25.05.2020
"Кой, көңүлүн оорутуп албайын!", "Кой, туура эмес түшүнүп калбасын!", "Жаман көрүп калат!" ж.б. ушул сыяктуу сөздөрдүн артына жашынып алып, сезимдердин баары көмүскөдө көмүлүп кетет. Бир күнү урушуп кеткенде толуп калган ириңди анан бетине жаба - жаба кусабыз. Алдын ала сүйлөшүп, чечишип алуу деген бизде жок экен. Баары жакшы деп жымсалдап жүрөп берип, чындыкты айтканда көтөрө албай көтөрүм болуп өлүп калабыз го. Катасын моюнуна алып, башын шылкыйтып, "Ооба, айып менде экен. Ошону оңдоп коеюн!" деген киши көрдүңөр беле? Жок ой! Бирөөнүн кемчилигин, туура эмес жерин, катасын айтып көр! Беттен алып, өпкөңдү үзүп, башыңды жулуп, колуңа карматат. Анткени тээ баштан ачык айтып көнгөн да, көндүргөн да эмеспиз. Комплекс көп бизде. Ар бир адамда бар. "Уят өлүмдөн катуу", "Намыс" дегенди кур намыс ж.б.деп түшүнүп, дозасын ашырып колдонуп алышкан. Безге сайгандай безилдейбиз чиркин чындык мн беттеше албай...бөтөнгө чыгармак түгүл, өзүбүз өзүбүзгө да айткандан, ачыкка чыккандан коркобуз. #жөнэлеойлор

25.12.2019
Түрктөрдүн "Hayırlısı" деген сөзү бар. "Туурасы, "Жакшысы", "Буюрганы" маанисинде. Кандай гана сөз айтпа жообунда ушул сөздү угасың. Кээде Жараткандын жанын койбой, сурап алабыз. Бирок сурап алганыбыз канчалык деңгээлде буюрат, жакшылыкка кызмат кылат билбейбиз. Азыр Жаратканга жалынганда "Мага туура келсе", "Меники болсо", "Буюрганы турса", "Жакшылыкка колдонула турган болсо" ж.б. деп акырыыын суранчы болдум. Дегим келгени, акактап алганың дайым эле жакшылык жетелеп келе бербейт экен. #жөнэлеойлор

25.05.2020
Куралдын ырчылар бай эмес деген видеосу жакты абдан. Биз артистер бири бирибиздин жашоо - турмушубузду билебиз да.  Сырттан көргөн адамдар укмуш, жыргал жашоо, бай жашоо ушулардыкы дешет. Чет өлкөдө болгондур. Бизде андай жок. СССР дин Эл артистери бир бөлмөлүү жатаканада жашашат. Белгилүү,  белдүү актер, актриса эжелер он миңге жетпеген айлык акы алышат. Бирок тырбалаңдап, тигил жакка чуркап, бул жакка чуркап бирдеме кылып жүрөбүз. Мамлекеттен "Келе " деген жерибиз жок. Жардыбыз. Анан оңдуу унаа айдап калсак, аны аябай кыйкырып мактанабыз. Оңдуу үйдө жашап калсак, аны аябай түз эфирге чыгып алып жар салабыз. Оңдуу көйнөк кийсек, кайра - кайра басабыз. Көрбөгөндүн көргөнү курусун! Анан эмне кылабыз?)))) Курал экөөбүзгө окшогондор тапкан ташыганын алгач ата - энебизге чаптайбыз. Алар оңдуу үйдө жашасын, жөө баспасын дейбиз. Өзүбүз эптеп бир бөлмөлүү батир алып жашайбыз. Бирок өлө бактылуубуз. Жүрөгүбүз тынч. Ата - эненин карызынан кутулуп аткандай.  Анан эле эл сенде жокпу дешет. Ылайым болсун! Оозуңарга май! Өткөндө бир ырчы квартирасынын акчасын төлөй албай атканын жазды эле. Айрым адамдар "Сооп болот " деп аябай ичиндеги кусундусун төгүшүптүр. Коррупционерлерге төккүлө да ызаңарды! Ырдап анан сүйлөп алган акчабызда эмне айып?? Азаматсың, Курал! Чындыгың үчүн рахмат!

