12.01.2020
Сүйгөнгө, жашаганга башка дагы жашообуз болчудай, бул жашообузда жөн эле репетиция кылып, көп нерсени эртеңкиге калтырып, түйшүк оронүп, түмөн ойдун түбүндө жашайбыз ээ? Биз кыргыздар материалдык байлык чогултуп, эл көзүнө бардар көрүнүш үчүн чабалап атып эле өлүп калат экенбиз. Сырткы дүйнө үчүн болгон күчүбүздү, көңүлүбүздү коротобуз. Ички дүйнө бопбош, кедей бойдон өтөт экен. Жыл сайын план түзүп жашаган жаным былтыр өзүмдү шар аккан жашоонун шарданына ыргытып жибергем. Тагдырым, жашоом, эртеңимдин ээси Жаратканым болсун дедим. Быйыл дагы план түзгөн жокмун. Өлүмдүн алдында турганда көзүмдү жумуп баратып, элесимде сонун ырахаттуу күндөрүм калсын. Ар бир күнүмдү акыркы күндөй, даамын татып, көкүрөк толо моокум кангыча ырахаттанып жашагым бар. Кейип, тытынып, там салып, бирөө үчүн жашап жүрүп өткүм жок. Аркы дүйнөгө акылыңа сыйган каткырык, шаң, жыргал, боорукерлик, мээрим толгон элестер мн кетсең, сонун эмеспи ээ? Ошон үчүн планда өзүмдү тарбиялоо, ден соолук чыңдоо, элге жакшылык жасоо, саякаттоо, өзүмө жаңы эмоцияларды тартуулоо, дегеним велосипед тепкенди, лыжа, коньки тепкенди үйрөнүү, парапланда, желим шар мн учуу, парашюттан секирүү, китеп окуу, жакшы адамдарды курчоо, улуулук тууралуу маектешүү, жашоону, өзүмдү, бирөөнү сүйүү, кечире билүү, кечирүү, көңүлүмдү, жан дүйнөмдү тазалоо, жакшы көргөн ишимди ырахаттанып жасоо, көбүрөөк каткыруу, ар бир мүнөтүмө шүгүр кылуу, Жаратканга дагы жакындоо, спорт менен машыгуу, керексиз ойду, сананы токтотуу, жакындарым менен көбүрөөк чогуу болуу сындуу нерселер бар. Жазып атып, өзүмө өзүм шыктанып, суктанып, тамшанып кеттим да, чиркиндики! Руханий байлык болсун. Материалдык өзү эле алдыңа тоголонуп келет. Жөнөкөйлүк менен адамгерчиликтен айтса экен Кудай. #жөнэлеойлор

