар - жазыла элек актай баракка окшош, ак кагазда сенин гана жазгандарың көрүнөт. Балдар - бош турган эгин талаасына окшош. Эмнени эксең ошону оросуң. Эч качан бош турган жерге жүгөрү эгип, ордуна буудай жыйнабайсың... Сенин ордуңа бирөө уста, директор, инженер, механик, грузчик, таксист боло алат, бирок сенин ордуңа эч ким эч качан АТА-АПА болуп бере албайт!!! Бала тарбиялоо баамдатка тургандай кыйын иш! ДОСТОР, СОЦБАРАКЧАМДАГЫ СҮРӨТТӨР ЭСКИ СҮРӨТТӨР. ЭЛДИ ЧОГУЛТУП ЖАТКАНЫМ ЖОК! ДИНИЙ ДИПЛОМУМ ЖОК, БОЛГОНУ АР БИР МУСУЛМАН БИЛИШИ КЕРЕК БОЛГОН БИЛИМИМ ГАНА БАР. ОШОЛ ЭЛЕ МУФТИЙДИН ЖАНА ААЛЫМДАРЫБЫЗДЫН САБАГЫН ЖАЛПАК ТИЛ МЕНЕН КОРУТУНДУЛАП ЖАШТАРГА ТҮШҮНДҮРҮП КЕЛЕМ. ДИНИЙ ФАТВА ЧЫГАРБАЙМ... БИРОК, ОРОЗО 30 КҮН ТУТУЛАТ, ЖЕ КАДЫР ТҮНДӨ ДУА КЫЛГЫЛА-ДЕП АЙТУУ ҮЧҮН ДИПЛОМУ БАР ДАМЛА БОЛУУ ШАРТ ЭМЕС... ОРОЗОДО 30 КҮНДҮК САБАК БЕРҮҮНҮ МУГАЛИМ БОЛГОНУМ ҮЧҮН ГАНА КААЛАДЫМ. АНТКЕНИ ЖАШТАРДЫН БААРЫ СОЦБАРАКЧАДА ОТУРАТ. КАЛА БЕРСЕ ОШОЛ ЖАКТА МААНИСИЗ НЕРСЕ КӨРБӨЙ, ПАЙДАЛУУ САБАК АЛСЫН ДЕГЕМ...Менин эч кандай башка диндерге кастыгым жок. Каалаганым бир гана ДИАЛОГ ЖАНА ТОЛЕРАНТТУУЛУК Идрис акын