21.11.2019
Жашоомдо көп жакшы кыз көрдүм. Кудум эле энем сүрөттөгөн зымга тарткандай зымырайган кыздар. Ушунчалык ыймандуу, дүйнөсү таза, баеоо кыздар. Энесинен бөлөгү жыттай элек! Бирок жалгыз! Эркек мн ээрчишип көрбөгөн немелер! Жашы 30 га таяп калганы, отуздан өтүп калганы да бар. Жалгыздыктын себеби: ылайыктуу мырза жок . Ылайыктуу мырзаларды ылайыксыз кыздар түнкү клубдан кийин ээрчитип кетип, мурдуна чүлүк салып алышкан. Берки мен тааныган кыздар үй - жумуш маршрутунан сырткары чыкпайт. Кафе, клуб, эс алуучу жайлардан издесең таппайсың. Кээде тамашалап, кыйшактап койгула да анча - мынча деп калам. Дегеним мн дээринде кыйшактагандык жок болсо, кантмек эле? Жеңил - желпи жүргөн, ачык айрымдар, кашты серпигенди билгендер, "тажрыйбалуулардын" товары бат өтөт экен байкашымча. Шыңкылдап, шылкылдап атып эле имерип алышат. Эркектерге төшөгү таттулар, өңдүү - түстүүлөр маанилүү окшойт деп калдым. Ыя, не дедиңер? Калп эле жан дүйнөдөн кеп кыла бересиңер го, негизи)))))) #жөнэлеойлор

20.11.2019
Аялдын да түрдүүсү, түстүүсү, таттуусу, ачуусу болот. Айрым аялдар эркекти анын жөн эле жашоодо бар болгону үчүн сүйөт. Ал арыкпы - торукпу, узунбу - кыскабы, байбы - кедейби маанилүү эмес. Анын жандында тынчтык табат. Ал байпагын башына кийип атса деле сүйкүмдүү көрүнүп, ичи эзилип, ысып турат. Андай аялдар баеоо келет. Жашоого күлгүн көз айнек мн карагандар ушулар. Жакшы сүйлөгөндүн баарына ишенип, кулак куюлуп эле тушуп калат. Адатта алар романтиктер. Көчөдөн какым үзүп берсең деле бүт дүйнөнү алып бергендей чоңойтуп көрөт. Жашоого реалдуу караган аялдар бар. Аларга жомок не канает! Бүгүн, азыр кылсаң, кылып кал! Кылбасаң, жолтоо болбой жогол. Мындай аялдын тиби мырзалардын өзүн эмес, алардын түзүп берген шартын сүйөт. Ал берген кучак толо гүл, унаа, батир, баскан - турганына акча...материалдык баалуулукту баалаган кишиге мындай шарт майдай жакпайбы?! Алдыңкы планга шарты анан кийин өзү чыгат. Кокус, ал адам банкротко учурап, шарты жок боло баштаса, башы оорбубай эле таштап кетет. Жүрөгү ооруп кыйналып, романтик аялдардардай бырылдап жылдар бою ыйлабайт. Бат эле башка шарты мыкты эркектерге аңчылык издеп жөнөйт. Биринчи типтен экинчи типке өтүп кеткендер бар. Экинчи типте жүрүп, баарынан тажап, биринчи типке киргени бар. Туубаса, биринчи тип болуп, өмүр бою романтик бойдон калганы же өмүр бою реалист болгону бар. Ар кимдин өз тандоосу! #жөнэлеойлор

20.11.2019
Ар бир жазган постум, кеңешим, өзүм акылдуу болуп кетип анан акыл үйрөтүш үчүн жазылбайт! Назиранын Назирага болгон каты! Аңдасын, көрсүн, баамдасын деген тилек. Өзүңдү өзүң үйрөтүп, өзүңдү өзүң жасап, өзүңдү өзүң өстүрүп жүрүп отурасың! Ар бир жан дүйнөмдүн чыңырыгы, жандалбастаганы, жан урганы жазылат. Оозуңдан чыккан ар бир сөз дайым эле акылыңдын түбүнө жата калбайт. Мыкты кагыш үчүн бир нече жолу балка мн урган сыңары, кайталай - кайталай мээге киргизебиз! Сөздөрүмдөн өзүңөрдү таап, өзүмө айткан акылдан кеңеш таап атсаңыз, бактылуумун! Бул сүрөттөгү өзүмө болгон кеңеш: 1. Ар дайым өз жашооңдун кожоюну, ханышасы, ээси бол! 2. Кандай гана таажы кийбе, жупуну, жөнөкөй бол. Кейкеңдесең, башыңдагы таажыңдын кантип ыргып түшкөнүн байкабай каласың! #жөнэлеойлор