10.02.2020
Биринчи класстын босогосун аттаган балам, - "Бул эмне болгон СССР? Жаңыча көз караш, жаңы методика жокпу? "Түз отур", "Баспа" "Турба"деген кысымдар жаккан жок. Мен кааласам, жатып алып окугум келет!"деп келген. Уулумду эрежеге тыгыш үчүн аябай эле кыйнаптырмын! Алгачкы мугалими аябай ката жазат экен. Көрүп алып атасы экөөбүз шок болуп, завучка кирсек, - Кабатырланбаңыз, биз диктант жазып атабыз!" дегенде билим жааты кайсы деңгээлде экенин түшүнгөнбүз. Күнү - түнү аз айлыкка албетте эч ким иштегиси келбейт. Билимдүүнүн баары качып кеткен анткени. Мектептен мектеп котордук. Көңүлгө сыйган эч нерсе жок. Өткөндө бир коуч, тренер мырза мн сүйлөшүп калдык. Ал жалаң чет өлкөдө окуп, жашап жүргөн кыргыз жараны. Балдарын мектептен чыгарып алып, баласынын таланты оогон, көңүлү келген курстарда окутат экен. Мектеп, университеттин кажети канча деди? Ойлонсом, аттестатым менен дипломумдун деле жардамы тийбептир. 15 жыл сахнадамын. Бирөө да сурабаптыр. 5 жыл Университетте окуп, тил үйрөндүм. Аны курска барып, окуп койсом болот беле? Алып баруучулук, журналистика, актердук жааттын окуусун бүтүргөн жокмун, бирок токочумду талантымдын арты мн таап деп атам. "Балаңыз окубайт. Балаңызды текшертип көрүңүз. Өөрчүсү артта калган окшойт" деп бир эмес үч мугалим айтты. Сабагынын баары "2". Айлам кетип эларалык психологиялык борборго алып бардым. Атайы куралдары, тесттери бар экен. Тесттен өттү. Мээси өөрчүбөй жатат окшойт дегендерди таң калтырып İQ су бийик чыкты. Башкача айтканда өтө эле ашып кетиптир. Үйдөн химия, физика темасын, Эйнштейнди сүйлөйт болбосо. Менин мээм жетпеген суроолорду берет. "Програмирование, робототехниканы эле үйрөт. Убактым текке кетип атат сабактар мн . Заман, технология өзгөрүп, өөрчүп атса, калем мн кагазга жазганды үйрөтүп атасыңар! "дейт балам. Чын да! Кымбат мектепке котордум. Жыйынтык баягы эле. Баягы өзгөрбөгөн баалар. Заманга ылайык мен муну кантип тарбиялап, кантип окутуп, кантип киши кылам ошондо? Өзү каалаган кружокторго алып барамбы? Программированиеге жол ачып беремби? Жумасына эки жолу баруу жетишсиз бп атат. Эмне кылам? Мектеп, окуу системасы жакпай жатат. Чынын айтайын. Бир нерсе өзгөртүш кк болуп атат. #жөнэлеойло

08.02.2020
Эркелегим келааатат! Түнкү бирде көрүнгөндүн башын айтып... "Абересиң!" депчиии)))))) Обу жок таарынып..ары карап жатып алып. Оозду бултуйтуп, көздү аңтарып!))) Ыйлактап. Сөөмөй мн асмандын башын көрсөтүп. Болбосо, эмне сурап атканыңды деле өзүң билбейсиң да!)))))) Айласын кетирип..бушайман кылып. Беймазага салып. Чалкаман кетип. Чакатып аны... чарчатып... дейииииин десем эле эч ким жок. Кашайып! Балам бышылдап уктап атат. Жаздыгымды ары - бери көтөрүп чаап, жатып калдым. Бейпил түн, жарыктыктар!)))

12.10.2019
Сахнанын арты баарыңарга кызык болсо керек. Анда тааныштырам!

14.01.2020
Менден мынчалык баласаак эне чыгат деп ким ойлоптур? Бир тууганы жок жалгыз өскөнүмдөнбү, өзүмчүл болдум. Чочун бала - бакыра келип, оюнчугума тие турган болсо, акырын апасына көргөзбөй, чымчып алар элем. Айылга таятамдыкына барганда күзгүдөй зимилдете жыйнап койгон үйүмдү тайкемдин балдары чаң буттары мн тебелеп кеткендегини элестете бер! Ортого арачалап энем менен таятам түшөөр эле. Менден коркуп, ылдыйкы үйгө эч ким келбей калчу. Ыйлап аткан баласын "Назира келе жатат!" деп коркутушат. "Төрөгөндө көрөбүз!" дешчү. Азыр тим эле чаң жугузбай, уулумдун үстүндө үлпүлдөйм. Өзүм ачка калсам, мейли, уулум тойсун мыйзамы бар. "Өтө эле үйрүлүп түшкөн болбойт" дегенди көп окудум, көп уктум. Тизгиндейин өзүмдү деп чечтим акыркы убакта. "Материнский пут" сөзүн көп эле укчумун. Маани бербептирмин, же бергим келген жок. Айрым энелер сүйүүсү менен балдарын думуктуруп өлтүрүп алган учур болот экен. Эненин өтө эле ашыкча мээрими, сүйүүсү баланын бутуна жип болуп байланып, жашоодо арыш жасашына тоскоолдук кылат тура. "Балага ишеним көргөз. Кое бер. Жаратканга тапшырсаң, баары сонун болот!"деди бир жакшы киши. Апалар балага сарсанаа болуп, балекет ойлорду элестеткен сайын ошонун баарын тартып келе берет экен баласынын турмушуна. Коркуу күчтүү сезим болгондуктан корккондуңдун баары чындыкка айланат. Мен үйрүлгөн сайын алсыз, көлөкөдө өскөн какымдай эле үлбүрөп баратат. Кое бергенди, Жаратканга тапшырганды үйрөнүп баштадым. Эки алса деле, "Балам, эмне болуп атат. Эмне көйгөйүң бар?"-дейм көзүн карап. Ал да камырабай, - Ой, Эйнштейн деле экиге окуган !"дейт. А. Некрасовдун "Материнский пут" китебин окуй баштадым. "Баардык жаныбарлар балдарын чоңойтоору менен уядан учурганга аракет кылат. Жалгыз эле адам баласы уядан учурбай, жанына алып калганга аракет кылат!"дейт. Туура да. "Мени бак. Мен сени чоңойтком. Сен мага карызсың!" деп эле минип алабыз. Алардын сезими мн эсептешкен аз. Баламды думуктурбай, эркиндик берейинчи. Балким мен берген эркиндиктен бийик учуп, шаңшып, тыңып кететтир. #жөнэлеойлор

