24.02.2020
Бизге бөлүнүп - жарынган аябай жагат. Сөзсүз бөлүнүп алып, бири бирибизге акаарат келтирип, эки - экиден согушуп турбасак, чай ичпегендей башыбыз ооруйт. Тээ ата - бабалар уруу - уруу, бай - кедей, коммунист, социал, кызылдар - актар....дагы түрдүү - түрдүү бөлүнүшчү. Түндүк - түштүк эски тема. Дин темасы да эскирип баратат. Болбосо, "Мен мусулман, сен теңирчи" темасынын да жакшы эле үнү чыкты. Азыр шайлоого карата партияларга бөлүнүү модасы жакындап келе жатат. Күзүндө хайп болот. Бир саясатчы үчүн анын атын коруш үчүн бири бирибизге жугунду куябыз, каргайбыз, уу тилибизди агызабыз. "Сыдыман элди бөлдү!" деп чалкаңардан кетип, көзүңөр аңтарылып, "шоковое состояние " болуп атканыбызга өлө таң калып атам. Биз күндө эле бөлүнүп, бири бирибизди ашатып эле жүрбөйбүзбү дейм да. Балким бул тема көкүрөктө жарыла албай турган жара болгон үчүн анын сөзү козготуп жибергендир? Ынтымактуу, биримдиктүү эл болгонубузда маани деле берилмек эместир. Чачырап, бири бирибизге душман болуп жүргөндө Манас ата жыйып, бир түндүктүн алдына башыбызды бириктирбеди беле?! Биз сырттан душман келгенде гана биригип, душман жокто " скучно" болуп кеткенде өз ара бөлүнгөндү жактырат окшобойбузбу?! Кандагыны тазалоо, гендегини кетирүү мүмкүн болду бекен? Ойлонуп көрсөм, ар ким өзүн тыйып, өзүн оңдоп, өзүн тарбияласа эле болот деген тыянак келип чыгып жатат. Башканы тыйып, башканы сөз кылып, башканы соттоонун кажети канча анда?? Башкага келгенде эле акылдуубуз. Мээбиз өлө иштеп кетет. Прокурорбуз. Өлүм жазасына тартып жиберебиз. Өзүбүзгө келгенде сүттөн аппак, кашка суудан тазабыз. Адвокатпыз. Сыдыманды эмне кылабыз? Оболу өзүбүздүн оозубузду, арам оюбузду тыйып алалы. #жөнэлеойлор

28.11.2019
Кечээ бир таанышым бирөөнө чалып, - Баланча деген сенин жумушуңда иштейт экен. Ошону көтөрүп коюш кк болуп атат,- дейт. "Баланчаң анан мээси бош болсочу? Ал жакты өнүктүрө турчу бирөө келсе жакшы эмеспи?! Тааныш - билиш кылган уят эле! - дедим. Унчуккан жок. Ушу тааныш аркылуу жалаң көк мээлер алдыга жылып, мээси барлар көрүнгөн жумушта жүрөт. Ушу башыма жүн чыкканы көлдүктөр келип, " Көлдүк экенсиң. Жардам берип коелу"- дегенин укпаптырмын. Менин туугандарым деле мени мн иши жок. Эмне кылып ким жүргөнүмдү деле билишпесе керек. Депутаттарыбыз мн деле бири бирибиз мн ишибиз жок. Кандай депутатыбыз бар экенин деле билбептирмин. Уран казылып жатканда кыйкырып жүрүп, эки штук депутат бар экенин көрүп, тарс жыгылгам. Тууган - уругун ээрчитпеген президент керек десеңер, (үч жылдан кийин дейм да) биз тарапка ышкырып койгула. Анын президент экени мн деле ишибиз жок , анын деле биз мн иши жок жүрө беребиз. Силерди бирөө түртмөлөп атканда колуман келеби деп сурап койгула да өзүңөрдөн! Жердешчилик, тууганчылык, тааныш - тунуш деген болбош кк экен өсөлү десек. Адам каяктан болбосун кесипкөйлүгүнө, адамгерчилигине каралсын! Ар бир облустан укмуш сонун досторум бар. Алар мн достошуп атканда жердигин, чөнтөгүн, динин, ж.б. сын караган эмесмин! Жүрөгүнө үңүлгөм, жүрөгүн сүйгөм. Жүрөгүнө үңүлөлү адамдын!