19.11.2019
Суйкайып, сулууланып, түрлөнүп түркүн көйнөк кийип, көгүчкөндөй кулпуруп, койкоктоп кыз боло элегиме көөөөп болду. Ыңгай анан жылуулук сулуулукту көмүп кетти. Өзүмдү карап, өзүмө көңүл бөлүп, өзүм үчүн жашабай жатамбы же алар мага кызыксыз болуп калдыбы? Кызыксыз болуп калса эмнеге? Жашоого оюм өзгөргөн үчүнбү же жеке жашоо тынч болгону үчүнбү? Шиш таканы көрөйүн деген көзүм желкеде. Шакек, сөйкө тагынбай калганыма да көп болду. Көйнөк кийгенден качам. Ыңгайлуу шым, чокой, иши кылса жылуу жемпир. Калганы мн баш оорубайт. Түрлөнүп турган кесиптештеримди карап суктанып коем. Съемкага барып келем. Үйдө жаткан жагып, ашыкча кымгуут ызы - чуудан качып, жалгыздыкты эрмектейм. Убакыт өткөн сайып сүйлөгөндөн да эринген, бар - жогу билинбей, көпчүлүктөн качкан, көрүнгүсү келбей, жашынган башка эле Назира чыгып келе жатат. Кечээ отуруп алып, сулуу кыз болгум келди. Жалаң кемпир, аял, үй кожойке, боюнда бар аялдарды аткарып жатам. Алардын сулууланбай, ыңгайлуу кйингени, жасалмалуулугу жок болгону жагат. Жакшы эле көрүнүп атамбы деп башың катпайт. Түрүңдү келиштирип алып аткара бересиң. "Өзүңдү сүй" дү эң көп мен кыйкырам. Эмнеге анда сүйбөй атам? Же тескерисинче өзүмдү сүйүп, эл эмне дейт мн ишим жок, ыңгайым, жылуулук, ден соолук алдыга чыгып кеткендир....жаңы Назира ортого чыкты, айтор. Сулуу кызга айланып коюш кк эле...

01.11.2019
Жакшы жаңылык! Режиссер @suiun_otkeev ден сонун жаңылык! Жапжаңы кино долбоор менен экраныңызга чыгабыз! Сонун комедия келе жатат! Бүгүн @streetmoda_kg бутигинде костюм тандоо иши башталды! Кинодогу кийимдерибиз жакса, ушул бутиктен издеңиздер! @streetmoda_kg

19.11.2019
Кыялдын кемесин минүү керемет! Таттуусунан тандап алып, талпынтып бийииик учуруп, көкүрөгүңө кубанычты байлап, көңүлүң ырга бөлөнүп, ууртуңа жылмайуу бүткөн сонун! Сыртта түн туруп, кыштын ызгаары кылычын көтөрүп алып, кар - борошон сес көрсөтүп жатса дагы ичиңдеги жылуулук, ичиңдеги аруулук, ичиңдеги татуу кыял көзүңдү жамандыктан коруп таңып, кулагыңа кебез болот. Жакшылыкты тыңдап, жалбырттап күйүп учкун жүрөгүңөн жүлүнүңө чуркайт ! Жараткан кыйналып, кысталган учуруңда колдон деп берген эң чоң коргоонуч, калкан - үмүт, кыял, ишеним болсо керек. Түркөйлөр түртмөлөп, колуңдагы ыйыгыңды жерге чачып, кирге чылап, караңгылыкта карайласын дешет! Ишен! Көкүрөгүңдөгү аруулукту чоңойт! Жакшылыкка багыт ал! Үмүттүн илебин чоңойт! Тик тур. Бүк түшпө. Түңүлбө. Түбөлүгүн түз болсо, түйшөлгөндөн пайда жок...Жылмай, жаша! #жөнэлеойлор