03.10.2019
Бөйрөктү таянба деди эле энем. Энем айткан канча сөз кулак сыртынан өттү. Канчасы канга сиңди, кулакка күмүш сырга болуп илинди, канчоосу Балыкчынын шамалы менен ойноп кетти. Уңгусу турат бирок. Кагылып калган казыктай, өзөктө жатат. Кеп энем жөнүндө деле эмес. Кеп чаржайыт болгон ойлорумда, өзүмдө. Шаркырап аккан шаардын шарданына агып кетип эле өзүмдү, өзөгүмдү таппай калган өзүмдө. Буркан - шаркан түшүп баратып, өзүңө келсең, өзүңдөн качан эле алыыыс чыгып, алапайыңды таппай бараткан болосуң. Тык токтоп, " Мен киммин?", " Кайда баратам?", " Максатым эмне?", " Жашоодон эмне каалап турам? " десең эле жообу жок боштук чыга келет. Аңырайган боштук. Жандалбастап артыма кылчаям. Жок дегенде калтырып жаткан изимден бараткан жолумдун уучугун табаттырмын дейм. Кыйратып эле жаткансыйм. Бутум бутума тийбей, безеленем . Териштире, сүрүштүрө келгенде эле эптеп - септеп, элдир - селдир бир дөңгөлөктү сүйрөп, өлбө жаным өлбөнүн аргасы менен жүрүп жаткандайсың. Колго илешкен, көкүрөк керип, купулуң толуп, сыймыктана " Ушуну мен кыйраттым!" деп кыйкырайын десең эле таш балекет жок. Мен бул дүйнөдөн көчүп кеткенде менден жакшылык калыш керек. Өзүмө эле жарык тийсин эмес бүтүндөй адам баласына тийсин. Жөөөн эле элдир - селдир көптүн бири болуп, боз топуракка көмүлгүм жок. Ошол улуулуктун, ошол чоң жарыктын учун издеп жүрөм. Аны тапмайын көкүрөккө эмне орнотсоң да каңгырап, бош калгансыйт... #жөнэлеойлор