27.02.2020
Ынтымагыбызды күчөтүү үчүн: 1. Көп улуттуу өлкө экенибизди түшүнүңүз. Көп улуттун өзүнүн ишеними, адаты, маданияты, тарыхы, салты, дини бар. Аларды сыйлаганды билүү кажет. Сыйлайт десе эле адардын салтын, маданиятын, динин, дилин ээрчип кетүү эмес. Алгач өзүңдүкүн бийик тутасың, бирок алардыкына сый мамиле жасайсың. 2. Ош жергеси Өзбекстан, Баткен жергеси Тажикстан, Талас жергеси Казакстан мн чектеш. Ошон үчүн алардын тили кооз. Ал биздин кыргыз тилибизге көрк берет. Ар бир диалектини кооздугу мн кабыл алуу кажет. 3. Канчалык алыстан куда күтсөң, ошончолук сонун. Башка аймакты таанып, алардын кызыктуу, өзгөчө салтына күбө болгон керемет. Муну модага айландыруу кажет. 4. Көбүрөөк бири бирибизге конокко келип, бири бириздин меймандостугубуз көрсөтүү кажет. 5. Телевидениеге ар бир аймактын өзгөчөлүгү тууралуу кеңири маалымат иретинде ар кыл берүүлөрдү жасоо. 6. Бала ата - энесинин сөзүн, мамилесин тыңдап, көрүп үлгү алат. Кайсы бир аймакка карата туура эмес пикир айтып, же терс мамиле кыла турган болсоңор , балдарыңар да кайталайт. Муундан муунга жек көрүүнү, туура эмес мамилени өткөрүп келгениңер үчүн бөлүнүү бардыр бизде. Ошон үчүн азыркы муун балдарыбызга ынтымакты үйрөтүп, мен көлдүк болсом, Ош, Жалал Абад, Талас, Баткен, Нарын, Чүй облустарын андан да артык сүйүүгө үндөөбүз кажет. 7. Таанышканда " Кайсы жердиксин? " суроосун бербөөнү үйрөнөлү. Адамдын жан дүйнөсүнө үңүлүп, анын жакшы тарабын издегенди адат кылуу керек. Дагы кошумчаңыз барбы? ______________________________________________ чач жасалга : @eva__hair Макияж: @sadyrbekova_aiganysh

28.10.2019
Чоң энемдин ырым - жырымдары же доктурлугу : Очоктун жанына отургузуп алып, баланын эмгегин көрөт эле. Жүрөгү түшкөн деген диагноз коет жарыктык . Балканы алып, очоктун этегине отуруп алып, балканын учун жерге тийгизип, күбүрөнүп, баланын жүрөгүнө бир тийгизип, "жүрөк көтөрүү " ырымын жасайт да, акырында сөөмөйүн оозуна салып үч жолу апаптайт. Ал ырымы ачкарын жасалышы керек. Ошону үчүн биз уктап атканда таң атпай келин - кесек, бала - бакыралары мн келишер эле. Анан чоңдордун башын теңдейт. Башым ооруп жатат дегендерди отургучка отургузуп алып, атамдын курун алат да башын салып өлчөп - өкчөп, чойгулап, "тең - тең" деп сүйлөнүп, теңдей баштайт. Кадимкидей ооруп аткан баш токтоп, жыргап калышаар эле. Ичим ооруп атат десең, чалкаңан жаткырып алып, койдун майын ысытып келип, күбүрөнүп, "Менин колум эмес, Умай эненин колу!"деп баштайт. Сааттын жебесиндей, оң тарапка ушалап, көпкө сүйлөнөт. Анан тыбыт жоолугу мн таңып койсо, таң аткыча "былк" этпей уктайбыз. Шалдырап, кусуп калсам, нанды жетиге бөлө коюп, колуна уучтап алып, "Сук, сук, менин жаман кызымда эмнең бар? Чык - чык" деп күбүрөнүп, башыман таманыма чейин суксуктап чыгат. Ал учурда аябай эстеп, көзүнөн жашы куюлуп, кекирип, кыйналып чыгат. Бүткөн соң, токочту итке ыргытып жиберет эле. Болбосо, ушул эле ырымды кагаз мн жасачу. Кагазды жетиге бөлүп алып ырымдап, бүткөндө өрттөп салчу. А кокус түндө чочуп, уктай албай жатсам, макисин алып жаздыгымдын алдына макинин учу мн чиймелеп, макини коюп койчу. Мемиреп уктачумун. Ар бир ырымын "Быссымылда ракман райым" деп баштачу. Ал тургай чачымды тарап, өрүп берип атканда да жакшы тилек мн тарап, өрүп бүткөндө "Беш күндө белге жет, жети күндө жерге жет " деп чоюп - чоюп коер эле. Таң атпай энем экөөбүз туруп алып, түш жоруйт элек. Ар бирибиз бирибизге бирибиз түшүбүздү айтып алып жоруйбуз. Жаман түш көрсөм, сууга агыз деп сууга айттырып, "Түшүң түлкүнүн богу" деп коет. Көзүкпөсүн деп бетимди суу мн жууп, өзүнүн этеги мн аарчыйт. Тишим ооруганда атамдын тамекисин алып, аны күгүзүп, бир - эки соруп алат. Күйгөн чылымын гезиттин кенедей кесиндисине салып, оройт дагы тишимдин тешигине салып койчу. Айтор, толтура болчу ырымдар. #жөнэлеойлор Сүрөт:@nurtazimphoto