30.01.2020
Таенем айтты эле. "Кыйшактап көрүнгөндүн жүрөгүн ушалабай жөн жүр!" деп. Ал сөздүн мааниси терең үңүлө келсең. "Эркектин да жүрөгү назик болот. Үмүт бергиң келген адамга гана уруксаат бер. Жөнү жок жүрөгү мн ойноп, таштап кетпе. Убалы болот!" дегендик. Эмнегедир эркектердин жүрөгү таш. Сезими жок. Аялдан аял алмаштыра берет деген стереотип бекип калган. Бирок башыма жүн чыкканы эркектин чөйрөсүндө жүрө берип алардын азап чеккенин, көзүнүн тамчысын көрдүм. Биздей эле куурайт, сагынат, жол карайт, ооруйт. Сенден эмне каалап атканын тыңша тек гана. Эмне каалап атканын өзү эле мамилеси, аракети мн эле көргөзүп коет. "С" темасында эле сүйлөп, кармалап - сармалай берсе, өбүшүүгө ашыгып, ач карышкыр козуга көз салгандай караса, сенин жеке көйгөйүң, ичиңдеги жан дүйнөң, маанайың кызыктырбаса, демек, жөн эле убактылуу көңүл ачып тарап кетели дегендик. Сүйгөн адам жаныңда титиреп турат. Денеңе тиймек түгүл көзүңдү тике караштан айбыгат. Сенин кирпигиңдеги ар бир аба ырайына тынчсызданат. Жолугушуудан качуу үчүн эмес, жолгушууга шашуу үчүн миң шылтоо издейт. Сага маанилүү даталарды дайым эстеп жүрөт. Көңүлүңдү көтөрүү үчүн миң чаба издейт. Ууртуңа бүткөн бир жылмаюу үчүн дүйнөнү томкорот. Андан келген толкун сени кошо толкутуп өтөт. Ошону кантип көрбөй коюуга мүмкүн? Сени көзү менен чечинтип, жатып, кайра кийгизип койгон көз өзү эле көрүнүп турбайбы! Сокур эле көрбөй калбаса! Ошону көрбөй, сезбей, сүйүү мн алмаштырып алыптырмын деген болбогон кеп! Өзүң кошо каалап, эртең ал басып кеткенде ага шылтоону үйүштүн бир жолу. Андан келген таза сүйүү байкабасаң, же ага үмүт бергиң келбесе, өзүң сүйбөсөң, колуңду карматпа. Ачык айт. Чечишип ал. Көңүлчөөктүн көчүгү кургабайт болбо. Ал ысык ымала өрттөп аткан ашыктыктан гана пайда болуп, балкытышы керек. #жөнэлеойлор

01.11.2019
@koshuna_tv урааа! Сериалыбыз КТР де, 2 - ноябрда, эртең, ишемби күнү, саат 20.20 да болот! Көрүп коюңуздар! @1.1studio

18.11.2019
Элдин сага болгон мамилеси өзүңө берген баадан көз каранды экендигине дагы бир ирет ынандым. Көп эле жолу көрсөткөн аны турмуш. Отко айдаса, бокко качкан кээкерлигибиз, кежирдигибиз бар эмеспи. Айла жок ар тарабыңан чыгып, акылыңа киргизмейин айландырып кайра эле алдыңа салып берет аалам. Аңырайыыып анан түштөн кийин "Аа. Эчак эле айтпайт белең?!" дейбиз го. Өзүңдү канчалык бийик бааласаң, сыйласаң, өзгөлөр кадимкидей акыл алдында сезип, туюп турат. Ошондой сый мамиле кылат экен. Өзүңдү төмөн жерге теңесең, тебелейт. Муну баарыбыз эле билебиз. Бирок аңдабайбыз. Биз аңдабаган бирок аалам акылыңа киргизе албай убара болгон канча сыр жатат?! Өзүбүздүн күчүбүзгө ишенбейбиз! Өзгөлөр дайым бийик биз үчүн. Башкаларга суктанабыз. Алар эле укмуш болуп аткандай сезим. Ылдый жакта туруп алып кежегең ооруп калгыча өйдө жакты теше тиктеп, башкалардын жашоосуна кызыгып жүрүп, кызыктуу жашооң өтүп баратат... #жөнэлеойлор