14.11.2019
Оңой эмес турмуш. Бириңди бириң түздөп, сүйрөп, айрым жерде белиң бекчейгиче көтөрүп алып жөнөйсүң. Ысыганды суутуп, сууганды ысытып, кыйшайганды түздөп жашайсың. Мүнөзүңдү оңдоп, жаныңдагы ыңгай алыш үчүн жакшы көргөн нерселериңден, ал тургай өзүңдөн да баш тартасың. Кыялдарыңды садага чабасың эгер кыялың жаныңдагыга тоскоол болуп атса. Оңой эмес бири бириңе баш ийип, көөп турган өпкөнү кысып, кайнап турган канды токтотуп, үнүң өктөм чыкса, басаңдатып, бутуңдун учу мн жүрүп калуу! Жаныңдагы кенен дем алсын, кенен жүрсүн, кенен болсун мыйзамы алдыда болот анткени! Сүйүү келгенде жүрөккө өзүң жана сенин каалоо көз жаздымда калып калат. Ал үчүн дем алып, анын ууртундагы жылмайуу, көзүндөгү бакыттын учкуну үчүн жашайсың! Башыңды түгүл, бараткан жолуңду кошо жоготуп. Кийин ойгонсоң эле тамтаңдап башка жолдо бараткан болосуң. Бул жетилбеген сүйүү. Жетилгени маңдайдагы адам эч качан өзүңдөн жана сен сүйгөн нерселерден баш тартууга уруксаат бербейт! Колдойт. Дагы бийик учушуңа көмөк болот, оордугун салбайт! Сен кысынып жашап атканда кенен кесир жүрбөйт. Сенин ыңгайың да маанилүү болот анткени. Садага чабылышыңа жол бербейт. Өзүн да садага чаппайт! Жетилген адамдарда ызы - чуу, ары тур - бери тур жокко эсе! Жарым сөздөн түшүнөт анткени! Ашмалтайлыкка жеткирбейт! Мамиле түзүүнүн жолун билет! Ошон үчүн өзгөнү бактылуу кылам деп көкүрөк чабаардан мурун өзүм бактылуу боло алдымбы де! Өзгөнүн жолун табам дээрден мурун өзүңдүн бараткан жолуңа көз чаптыр! Жоопкерчилик алаардан мурун жоопкерчиликтүү бол! Турмуш сага оюнчук бекен?! #жөнэлеойлор

06.10.2019
Көзүмдү карабай эле жер карайт байке. "Жер карап сүйлөгөндү жаман көрөм,- дедим. Жанындагы ага ,- Ал көзүн сактап атат. Көзүбүздү сактаганыбыздын себеби, көрүнгөнгө сук арта берсек, үйдөгү жубайыбызга эмнебиз калат? Жубайыңа ысык болуш үчүн энергияңды көрүнгөнгө коротпош керек,- деди. Мага кызыктуу угулду. Ал тургай жакты! Өзүнчө эле романтика! Анткени ага чейин интернет булактардан окуган маалымат эске "кылт" этти. Уят фильм көп көрүп, сырттагы эти көрүнгөн кыздарды көрө берген көздүн дүүлүгүшү кыйын болот экен дагы, сезими мокоп, эрте эле алдан күчтөн тайыйт экен. Аял канча кымтынып жүрсө, тескерисинче кызыктуураак көрүнөт тура. Жабылуу кутучаны кызыгып ачкысы келген сыңары. Бутунун томугуна ашык болуп калган чыгармаларда бар го. Африкада жылаңач жүргөн урууларда көзү жылаңач денеге ушунча көнүп калып, желкесиндеги чачы адамды дүүлүктүрөт экен. "Уят", "харам", "күнах", "болбойт", "уят болот" дебей эле илимий тилде түшүндүрүлмөсү элге жетсе, жакшынакай эле жүрүшмөк. Анкени канчалык басым жасалган сайын ошончолук тетири тебилет. Пружинаны баса берчи...физикада бар да бул мыйзам. Баса, төшөктө партнеру көп болсо, ал эркектердин гени кала берет экен аялда. Кийин сүйгөнүңөргө оппокшош, сүйгөнүңөрдөй кыйын тукум төрөп берээрде мурунку өнөктөштөрүңөрдүн жиндидей гени, мүнөзү чыгып калса, таң калбагыла. Ошон үчүн энесинен бөлөк өбө элек кыз керек деп тазалыкты баалашчу тура илгери. Бул таза тукум үчүн керек экен. Ошол. Ошону эле айтып коеюн дегем. Жылаңачтангым келбей калды негедир...))) Илимий түшүндүрмөсүн жайылтса эле элдин баары туура жүрмөк. Анан тамталаңдап каяктагыны айтпай! #жөнэлеойлор

