29.03.2020
Чубак Ажы экөөбүз биригип алып, элди ынтымакка чакырган бир долбоор жасасак, ээ? "Ар бир дин адамдын өсүшүнө жол көргөзөт. Кайсы динди гана тутунбасын адам катары жетилсе, өссө кубанабыз. Бул кайсы гана диндин болбосун милдети. Каада - салтты кармануу, улутту улут бойдон сактап калуу, тилди өнүктүрүү сооп иш. Кыргызстандын Конституциясында ар бир жарандын дин тутунуу эркиндиги бар. Мыйзамды сыйлайлы" деген сындуу. Не дедиңер? Тытышпай, толеранттуу болуп, Манас атабыздын айкөлдүгүн үйрөнгөн болобузбу дейм да. #жөнэлеойлор

11.03.2020
Күлдүм чын ыкласым менен. Күлкүчүмүн. Каткырыктын ичинде жүргөн жагат. Ажыкыстыгым , тентектигим, эркелигим позитив менен күлкүнүн өрүп берет. Өрүлгөн маанайга тегерегимдегинин баарын кошкум келет. Жан дүйнөң мн күлсөң, көлөкөдө калып калган капаларыңа, санааңа күн тийчүдөй сезилет. Андан дагы катуу күлсөм, көкүрөгүм агарчудай, айран мн жууп, тазартчудай көрүнөт. "Эмне ырсактайсың?", "Эмне жалжаясың?", " Эмне эле жыргай бересиң?" дегендер, ыйымды жылмайууга, күйүттү күлкүгө катып, калып калган жараларды каткырык мн жуугум келди. Мени менен күлчү? Дүйнөнү күлкүгө оройлу? #жөнэлеойлор

02.12.2019
Эркектердин күчүн талап кылган оор жумушту жасагым келбейт. Оор көтөрүү, чоң жүк унааларын айдоо, дөңгөлөгүн алмаштыруу, механизм, техникада мээни иштетүү, үй салуу, мык кагуу ж.б.толгон токой жумуш. Аларга оордугумду салып, башымды жөлөп, таянгым келет. Мен адардын мага болгон камкордугун каалайм! 8 - мартта кымбат белек күтүп, 23 - февралда байпак менен кутулгум келет! Дайыны жок таарынып, мээсин жеп, жеп бүткөндөн кийин, эчтеке болбогондой ырсайгым келет! Тең укуктуулук - алар жасаганды жасоо болуп эсептелинет да ээ? Алардын мага сыйы, сүйүүсү эле жетиштүү. Чоң күчтүн алдында алсыз, эрке болгонго, эркелегенге не жетсин? Феминисттик балким эркектерден эң көп көңүл калып, кечирилгис көкүрөгүндө таарыныч ташы катып калганда чыкса керек ээ? Мен деле феминист болуп кете жаздагам. Илгери силерге таарынып жүргөндө. Кыргызстанда эркин эле жашайт экенмин ой жүгүртсөм. Каалаганымды жазам. Каалаган окуу жайда окуй алам. Каалаган жумушта иштейм. Каалагандай кийинем. Жада калса суунун жээгинде сүрөткө түшөм. Күнү - түнү кааласам, көчөдө жүрө алам. Каалаган динимди тута алам. Каалаган тилде сүйлөп, каалаган адам мн мамиле куруп, каалаганга баш кошо алам. Мени эч ким чектеген эмес. Таш бараңга алган жок. Коркуткан жок. Тарбиясыздары бар. Ал башка кеп. Билим деңгээлине жараша мамиле бар. Мыйзамда менин укугум каралган. Чурайымды көргөзүп, ычкыры жок басат элем деп чалкаман кетсем, ырысымды тепкен ырыскесер, акылы жок айнып калган неме деген баа бермекмин өзүмө. Акыл парасатка, абийирге жараша каалагандай эле кийинип жүрөбүз го. Тек гана суранганым, мырзалардын аялдарга болгон сылык, сый мамилеси. Аял деп аяп турсаңар эле агы менен айланабыз каректин! Мени сүйгүлө, эркелеткиле, аягыла! Мен аялмын анткени! #жөнэлеойлор