08.01.2020
"Кыргыз радиосу" тынымсыз сүйлөйт үйдө. Үйүбүз тыкан жыйылып, арча түтөп турчу дайым. Чоң энем таза киши эле. Кобуранып калыңдатып салып алган жер төшөгүндө жүн тытып, жип ийрип отурат. Маасысы укмуш сонун жыттанып атканысып, чап кенедей жабышып жатып алам. Сербейген чачым ийикке кирип кетип, чаңырып жатып калам. "Капырай, анан жабышпай ары жатпайсыңбы! "деп тилдейт энем. Заматта чукчуңдаша кетебиз да кайра радиого үңүлөбүз. Укмуш сонун чыгармалар, спектакльдер, жомоктор окулат. Көп адатымды, кыялымды, мүнөзүмдү тарбиялап, көкүрөккө уюгандын көбү дал ошолор чыгармалардан келдиби бейм? Эмнегедир байларды жек көрүп өстүм. Бай адам десе эле эл душманындай тикчийип жаман карап, ичимен жек көрүп калат элем. Отуз жашыма келип алып, байларга, акчага болгон жек көрүүм кайдан болду экен деп көпкө ойлонуп отуруп, илгерки бай - кедейге бөлүнгөн жомоктордон калыптанып калды го деген ойго кептелдим. Эмнегедир кедейлер уяттуу, акылдуу, тартиптүү сүрөттөлөт дагы байлар түрү суук, челектей курсактуу, адамгерчилиги жок, көзүн май баскан, адилетсиз, ууру катары айтылат. Ошол элес мээге бекем отуруп алып, университетти бүткөн кезде акчалуу жигиттерди чанып, акчасы жок, бирок акылдуулар укмуш каарман көрүнүп туруп алды. Отузга чамалап калганымда гана акчанын маанисин, ал жок болсо, балаң ачка, үстүңдө үйүң жок көчөдө калаарыңды билдим да ага болгон мамилемди түздөй баштадым. Мурун жинди кишидей эле бекер иштеп жүрө бериптирмин. Эмгегиңди баалаганды да билиш кк экен көрсө. Колунда бар досторумдун жомоктогудай көөп, жер баспай, асмандаганын деле байкаган жокмун. Тескерисинче кайрымдуулук өткөрүп, ак эмгеги мн күнү - түнү иштеп, маңдай терин иреттүү чогултуп, аларды туура каржылаганды билишерин көрдүм. Кызыгы, өмүр бою бардар жерде чоңойгондой, көкүрөгүм ток болду. Азыр эмгекчил адамдын акчасы болооруна көзүм жеткен соң, аларга болгон сыйым ойгонду. Акча бул - энергия. Туура колдонуп, ордун билсең, колуңа түшө баштаганда телтектеп көөп кетпесең эле баары дурус болчудай. #жөнэлеойлор P.s. Бул жакынкы арада чыга турчу "КыялКЭШтер" фильмибиздин чакыруу билети. 16 - январдан тарта баардык кинотеатрдан көрүңүздөр!

29.10.2019
Аялдардын жан дүйнөсү мн тааныштырууну улантам. Бизди кулагы мн сүйөт дешет. Ошол чын! Кыз киши жылуу сөз уккандачы дароо эле кулак аркылуу кирип, жүрөккө барып тийет. Сөзүңөр "Сагындым", "Сүйөм", "Көргүм келип жатат", "Жытың сонун" ж.б.у.с жылуу сөздөрдү камтыганда ичибиздеги көпөлөктөр ойгонуп, мээдеги жана кандагы серотониндер, эндорфиндер ойгонуп, көз тунарып, жүрөктүн согушу ылдамданып, дене козголуп, көз коюлай түшөт. Бул ыкманы "бабниктер" жакшы билгени үчүн көп колдонот. Тилдин учунан гана сүйлөп, жан дүйнөсү аркылуу денесине кирүүгө аракет кылат. Эркектердин "бабник" сортунда жан дүйнө башкы максат эмес. Дене кумары - башкы максат. Мага окшош "карышкыр " келиндер жылуу сөз тилдин учунан же аркы көкүрөктөн чыгып атканын дароо аңдайт. Фальш ноталар кулакка тээп баштайт. Жаш, эч нерсени көрө элек кыздар андай "самопал" сөзгө тамтаңдап "мас " болуп калып, далай алданышат. Жан дүйнөдөн чыкканда гана жан дүйнөдөн орун алаарын эркегиң да, аялың билип алгыла. "Однолюб" деген да эркектин сорту болот. Көрүнгөн көйнөктү карап, көңүлү көрүнгөн жакта жүрбөйт андайдын. Көңүлүндө өмүр бою бирөө гана түнөйт. Менин оюмча "бабниктер" энесинин сүйүүсүн жетишээрлик деңгээлде ала албай калып, көрүнгөн аялдан сүйүү, жылуулук, мээрим издей бергендер жана өзүн сүйө албагандар. Өзүндө жок сүйүүнү башкага бере албай, кыйналгандар. Толук кандуу жетилген адам жетилген сүйүү мн сүйүп, өзүн да өңгөсүн да бактылуу кыла алгандар. Кыздардан деле көптү сүйгөндөр болот. Өзүн таппай, өзүнө эмне керек экенин билбей, кыйналып жүргөндөр болушу ыктымал. Өз адамын тапкан адам өзгөгө жабык болот. Көздөрү дале ойноп турса, жанындагы жары убактылуу дегенди билдирет. Ошооо. Иттей тажрыйбалуу өңдөнө берейин. #жөнэлеойлор ♥♥♥