02.10.2019
Өстүрө турчу анан өлтүрө турчу сүйүү бар. Өстүрө турчу сүйүү канат берет. Бийик учурат. Ишеним берет. Анын берген эркиндигинде каалгыйсың, жыргайсың. Шартсыз сүйөт. Эсеп - кысабы жок , милдеттендирмеси жок сүйүү. Бир жакшылыгын миң айтып, мээңди жебейт. Жөн гана жүрөгүнөн чыккысы келген үчүн жакшылык кылат. Догун артпайт ал үчүн. Өстүрө турчу сүйүү жүрөктүн түбү менен таптаза чыгат. Арамы жок. Адалы көп сүйүү ал. Ал сүйүүгө балкыган адам арууланат, өсөт, гүлдөйт, жайнайт. Өлтүрө турчу сүйүү бар. Өзүмчүлдүк чоң ал жакта! Мен үчүн, мага, кылышың керек, баспа, турба! Мойнунан байланган ит сыңары. Ал жибиң бара бара сыйыртмакка айланат. Бууй баштайт. Соңунда демиңди кысып өлтүрөт. Сенин кызыкчылыгың, ыңгайың, эркиндигиң, гармонияң эске алынбайт. Баардыгы ага ыңгайлуу болуусу шарт. Жакшылыгын өмүр бою мойнуңа жүк кылат. Өмүр бою карыздарсың, күнөөлүүсүң. "Кыңк" деп эле баш көтөрүп көр! Өкүттө каласың! Сөөгүңө жеткире сүйлөп, чучугуңду чагып жейт. Сүйөм дейт. Сүйүп аткандай мамиле бирок күндөн күнгө куурап баратканыңды сезесиң. Жылдызың өчүп, ооруй баштайсың. Ал эч качан жаңылбайт. "Меники чын, меники туура " менен жашап, кемсинтет, кемитет, чүнчүтөт. Кач андай сүйүүдөн! Ал өлүмгө кетчү жол! Эркек - аялга гана тийиштүү эмес бул сүйүү. Бир тууган арасында, достукта, ата - бала, эне - бала ортосунда да боло турчу сүйүүлөр бул. Чыныгы сүйүүнүн эсеби, милдети, шарты жок. Жөн эле ааламда бар үчүн сүйөсүң! Анын бир эле жылмайуусу үчүн дүйнөнү оңкоросуң, жүрөгүңдөн чыкканын жасайсың! Эсепсиз - кысапсыз....#жөнэлеойлор

24.12.2019
Ыя?

24.05.2020
Айтыңыздар маарек болсун! 15 жылдан кийин орозо кармадым. Жеңил өттү. Организм рахмат деди. Чыдамкайлыгыма, сабырдуулугума рахмат. Ниет кылсам, максат койсом, азгырылбай, аягына чыгат экенмин деп калдым. Ким молодец? Мен молодец! Бул да кичинекей жеңишибиз! Демек, бир иштин өтөсүнө чыгыш үчүн ал иштин так максаты, терең мааниси болуш керек экен. Адам аны эмнеге жасап атканынын маанисине үңүлө алганда гана аягына чыгат. Бүгүн жасап атып , орто жолдо таштап койсок, демек, ал иштин кереги деле жок, же ал иш өз ыктыяр мн жасалган жок, же ал ишти эмнеге жасап атканыбызды билбейбиз! #жөнэлеойлор