17.11.2019
Баласаак бала көрдүңөр беле? Баламдын кичинекейинде бешигине илип койгон түстүү пилдери бар эле. Эс кирип өз алдынча басып, тили чыгып калганда аларга "ата" болуп алды. "Тамак бер. Балдарым ачка болду",- дейт. Бакчага баратканда энесине же мага табыштап кетчү. Өткөндө сүйлөшүп отуруп, - Балам, эмнени кыялданасың?- десем, - Үй бүлөмдү! Үч балам болсун. Эки уул, бир кызым. Аялым жайдары, боорукер, жакшы адам болот. Бирок балдарыма эрте жашта телефон карматпайм. Телефондо ар кыл маалымат бар. Туура эмес маалыматка сугарылбасын. Бир аз эс тартканда берем телефонду бирок катуу көзөмөлдөйм,- дейт. Алардын кылык жоруктары, кимге окшош, каякта окуйт баары сүрөттөлгөн. Жакшы аял болот деп боорукер кыздарды карай берет. Мынчалык үй бүлөгө суусаганы таң калдырат. Алар мн саякаттап, мыкты күйөө, мыкты ата болоорун көп айтат. "Ашыкча дөөлөттүн кажети жок! Үй бүлөмдү татыктуу бакканга жетсе болду! " дейт. Балаң - сен тааныбаган жаңы планета, окуй элек китебиң. Сенден чыкканы үчүн кандай мүнөз күтөт, ойлору, кылыктары, чечимдери, өнөрү баары кызык. Микроскобко салып алып аңдыган сыңары, ар бир көз карашын аңдыйсың. Жетишкендери болсо жетине албай кубанасың. Ар бир катасына санаа тартасың. "Балам, балалуу болгон болуп көрбөгөндөй сонун сезим. Аны башка сезим мн салыштыруу мүмкүн эмес". Бул сөздү көп айтам. Аны чыдамсыздык мн жашоомдо күткөнүмдү, ал төрөлгөндөгү сезимдеримди, канчалык мага дем берээрин көп сүрөттөйм. Балким менин сезимдерим да ага дем берип, шыкактап, толукшутуп жатса керек ким билсин? Көп кайталаганым, - Балам, үй бүлөңдүн алдында жоопкречиликтүү бол! Көп адамдын тагдыры, келечеги сенден көз каранды. Айткандарым көкүрөгүнө кыт бп уйуп, башкаларды бактылуу кылганга жараар ... #жөнэлеойлор

16.11.2019
@sira_d.s баракчасына катталып, кийимдерге 10% жеңилдетүү ал! @sira_d.s @sira_d.s Тарткан: @epos_film_official

17.10.2019
Абдан кубандым! Өткөндө бир кыз жолугуп, - Ар бир стаусуңуз дем берет. Оор кырдаалдамын. Сиздин жардамыңыз мн жеңип келе жатам, - деди. Ал ыйлады. Ага кошулуп мен ыйладым. Энелер жазат. "Кызыма чалып койчу. Өлүм мн өмүрдүн ортосунда турат" ,- дешет. "Сенин апаңан да улуу болсом керек. Бирок оюмду өзгөртүп, жашоого башкача караганга жардам бердиң" дегени бар. Түрдүү каттар келет. Калемимди аңдып, чөлгө куйган суудай ар бир жазганымды сиңирип алганы болот. Медиа адамдарында жоопкерчилик кандай чоң?! Эмнени пропагандаласак, эмнени сүйлөсөк, сиңирип турат. Абайлаш керек. Ар бир сөзүңдүн түпкүрүндө тарбиялык маани жатыш кк экен. Бул менин миссиям болсо керек. Кудай мага оозума бекеринен сөз салып, эл адамы кылбаган чыгаар! Мен мындан кийин өзүмдү өстүргөнгө аракет кылам. Өзүмдү ушундай тарбиялайм. Бактылуу болом. Бийиктейм! Менин жакшылыгым жакшылыгыңарга дем болуп атса анда сөзсүз бактылуу болом! Анткени силердин алдыңарда жоопкерчилигим чоң! Жакшы көрөм силерди! Бирөө таарынтып эле көрсүнчү! Артымда колдоп, намысымды талашып, бир армия тураарын билем!