06.02.2020

29.02.2020
Өлбөгөн жанга жаз да келди. Кыштын акыркы күнү. Муж на кышы жок эле чыктык. Үшүгөн жокмун. Көнүп калдым го, кыязы. Үчүнчү кышты жалгыз узаттым кантсе дагы. Башка түшсө, байтал жорго дейт беле? )) Макияж, чач жасалга @venera_vizazh Кийим @mavi.kyrgyzstan

08.12.2019
Тарыхка үңүлсөк, атагы таш жарып, алыска чыгып бара жатканды тынчыткан жагынан алдыда экенбиз. Улуу баатырлардын ар биринин жашоосун карап чыгыңыз, Манас атабызды да өзөктөн чыккан өрт, өздөн чыккан жат жайлаптыр, Жусуп Абдрахман сындуу лидерлерди, Насридин Исанов, кечээки эле алдыда келе жаткан саясатчылардын буйрутма өлүмдөрү ж.б. өзүбүздү өзүбүз эле тыптыйпыл кылып келе жатабыз. Эмне деген бут тосууларды, интригаларды окуйсуң. Анын баары тарыхта жазылуу. Азыр деле уланып жатат. Арууркап, тазарып кеткен жерибиз жок. Чалып, төпөштөп, чукуп, сасып...деги койчу алмустактан кан мн келе жатканды тазалаш оңой дейсиңби? Тың чыкмаларды тыптыйпыл кылып жатып, тың чычмалар калды. Кир когубуз мн аралашып, жатып алып эмнеге бүгүнкү күндөбүз деп күңгүрөнөбүз? Кайсы күндү көрөлү дедик эле? Эмнени эктик ошо чыкты. Бүгүнкү иш аракет эртеңки күндү түзөт. Азыркы ой - эртеңки тагдырың. Ичибизде таруу айланбай турса, ишибизде ийгилик болбойт. Мыктыны мыкты дей алган улуу сапат болсун. Ар бир сезимди, ойду көзөмөлгө ал. Көөдөнүңдү ирите турган сезим байкап кылсаң, дароо жок кыл. Ар ким өзүн тазаласын. Өздүгү мн иштесин. Өздүк дүйнөңдү ирээтке келтиргенде гана, сырткы дүйнө иреттелет! Ичибизде үшкүрсөң жаңырык чыгып, бопбош болуп турган абалда, сырткы боштукту толтуруу кыйын. Жан дүйнөң жанчылып атканда, бар дүйнөң жок болот. Руханий төңкөрүш керек саясыйдан мурун! #жөнэлеойлор

18.04.2020
Нурлан байке, "Карындашым, элдин көңүлүн карантинде ачалы. Ырымды жүктөп койчу?" деп суранды эле. Саясат, күнүмдүк ызы чууну, жанагы жакында кете турчу илдетти сүйлөй берип чарчадык. Бир бийлеп алалы? Не дедиңер?))) @nurlan_motuev_official агаман "Седая ночь!"

18.02.2020
Үшүтөбүз. Чыйрыктырабыз. Муздатабыз. Кышыңыз болобуз. Чилдебизди чыгарабыз. Жайды көргөн аял салкындыкты көргөзбөйт. Үшүгөн гана аял үшүтүшү ыктымал. #жөнэлеойлор

25.12.2019
Түрктөрдүн "Hayırlısı" деген сөзү бар. "Туурасы, "Жакшысы", "Буюрганы" маанисинде. Кандай гана сөз айтпа жообунда ушул сөздү угасың. Кээде Жараткандын жанын койбой, сурап алабыз. Бирок сурап алганыбыз канчалык деңгээлде буюрат, жакшылыкка кызмат кылат билбейбиз. Азыр Жаратканга жалынганда "Мага туура келсе", "Меники болсо", "Буюрганы турса", "Жакшылыкка колдонула турган болсо" ж.б. деп акырыыын суранчы болдум. Дегим келгени, акактап алганың дайым эле жакшылык жетелеп келе бербейт экен. #жөнэлеойлор