23.05.2020
"Энесинен бөлөк өппөгөнү болсун" дешет. Эмнеге деп атканын деле, түпкүлүгүн түшүнүшпөйт. Аларды кулагына куюлган. Ошол туура деп айтышкан. Жылдан жылга уланып келе жаткан салт, адат. Аруу, таза, куулукту - шумдукту билбегендерге үйлөнүшөт. Аны анан музей кылып үйгө сактап коюшат. Ал төрөгөнгө, үй оокатын кылганга, баш ийдиргенге аябай ыңгайлуу. Кези келсе, үндү өктөм чыгарып, кичине жүрөк үшүн алып коюп турганга да жакшы. Бирок алардын көзү шойкомдуу, комплекси жок, төшөктө укмуш оюн кура алган, шарактаган аялдарда болот. Төшөгүн чанып кете албай, далайы торго түшөт. Миң мойнубузга алгыбыз келбегени мн кумар көп нерсени чечет окшобойбу?! Эки адамдын сүйлөшө келсе сөзү, оюнга батса кызыгы тарабаса эле мамилеси узун сүрөрүн байкадым. Кээде илгертеден келе жаткан эрежелерди буза албай, далайларынын тагдыры сынат. Башка көздөр мн сөздөргө сынып калбаш үчүн каалоосунан баш тартат. Кызды кырк үйдөн тыйып атып төшөк уят, жаман, күнөө нерсе деген түшүнүктү катуу киргизип коюшат. Ал тургай эринин койнунда жатканда да коркуп, уялып, кысынып жатат. Ал нерсе мн мырзаларды кармап калыш кыйын. Ал сөзсүз сырттан жыргалын издейт. Ырахат алгандан, тартуулагандан тартынбаш керек. Үй бүлөнүн бекемдигине бул нерсенин эң эле чоң салымы бар! #жөнэлеойлор

24.12.2019
Айрым адамдардан жакшы из калат жашооңдо. Үмүтүң үзүлүп, ыйлап аткан учурда келет. Даарылайт. Жүзүңдү күлдүрөт. Үмүт берет. Миссиясын бүтүргөн соң, жашооңон чыгып кетет. Сен да бирөөнүн жашоосундагы периштесиң, жакшы миссиясың. Жакшы дегеним жаманы болбойт эч качан. Жүрөгүңдү миң ооруткан күнү да эң сонун сабак үйрөткөн болот. Рахмат айт. ♥ Эски жылда жашоомо кирип, сонун из калтыргандарга ыраазымын. Жаңы жылда жаңы миссиялар менен келе турчуларга жүрөк ачык. Билбегенимди үйрөтүп, билгенимди тастыктатып кеткиле! Кечирдим катуураак сабак берсеңер. Кечирим сурайм көңүлүңөрдү оорутуп алсам . ♥

20.05.2020
))))) тим эле окшошуп отуруп алганыбызды кантели? Интервьюну монтаждап келип, көргөзүп аткандагы кербез. Кафе ызы - чуу. Чала - бучук чыккан үнүн уга албай убарабыз. )) Сонун съемка жасап келдик деп ичибизде кудуңдаган кубаныч бар. Маектин арты мн далай адамдын энергиясын, жан дүйнөсүн көрүүгө, аны элге көрсөтүүгө өбөлгө түзүлүп атат. Саясатчылар болобу, сахна адамдары болобу, сырттан билгеним менен жан дүйнөсүнө сүңгүп, жакындан эч кимисин тааныбаптырмын. Ар бир адамдын ааламын ача келсең эле бир чоң дүйнө жатат. "Жаман киши жок. Жөн гана жаман адаттары бар ". Жакшы айтылган кеп. Алманбет мырзаны сырттан карап "Менден бетер бапылдаган кандай неме?" дедим. Бирок кепке тартып, жан дүйнөсүн ача келгенде сонун адам чыкты. Чыныгы жүзүн көрсөттү. Бапырактап, шамалдай шуулдаган, куюн болгон байкенин ары жагында жөнөкөй, ата - эненини мээримине зар болуп өскөн, ар кыл жолу бар адам чыкты. Баарыбыз бетибизге башка адамды жамынып, жан дүйнөдөгү чыныгы жүзүбүздү жашырат экенбиз. Бет капты алып, дүйнөсүн сууруп чыгуу мага жакты. Чыныгы жүзүңөр кандай сулуу?! Аны эмнеге жашырабыз бирок? Экөөбүздүн сырдашуубузду ютубдан менин каналыман (Назира Айтбекова) көрүңүз: https://youtu.be/WuXqs9rhqf8