17.10.2019
Мурунку Назира жар тандоодо: Үлпөт көйнөктүн укмушун киймек. Чоң залда укмуш той өткөзмөк. Пафос кылып, эл көзүнө укмуш көрүнгүсү келмек Азыркы Назира: Баары өзүмдүн ыңгайым үчүн. Узун, чоң көйнөк ыңгайсыз. Кичинекей, ыңгайы мн көйнөк. Бирөөнүн иши болбосун. Эң эле жакын көздөр мн скромно белгилеп коюу. Сырттагы адам билүүнүн кажети жок. Мурунку Назира: Жигиттин супсулуусун, элге алып чыкканда уялбаганын, видныйын издеп жүрмөк. Азыркы Жүрөгү сулуу болсун. Элге жакпай эле койсун! Мага жаксын! Мурунку Назира: Иши кылып сүйгөнүм мн кандай кырдаалда болбосун чогуу жашасак. Акчасы жок болсо деле мейли. Өзүм деле иштеп багып алам. Азыркы Назира: Ал түзүп берген менин ыңгайым болсун. Балдарым жылуу шартта жашасын. Эркегим баарын таап келген тың болсун. Акча тууралуу менин башым оорубаш керек. Бир колум майда, бир колум балда жашаганга акым бар. Мурунку Назира жашоодо: Ой, бекер деле иштей берем. Иши кылып жакшы көргөн ишимди жасайын. Азыркы Назира: Бекер оокат бар бекен. Эмгек акым татыктуу төлөнүшү керек. Сенин балаңа тамак керек. Менин балам тамак жебейт бекен? Мурунку Назира: Жардам берип коеюн эчтеке болбойт Азыркы Назира: А мага ким жардам берет. Убакытымды текейге бербейм. Болбосо, төлөнсүн. Мурунку Назира : Тамак тандабайм. Жей берем. Азыркы Назира: Куурулбасын, ден соолукка зын болбосун. Кола эмес суу ичем. Куурулган картөшкө эмес чөп чар жейм. Өзүмдү, ден соолугумду сүйөм. Мурунку Назира: Өзүмдү карайын. Эл эмне дейт. Азыркы Назира: Ыңгайыма жараша кийинем. Сулуулансам дагы өзүм үчүн. Эл мн ишим жок. Алардын дагы иши болбосун мени мн. Мурунку Назира: Быжылдатып эле төрөй берсең. Жок дегенде беш балаң болуш кк Азыркы Назира: Ар бир баланы жоопкерчиликтүү, ойлонуп төрө. Санда эмес кеп сапатта. Ар бир балаң татыктуу, кымбат долбоор. Туура, так, мыкты салым кош. Эптеп септеп эмес татыктуу тарбияла. Коомго татыктуу, мыкты адам кош.... Мурунку Назира: Амбиция күчтүү. Баарына жетишкиси келет. Жулунат. Азыркы Назира: Көңүлүм сүйгөн ишти кылам. Жулунбайм. Ырахат алып жаша. Шашпа. Буйругу болсо, баары болот. (уландысы бар)

26.10.2019
Кош бойдуу кезимде койдун майына талгак болгом. Айылдан таякем, жеңемдер төш салып жиберген экен. Бир төштү жолдошуман кызганып, ыйлап, ага бербей жегеним эсимде. Анан жаш баланын кыялындай мүнөз күтүп каласың го! Бир ыйлагың келет, бир жыргагың келет. Айтор, сага тиешеси жок мүнөздөрүң чыга баштайт. ____________________________________________________ Күнөө менде эмес, күнөө анда эмес, күнөө 1.1 студиодо! 😜 #кошунанытандабайт #сериал #жакында #ктр