12.02.2020
Аял кишинин мээсинде чар жайыт башталганда үй жыйнайт. Салондорго чуркайт. Тегерегин, өзүн ирээтке келтирүү мн бирге мээсинин ичин, ойлорун да тазалап чыгат. Бир коуч, тренинг мырза : "Өзүн сүйүү - жан дүйнөсүнө ыңгай жаратуу, сулуулук жасоо, ырахаттануу,- деди. Ойлоп көрсөм, дагы эле өзүмдү экинчи орунга коюп келе жатыптырмын. Киймимди карасам, жупуну. Боенбой да калдым. Байкенин сөзүн ойлонуп отуруп "Эмнеге мындай?" деген суроого кептелдим. Өзүмдү жөнөкөй болуп калдым, эл эмне дейттен чыктым деп алдап коет экенмин да шалпактап жүрө бермей адат тааптырмын. Жалгыз жашоого көнүш үчүн убакыт керек болду окшойт. Үй алыш керек дедим. Алдым. Баланы жакшы мектепке киргизем дедим. Киргиздим. Анан ден соолуктарды каап, ары жак, бери жагымды жыйыштыргыча эле убакыт өтүп баратыптыр. Көзүмдү жумуп алып өзүмө суроо бердим. " Назира, жакшы кийинип жүргөндө өзүңдү кандай сезесиң? Мыкты унаа айдагандачы? Сонун үйдө жашаганга акың жокпу? Эс алгангачы? " "Мен жакшыга татыктуумун жана акылуумун" деген чечимге келдим. Үйүмдү зимилдетип жыйнап, шоппинг кылып, сулуулук салондорго, ден соолук чыңдоо үчүн клиникаларга бара баштадым. Тернингдер, китептер кайра улантылууда. Мен азаматмын! Өнүгүүм кажет. Бактылуулукка толук укугум жана акым бар. Силерди жакшы көрөм. __________________________________________________ Бүгүн @shugaring_kg де күн өткөздүм. Өзүңүздү мыкты адиске табыштаңыз.