18.05.2020
Өзгөчө медиктерге кол көтөрүп жиберип атканын укканда ызаланып кетип атам. Жакшылык, дөөлөт жарашпаганы үчүн жардыбыз! Пейилибиз, жүрөгүбүз, адамгерчилигибиз оңолуп, даяр болмоюн сүйрөлүп жүрүп өтөбүз! Сооп болот бизге! Дагы Кудай боор ооруп жеңилинен берип атыптыр!

18.05.2020
Кичинекейимде сулуу кыздардын сүрөтүн тартып, кооз көйнөктөрдү кийгизип алып, "Ушундай сулуу болсом ээ?" деп кыялданар элем. Жашоодо көп сулуу аял көрдүм, бирок сулуунун бактысы дайым эле сулуу боло бербейт экен. Жашоосунда жалгыз жүргөн сулууларды көрүп, "Эркектин көзү кайда? " дейсиң. Көрсө, алардын жалгыз жүрүшүнүн көп фактору бар экен. 1. Айрым аялдар сулуу болушу ыктымал, бирок муздак. Жылдызы жок дейбизби. Мелтейип турат. Кучагына алса, кошо тоңдурчудай. Каймана аты : Снежная королева. 2. Супсулуу, жылдыздуу бирок эрки жок болушу да ыктымал экен. Ээрчиткенди эле ээрчип кеткен. Этеги жеңил. 3. Айрым сулууларга даай алышпайт. "Бул мени карабайт да!" дешет. Кол жеткис болуш керек деп айланып өтүшөт, алыстан сүйүшөт. Айрым духу жетпей калгандар өзүн өзү жооткотуп, Күлүк атка салыштырып, ал тууралуу ар кыл ойлорду айтышат. Бул жанагы мышыктын окуясы да. Майга жетпей мурдун чүйрүгөн. Жыйынтыгында, сулуу кол жеткис бойдон бийкте жалгыз карыйт. 4. Дагы бир сулуулардын түрү бар. Алар сулуу экенин билишет. Өзүн жогору жакка чыгарып алып, теңин таппай кыйналышат. Өзүнө татыксызын жуутпай жүрүп, өңү өчүп кеткиче жалгыз жүрүшөт. 5. Сулуулар бар. Сулуу экенин билбейт. Өзүн баалабайт. Бааласа да, төмөнкү баа мн баалайт. Иши кылса деген бир эркекти жандап алып, арманда өтөт. Сулуулугун өчүргүч мн өчүргөндөй баркына жетпеген неме өчүрөт. Өңүнөн аздырат. 6. Дагы сулуулар бар. Мөлтүрөгөн сулуулугуна тайкы акылы чак келбей калган. Дөөпөрөстүгү келбетин улам - улам жууп турат. 7. Акылы да, келбети да төп келгени бар. Аны башка аялдар эркектерге жеткирбей эле жайлап коет, же эркектерге салып берип атып жайлайт. Кыскасы, кызганыч роль ойноп, тагдырына балта чабат. 8. Баары төп келген аял да бар. Сулуулугу, акылына бактысы кошо төп келип, багы ачылганы да бар. Бирок, пайызы аз. 9. Сулуу, амалдуу дагы. Сулуу экенин билет анан аны аябай колдонот. Кандай акчалуу "байке " көрсө, чөнтөгүнө төшөгү аркылуу кирет. Жийиркенбейт. Намыс, уятты кончуна ороп тыгып койгон. #жөнэлеойлор ________________________________________________ Мультфильмде каарман болсом, ушундай каарман болмокмун. @turdaliev_tynchtyk колуңа береке! Аябай жакты сулуу сүрөтүм!♥