10.03.2020
Алтын ортону тапканды билбейбиз. Келин болот десе, кул болгуча келин болуп, төпөштөлүп атып көргө чуркайбыз. Эркиндик десе феминисттен лесбиянкага өтүп кеткиче эркин болобуз. Кыргыздын каадасын, менталитетин, ыйбаасын эркиндик, заманбап жашоого жуурулуштуруп, укугуңду таанып, өзүңдү өнүктүрүү колдон келбейт, сыңары. Эки коом эки жаатта туруп алып эки күндөн бери боктошуп атат. Бөлүнгөн биздин - хоббибиз өңдөнөт. ________________________________________________ Баса, чачымды боеттум бүгүн. Көпкөн жокмун. Кестирген да жокмун. Агарып кетти. Өңү - түсү боюнча сурагандар @kanamalik ке кайрылыңыздар. Боегон жаатта мыкты адис.

29.06.2020
Журналист, блоггер катары сөз эркиндигине жолтоо болгондорго каршымын! Кыргыз кепке, сөзгө терең маани берип келген. Баш кесмек бар, тил кесмек жок! #сөзэркиндиги

23.11.2019
Капка буудай толтуруу мүмкүнбү эгер каптын жыртыгы көп болсо? Жыртыкты бүтөп, капты толтурууга мезгил келди! Тешиги көп үчүн кайык алыс жылбай, чөккөнү турат. Ойгон, кыргыз! Балаңдын эртеңки келечеги бүгүн башталат!

02.11.2019
"Мурун сени жаман көрчүмүн" дегенди көп угам. Албетте азыр оюңар өзгөрүп, жакшы көрүп, күйөрман бп атканыңар жагымдуу бирок мурун ушунча желмогуз көрүнчү белем же ушунча желмогуз белем? Кээде жашообузду тартып жүргөн пленка болсо, артка түрдүрүп алып, өзүңдү сырттан карасаң деген ой келет. Өзгөрдүмбү же жан дүйнөмдү учурунда тааныта алган эмесминби? Өзгөрткүдөй ойлорун өзгөргөн болсом эгер, мен азаматмын! Жан дүйнөмдү жакындан тааныткан болсом, инстаграм мн фейсбукка рахмат. Руханий жактан канчага өстүң текшерип турган курал болсо.. Сүрөт: @nurtazimphoto

12.10.2019
Сахнанын арты баарыңарга кызык болсо керек. Анда тааныштырам!

25.02.2020
Биздин бир тууган экенибизди билчү белеңер? Атыбыз да, тилибиз да, кесибибиз, эркелегибиз да окшош. Бир тууган чоң аталардын кыздарыбыз. ) "Ачыгын айтканда" берүүсүндө коноктомун @nazira__kadyeva

24.09.2019
Кыз - келинден эң көп келген суроо: Жүзүңүзгө кандай кам көрөсүз? Эң эле алгач ичеги карындар, ички аппараттардын дени сак болуш керек. Аларда көйгөй болсо, бетиңизде безетки, тактар, сепкилдер, теринин кургактыгы, майлуулугу ж.б. көйгөйлөр пайда болот. Андан кийин туура косметика тандалышы керек. Туура тандалышы үчүн диагностикадан өтүүңүз зарыл. Аны @misskorea_kg ден өтсөңүз жана ошол эле жерден туура косметика тандап аласыз. Баардык суроолор боюнча @misskorea_kg @misskorea_kg баракчасына кирип сураңыз. Баса, акыркы жылдары косметиканы ушул жактан гана алам. ♥