17.10.2019
Мурунку Назира жар тандоодо: Үлпөт көйнөктүн укмушун киймек. Чоң залда укмуш той өткөзмөк. Пафос кылып, эл көзүнө укмуш көрүнгүсү келмек Азыркы Назира: Баары өзүмдүн ыңгайым үчүн. Узун, чоң көйнөк ыңгайсыз. Кичинекей, ыңгайы мн көйнөк. Бирөөнүн иши болбосун. Эң эле жакын көздөр мн скромно белгилеп коюу. Сырттагы адам билүүнүн кажети жок. Мурунку Назира: Жигиттин супсулуусун, элге алып чыкканда уялбаганын, видныйын издеп жүрмөк. Азыркы Жүрөгү сулуу болсун. Элге жакпай эле койсун! Мага жаксын! Мурунку Назира: Иши кылып сүйгөнүм мн кандай кырдаалда болбосун чогуу жашасак. Акчасы жок болсо деле мейли. Өзүм деле иштеп багып алам. Азыркы Назира: Ал түзүп берген менин ыңгайым болсун. Балдарым жылуу шартта жашасын. Эркегим баарын таап келген тың болсун. Акча тууралуу менин башым оорубаш керек. Бир колум майда, бир колум балда жашаганга акым бар. Мурунку Назира жашоодо: Ой, бекер деле иштей берем. Иши кылып жакшы көргөн ишимди жасайын. Азыркы Назира: Бекер оокат бар бекен. Эмгек акым татыктуу төлөнүшү керек. Сенин балаңа тамак керек. Менин балам тамак жебейт бекен? Мурунку Назира: Жардам берип коеюн эчтеке болбойт Азыркы Назира: А мага ким жардам берет. Убакытымды текейге бербейм. Болбосо, төлөнсүн. Мурунку Назира : Тамак тандабайм. Жей берем. Азыркы Назира: Куурулбасын, ден соолукка зын болбосун. Кола эмес суу ичем. Куурулган картөшкө эмес чөп чар жейм. Өзүмдү, ден соолугумду сүйөм. Мурунку Назира: Өзүмдү карайын. Эл эмне дейт. Азыркы Назира: Ыңгайыма жараша кийинем. Сулуулансам дагы өзүм үчүн. Эл мн ишим жок. Алардын дагы иши болбосун мени мн. Мурунку Назира: Быжылдатып эле төрөй берсең. Жок дегенде беш балаң болуш кк Азыркы Назира: Ар бир баланы жоопкерчиликтүү, ойлонуп төрө. Санда эмес кеп сапатта. Ар бир балаң татыктуу, кымбат долбоор. Туура, так, мыкты салым кош. Эптеп септеп эмес татыктуу тарбияла. Коомго татыктуу, мыкты адам кош.... Мурунку Назира: Амбиция күчтүү. Баарына жетишкиси келет. Жулунат. Азыркы Назира: Көңүлүм сүйгөн ишти кылам. Жулунбайм. Ырахат алып жаша. Шашпа. Буйругу болсо, баары болот. (уландысы бар)

24.05.2020
Айтыңыздар маарек болсун! 15 жылдан кийин орозо кармадым. Жеңил өттү. Организм рахмат деди. Чыдамкайлыгыма, сабырдуулугума рахмат. Ниет кылсам, максат койсом, азгырылбай, аягына чыгат экенмин деп калдым. Ким молодец? Мен молодец! Бул да кичинекей жеңишибиз! Демек, бир иштин өтөсүнө чыгыш үчүн ал иштин так максаты, терең мааниси болуш керек экен. Адам аны эмнеге жасап атканынын маанисине үңүлө алганда гана аягына чыгат. Бүгүн жасап атып , орто жолдо таштап койсок, демек, ал иштин кереги деле жок, же ал иш өз ыктыяр мн жасалган жок, же ал ишти эмнеге жасап атканыбызды билбейбиз! #жөнэлеойлор

13.03.2020
Гей, лесбиянка, феминст, көзү ачыгы, сойкусу... ж.б. дейбиз. Чүйрүйөбүз. Бирөөнүн ал баласы, эжеси, иниси, карындашы, тууганы экени мн ишибиз жок. Басынтканды, жектегенди, жек көргөндү, ур - тепкиге алганды жактырабыз. Толеранттуулук түшүнүгү сиңе элек. Өзубүздүн комплексибиз бар. Жарабыз бар. Бирөөнү тепкилегенде эс алабыз. Тепки жеп чоңойгонбуз. Ичибиз каңгырап бош. Сүйүү алган эмеспиз. Чокубузга анан сүйүү беребизби? Жакыныңа жардамыбыз жок анан башкаларды кантели? Бирөөнүн тандоосун сыйлаганды үйрөнө элекпиз. "Меники туура" түшүнүгү гана жашайт. Абдыракаттуу, мээси иштеген бирөө туура деп койгон аны. Ээрчимелик, көз карандылык, "Эл эмне дейт" дегендик, "Эл кайда акса, ошол жакка агабыз да" дегендик, калыпка сыйгандык, андан чыга албагандык бар. Өз мээбиз мн ойлонуп, өз тандообузду жасаш өөн учурайт. Бир аз эле көз карашы, кийими, стили, ой жүгүртүүсү башкача болуп калсын ур - тепкиге алабыз. "Эмнеге сен бизге окшошпойсуң?"-дейбиз. Аны да калыпка, өзүбүздөй зынданга салгыбыз келет. Көралбастык сонун иштейт. "Менден кемисин, бирок ашпасын". Ал генде бар. Мындай карөзгөйлүк, түркөйлүк түшүнүк качан жоюлат? Адам билим алганда, өзүн өнүктүргөндө, өзүн сүйүп, комплексин жое баштаганда арылат. Анткени ичиң сүйүүгө толуп, жеке өзүң мн алек болуп атканда бүт дүйнө сулуу көрүнөт. Кой аксагы мн жүз. Ар бир адамды өзүнүн тандоосу, кемчилиги, артыкчылыгы мн сүйөсүң. Анын дини, тили, өңү, кийими, статусу мааниге ээ эмес болот. Анын дили, жүрөгү алдыга чыгат. Ал бийиктикке качан жетет болдук экенбиз? Укмуш өнүгүп кеттим дебейм, бирок кандай болбогула сиз мен үчүн Жаратканымдын пендесисиңер. Силерди жектеп, жоктоп, мактап, соттогудай мен киммин? Өз жашоом мн алек болуп, күзгүдөн алгач каранып алайын. Башымдагы төөнү көрүп, аны мн алек болоюн. Жашоо ансыз деле аз. Сидерди эмес өзүмдү тааныганга жетпейт. #жөнэлеойлор