17.05.2020
Бир адамды караганда энергиясынан эле кандай адам экенин байкоого мүмкүн. Энергиялык жактан эки адам төп келүүсү абдан маанилүү экен. Эркектин энергиясы чоң бирок аялдыкы кичинекей болуп калса, эркек кадимкидей жүдөө тартып баштайт жана өзүнүн энергиясына жакын аялдарды издейт. Аялдын энергиясы күчтүү болуп, эркектики алсыз болсо, кадимкидей эркек чүнчүйт . Бийлик дароо аялга өтөт. Бирок ошол эле чүнчүгөн эркек өзүнүн энергиясына жакын , өзүнөн алсызыраак аял алса, ал кадимкидей эркектигин көргөзүп, үнү өктөм чыгып, бийликти колго алат. Эркек катары ачылат. Энергиясы күчтүү аял андан дагы күчтүү эркекке жолуга турган болсо, мурункудай айбатын көргөзгөн жолборс болбойт. Мыйоолоп астейдил басып, мышык түгүл мыйга айланып, аял катары ажары ачыла түшөт. Ошон үчүн карама каршы жыныстагы адам мн турганда кадимкидей аны изилдөө инстинкти иштей баштайт. Башка аялдарды билбейм, бирок менин учурумда ошондой. Күчтүү энергия сезсем, кылыктанып, ичиңдеги кыз ойгонуп, кыр көргөзө баштайт экенмин. Алсыз бирөө турганын байкасам, "үхүхү " эмес "ахаха" деп чыгып күлкүлөр, күрөшүп ойноп, өзүмдүн эркек тарабым чыгып, аны дос кыла баштайм. Жайыма койсо, кыздарга деле чогуу барчудаймын. Муну илим жактан тастыктай элекмин бирок баамым ушундай болду. #жөнэлеойлор

17.05.2020
Бата алганды жакшы көрөм. Бата мн көгөрөлү, өнөлү. КР Эл артиси Курмангазы Азыкбаев. Жакында ютуб каналыман кызыктуу маегибизге күбө болосуздар. Каналыма катталып койгонду унутпагыла!)))

21.03.2020
Кечирим. Сонун нерсе. Текеберлигиңди сындырып, эгоңду басып, жүгүңдү үстүңдөн алган сезим. Кеңкейип башың бийикти карап, жер баспай калган учурда бутуңдан ылдай тартып, жер мн жер кылган сезим. Кечирим - көкүрөктү өйүп, көөдөндү жара тээп, сыйрылып турган жараңды айыктырып, карты жок бүтүшүнө себепкер сезим. Кечирим..кекчилдикти өчүрүп, кекиртектен өтпөй атканды өткөрүп, сиңирген сезим. Кечирим - карарып турган дүйнөңдү шамаалдай айдап, сур булутун кетирип, күндүн көзүн көргөзүп, жарык берип, нурун чачкан сезим. Кечирим. Катаңды моюндап, капасың мн беттешип, эркиндикке бет алган сезим. Кечирим кетиргиң келбей, көктүгүң кармап атканда кое бергенди үйрөткөн сезим. Кечирим - Жараткан берген улуу сезим. Көкүрөктө орун алаар замат көңдөй болуп катып турганды жибитип, көркөмүнө чыгарган сулуу сезим. Кечирим алсыздын белгиси эмес. Кечирим - чоңойгондун, улуулуктун, бийиктиктин белгиси. Кечир мени! Катам болсо, айып этсем, көңүлүңдү оорутсам, кечир мени! Жаңылбаган пенде жоктур. Мен да силерди кечирдим. Кое бердим. Ыраазымын. Оо Жараткан, кечиримдүү затсың сен! Пенделериңе ушул улуулугуңду, бийик касиетиңди үйрөт. Ооз учунан эмес, айкөл болуп, көңүл түпкүрүнөн кечиргенди билдир. Пенделериңди кечир! Кекчилдигибизди, текебердигибизди ал! Көңүлүбүздү, көкүрөгүбүздү тазала! #жөнэлеойлор