25.10.2019
Сен мени издеп тапканда колумду кое бербе, макулбу? Ысып кетсем,  көлөкөңдү бер. Үшүп кетсем, кучагыңда жылыт. Тентектик жайым бар. Асылып айлаңды кетирсем, кашыңды серпип, какпа. Ашыкча эркелеп жиберсем, "Эркетайым" деп саамайыман сыла. Сыртыңды салба, сырыңды төк. Түйдөктөй түпөйүл турса көңүлүңдө жайдары жайгарып алам. Ишен мага. Түндөсү далыңды салба. Үшүйм. Корком. Бооруңа башымды жөлөп уктайын. Саамайыман сылап, жытыма кумарланып жат. Эгизиңдей көр. Ээрчитип ал. Көлөкөңө көлөкөмдү катып басайын. Түнөш үчүн эмес түбөлүккө түтүш үчүн бол. Жашоонун оорун жалгыздайм дебе. Жаныңда жардамын берген мен болом. Мен сага күлгөндү, түпөйүлдү жазганды, жашоону сүйгөндү, жалгыздап эмес жандап басканды үйрөтөм. Жашообуздун соңунда 90 го чыгып, томолонуп калганда  ыраазы болуп бири бирибизге, сүйүү оролгон өмүрүбүзгө алкыш айтып, ээрчишип, эрмектешип, Жараткандын жанына кетебиз. Жалгыз кетем дебе. Жалгыз кетирбе. Көрдүңбү, кызыктуу жашообуз бар. Сен мени күттүрбөй кел, макулбу? _____________________________________________________ Сүрөт @nurtazimphoto тарабынан тартылды. Ыраазычылык билдирем.

25.10.2019
Өзөчө, болуп көрбөгөндөй жапжаңы сценарий мн өткөрүлгөн той. @kiyizduino уюштурду. Адатта тойдон качам бирок бул той эргүү тартуулады. Анткени кыргыз жыттанып, каада - салт мн, театрлаштррылып өттү.

08.12.2019
Тарыхка үңүлсөк, атагы таш жарып, алыска чыгып бара жатканды тынчыткан жагынан алдыда экенбиз. Улуу баатырлардын ар биринин жашоосун карап чыгыңыз, Манас атабызды да өзөктөн чыккан өрт, өздөн чыккан жат жайлаптыр, Жусуп Абдрахман сындуу лидерлерди, Насридин Исанов, кечээки эле алдыда келе жаткан саясатчылардын буйрутма өлүмдөрү ж.б. өзүбүздү өзүбүз эле тыптыйпыл кылып келе жатабыз. Эмне деген бут тосууларды, интригаларды окуйсуң. Анын баары тарыхта жазылуу. Азыр деле уланып жатат. Арууркап, тазарып кеткен жерибиз жок. Чалып, төпөштөп, чукуп, сасып...деги койчу алмустактан кан мн келе жатканды тазалаш оңой дейсиңби? Тың чыкмаларды тыптыйпыл кылып жатып, тың чычмалар калды. Кир когубуз мн аралашып, жатып алып эмнеге бүгүнкү күндөбүз деп күңгүрөнөбүз? Кайсы күндү көрөлү дедик эле? Эмнени эктик ошо чыкты. Бүгүнкү иш аракет эртеңки күндү түзөт. Азыркы ой - эртеңки тагдырың. Ичибизде таруу айланбай турса, ишибизде ийгилик болбойт. Мыктыны мыкты дей алган улуу сапат болсун. Ар бир сезимди, ойду көзөмөлгө ал. Көөдөнүңдү ирите турган сезим байкап кылсаң, дароо жок кыл. Ар ким өзүн тазаласын. Өздүгү мн иштесин. Өздүк дүйнөңдү ирээтке келтиргенде гана, сырткы дүйнө иреттелет! Ичибизде үшкүрсөң жаңырык чыгып, бопбош болуп турган абалда, сырткы боштукту толтуруу кыйын. Жан дүйнөң жанчылып атканда, бар дүйнөң жок болот. Руханий төңкөрүш керек саясыйдан мурун! #жөнэлеойлор