28.01.2020
Жаш кезиңде курч, максималист болосуң. Баары сеники болсун дейсиң! Кучагыңа дүйнө батып турса да тойбойсуң! Алдыңда бүтүндөй өмүр гүл сунуп тургандай! Коркунуч жок. Чегинүү жок. Теминүү бар. Чуркоо бар! Кечигүү жок. Кемчилик жок. Жашоо сеники. Кайнап турган кан турат! Энергияң ары берип чуркатып, алып - согуп, акыл менен кеңешүү четте калып, сезим мн иш кылуу бар. Жашың өткөндө гана максимализм нормага анан кийин барып отуруп минимализм ге түшөт. Сезим мн иш кыла берип, далай күйөсүң, кайнап аткан турмуштун майына түшүп, кызаргыча кууруласың. Акыл кирет жашооңо. Баарын колго алат да, аңдарды аттап өткөндү үйрөтөт. #жөнэлеойлор

10.02.2020
Жамбаштап жатып алып сүйлөшөйүнчү..неме, көрсө, мен, эркектерди аябай аяйт экенмин. "Бир нерсе сатып берейимби?"десе эле башымды дароо чайкап, "Кереги жок" дей бермей адатым бар. Сатып берип койсо, тим эле банкрот болуп калчудай. Оюмда "Акчасы түгөнүп калат", "Убара болот", "Өзүм деле таап алам да! " деген нерсе бар. Бул психологияда эмне деп аталат билбейм. Балким, энелик инстинктим аяттырып аткандыр. Балким, алмайдын бермейи бар да деп бирөөгө карыз болгон жакпайттыр. Балким ичимдеги аялдык аз брлуп аткан чыгар. Балким, өзүмө өлө ишенеттирмин. Акчаны өзүм деле таба алам деген бекем ишенич тургандыр. Балким, жөн эле мээси иштечү жерге иштебеген жинди кыздырмын. Кыскасы, "Абересиң!" системасы менде бузук. Жолдошумду азыркыга чейин аяйм. Балама ашыгыраак акча сурап калсам, түгөнүп калчудай сеңим мн аяйм да баардык түйшүгүн өзүм көтөрө берем. Бирок, бир аял , - Эркекке эркелеп, аял канчалык "Абересиң!"деген сайын ага мотивация пайда болот. Ал дагы иштегиси келет. Көбүрөөк акча тапкысы келет. Шерденет!"деди эле. Мунун канчалык чындыгы бар билбейм. Мырзалар, силерге мындай суроо. Бир айым "Абересиң?"дегенде кандай сезим болот? А) Эркелеп атканын түшүнөсүз. Бул нерсе жагымдуу. Каалаганын "абересиң". Б) Кыйнаган нерсе. "Абересиңге" аллергияңыз бар. В) Сизге бул мотивация. Г) Кыздардын баарында "Абересиң" системасы бузук болсо, жакшы. Кыздар, бул сезим силерде деле барбы, же мен "кечирип коймунбу"?) #жөнэлеойлор

14.06.2020
Биздеги мыйзамченемдүү көрүнүш бул. Бүгүн тепки жейт. Эртең кечирет. Ал тепки жеп, сүйүү, көңүл алат анткени. Мээримдүү, аяган сүйүүнү көргөн эмес. Ал аны тааныбайт. "Любовь через минус" деп коет психологияда. Адамдар кандай жашоодо жашагысы келсе, ошону алат. Биз миң боор толгоп, аяп, анын биздин көз карашыбыздагы жакшы жашоого үндөбөйлү аялдын өзүнүн тандоосу болот жана ал ага укуктуу. Зордоп, башка жашоо таңуулаганга акыбыз жок. Ошон үчүн "Кеп аялдын тандоосунда !" деген сөзүмө арданып, урушпай эле койгула!