21.03.2020
Улустун улуу күнү бүгүн! Жер жарылып, чөп чыгып, желин жарылып сүт чыгып, күн менен түн теңелди. Тактыга жаз отурду. Жараткандан ушул улуу күндө баарыбыз ден соолук, жакшылык, тынчтык тилейли. Көңүлдөрдү, ойлорду, көкүрөктү, сөздөрдү түздөп, тазалайлы! Аруулануу мезгили келди! Касиеттерибизди ойготолу. Кыргыз экенибизди эстейли. Ичибизде улуулук жатат. Уйкуда болду бирок. Ойгончу мезгили азыр. Жаңы жылыңыздар менен! Кыргыздын чыныгы жаңы жылы бүгүн!♥

20.03.2020
1. Уникалдуу экениңизди билиңиз. Сиздей башка жок. Кумир тутуп, бирөөнү туурап жашап атсаңыз демек, мандем бар дегендик. Балким сиздин жашоо туурадыр жана эң сонундур. Бирөөнүкүнө суктанып жатканда өзүңүздүкү бекерге өтүп жатканын билиңиз. 2. Өзүңүздү кемчилигиңиз, артыкчылыгыңыз мн кабыл алып, сүйүңүз. Башка бирөөгө жагынуунун кажети жок. 3. Өзүңүзгө жогорку бааны коюңуз. Өзүн баалаган адам эч качан кемсинбейт, дардактап да кетпейт, чөкпөйт, көппөйт дагы. Юир кадыпта жүрөт. Өзүнүн мыкты, бактылуу экенин өзү билет. Башка бирөөгө тастыктоонун, далилдөөнүн кажети жок. 4. Мактанчаактык - пастыгыңыздын белгиси. Башка бирөөнүн көзүндө өзүңүздү бийиктеткиңиз келип жатат. Анткени жан жүйнөңүздө өзүңүзгө берген баа өтө төмөн. Комплексиңиз бар. 5. Наалый берген адатыңыз болсо, жашоодо курмандык болуп жашаган жагат. Наалып атып бирөөнүн энергиясын соргонду жактырасыз. Сиздейден адамдар кача баштайт. Аны билиңиз. Наалуу мн жашооңузду наалыгандай кылып жасап аласыз. 6. Мүнөзүңүз корс болсо, кызыл камчы болсоңуз , бирөөнү сабаганды жактырсаңыз анда да ойлонуңуз. Жүрөгүңүздөгү жараларды айыктырыңыз. Коркок, назик адам коргонуш үчүн балким тишин көргөзүп жаткандыр. Өзүнө берген баасы төмөн үчүн башканы төмөн түшүргүсү келип аткандыр. 7. Эмоцияны жашырбоо уят эмес. Сүйүп жатсаңыз, ачык эле билгизиңиз. Сүйүү анткени сонун сезим. Ыйлагыңыз келип атса, ыйлап алыңыз. 8. Кур намыстан арылуу кажет. Кекирейүү, менменсүү жакшы сезим эмес. Жөнөкөй жүрүү, жөнөкөй унаа айдоо уят эмес. Бирөөнүкүн урдоо, жаман жол мн акча табуу - уят. Эл көзүнө "крутой" көрүнүп, ары жагыңда ыштаныңыз жыртык болсо, кандай кордук?! Андан көрө эл көзүнө жупуну болуңуз бирок курсагыңыз ток, кийимиңиз бүтүн болгону дурус. 9. Бирөөнүн оюн ээрчибеңиз. Ээрчиме болбоңуз. Бир жолду тандаардан мурун көп жолго көз салып, окуп, сурап, салыштырып көрүңүз. Чечимди жүрөгүңүз мн жасаңыз. 10. Билим алыңыз. Бир жааттуу болбосун. Ар тармакты тытып көрүңүз. Акыл калчаңыз. Ар кимдин оюн сыйлаңыз. Өзүңүздүн оюңузда да бекем болуңуз. #жөнэлеойлор