02.11.2019
Оозум кулагымда бекен?)))))Таң атпай гүл мн сүйүнткөндөр аман болсо экен ошо!)) Акчасын кошо кыстарышып, көңүлдү ачканды билишет да!))))))) Ананайындар! Баса, бүгүн маданият кызматкерлердин күнү! Майрамыбыз мн!!!

27.09.2019
Тишиң бүкүл кезде таш чайнап - чайнап албасаң, кийин чокуңа кыр ашмак белең?! Жумуш болуп, чуркап турганга не жетсин?! Ылайым ден соолуктан айтсын Жараткан! -Өхх, чарчадым ,- дегендер ишиңер жүрбөй, итиңер чөп жебей калганда же дениңер аксап, соолук айтпай турганда керели кечке шып тиктегенде "чарчадым" ды айтканыңар үчүн миң эсе өкүнөсүңөр! Алты сан аман болуп, иштеп тургандан айтсын! ---------------------------------------------------- Бүгүн үч башка съемка болду. Сулуулаган @meka_make_up_1 @meka_make_up_1 @meka_make_up_1 бактылуу бол! Колуңа береке!

03.03.2020
Не дедиңер?

03.12.2019
- Апа, кайсы каталарыбызды түздөөгө келдик экен ээ бул дүйнөгө? Мурунку жашоомдо кандай иштерди кылып, ким болдум, кандай каталарды кетирдим бир билсем? Бул жашоодо оңой эле оңдоп коймокмун анда. - Уулум, баары белгилүү болсо, кызыгы жок болмок да жашоонун. Өмүр бою ар бир каталарыбызды түздөп, өзүбүздүн үстүбүздөн иштеп, жакшылык жасап жүрүп өтөбүз. Аркы дүйнөгө барганда баары билинеттир, балам. - Кудайды кандай элестетем, билесиңби? Асмандан бир ак кийимчен, ак сакалчан жакшы киши карап тургандай элестетем. Ар бирибизди көрүп турат да ээ? - Мен дагы кичинекейимде ошентип элестетчүмүн. Жашынып калсам, көрбөй калат да деп. Андай эмес окшойт. Азыр ал жүрөгүмдө тургандай элестетем. Жан дүйнөмдү, жүрөгүмдү таза кармаганга аракет кылам ошон үчүн. Ар бир оюмду жатка билет, көрөт. - Кудай сени ырас эле менин апам кылыптыр ээ? - Ырас эле сени уулум кылыптыр. Бейиштин жытын жыттап, түз жолуңан кайтпа, түздөнүп жүр десе керек да. Сен бейиш жыттанасың билесиңби? - Билем. Жаңы эле ошол жактан келбедимби. - Пендеге айлана элек периштесиң, балам.. (Уулум экөөбүздүн маегибизди кыргызчаладым.)

17.10.2019
Абдан кубандым! Өткөндө бир кыз жолугуп, - Ар бир стаусуңуз дем берет. Оор кырдаалдамын. Сиздин жардамыңыз мн жеңип келе жатам, - деди. Ал ыйлады. Ага кошулуп мен ыйладым. Энелер жазат. "Кызыма чалып койчу. Өлүм мн өмүрдүн ортосунда турат" ,- дешет. "Сенин апаңан да улуу болсом керек. Бирок оюмду өзгөртүп, жашоого башкача караганга жардам бердиң" дегени бар. Түрдүү каттар келет. Калемимди аңдып, чөлгө куйган суудай ар бир жазганымды сиңирип алганы болот. Медиа адамдарында жоопкерчилик кандай чоң?! Эмнени пропагандаласак, эмнени сүйлөсөк, сиңирип турат. Абайлаш керек. Ар бир сөзүңдүн түпкүрүндө тарбиялык маани жатыш кк экен. Бул менин миссиям болсо керек. Кудай мага оозума бекеринен сөз салып, эл адамы кылбаган чыгаар! Мен мындан кийин өзүмдү өстүргөнгө аракет кылам. Өзүмдү ушундай тарбиялайм. Бактылуу болом. Бийиктейм! Менин жакшылыгым жакшылыгыңарга дем болуп атса анда сөзсүз бактылуу болом! Анткени силердин алдыңарда жоопкерчилигим чоң! Жакшы көрөм силерди! Бирөө таарынтып эле көрсүнчү! Артымда колдоп, намысымды талашып, бир армия тураарын билем!