07.01.2020
Кечирип койгула 2 1. Эркектерин эркелетип, көзүн карай берип, сөз көтөрө алгыс кылып, көптүрүп алган аялдар, кечирип койгула! 2. Төпөштөп атса да, үн чыгарбай, мүшөк болуп жата берип, өлүмгө өзү чуркаган аялдар , силер да кечирип койгула! 3. Өзүн көмүскөгө көмүп коюп, эри үчүн, баласы үчүн, башкасы үчүн жашап, өз жашоосун көз жаздымда өткөргөн аялдар, силер да кечирип койгула! 4. Кайын энеден, кайын журттан тепки жеп, чыдап, анан келинине ошол эле зомбулукту көргөзгөн аялдар, силер да кечирип койгула! 5. Үйдөгүнү эс алдырып жаткырып коюп, анан килейген турмуш жүгүн асынып алып, талаалап иштеп жүргөн аялдар, силер да кечирип койгула! 6. Чачыңарды түйдөктөй кылып, тамак сиңген халат мн жүрө берип, эриңерди тарттырып жиберип, бырылдап ыйлап, арманын айтып бүтпөгөн аялдар, силер да кечирип койгула! 7. Төшөктө кызык оюн көрсөтө албай, кысынып, уят эле уят деп, дөңгөч бодуп жата берип, өзүңдүн минчү жериңе башканы мингиздирип алган аялдар, силер да кечирип койгула! 8. Бирөө сенден сурангансып, өмүрүңдү, убактыңды, жашооңду, жаштыгыңды балдарыңарга арнап алып, алар турмуш куруп кеткенде кур жалак калдым деп ыйлаган аялдар, силер да аман эле болгула! 9. Өмүрүмдү сага арнагам эми сен мага арна деп балдарынын жашоосуна кийлигише берип, ажыраштырып, жада калса балдарын суицидге түртүп алган аялдар силер да кечиргиле! 10. Көрүнгөн жакка балдарын таштап, күнүмдүгүн ойлогон күкүк энелер , силер да кечиргиле! 11. Жат десе эле көрүнгөнгө жата берип, болгон эркекти сугара берген аялдар аман болгула. Ымдаса эле кете бересиңерби! Өлгөнү калган немедей! 12. Сүйбөй эле акчасын алыш үчүн, байлыгына көмүлүш үчүн сезимдерин аттап өтүп, жийиркеничтүү эркектердин алдында ырахатты имитация жасагандар, силер да аман болгула! Кыскасы, аялдардын жаман жагын көргүм келчү эмес. Кечиргиле, аялдар! Бүгүн төпөш жеп атып өлүп атсак, бүгүн эркектен сөгүш угуп, тил угуп, кор болуп атсак, балдарыбыз мн көчөдө калсак, өзүбүз күнөөлүүбүз! Алтын ортону таба албаган, өзүбүздү өнүктүрүүгө салым кошо албаган, билим алып, өзүбүздү сүйүп, жашоону өзүбүзгө арнап, туулган күнүбүздө ыраа көрүп, байпак сатып алып кие албаган биз күнөөлүүбүз! #жөнэлеойлор

28.10.2019
Ушунчалык шашмамын. "Сабыры жок. Түгөнүп калган" деген справка жазып берсеңиз жаңылбайсыз! Жыйынтыкты чагылгандан бат чыгарам. Туура жыйынтык болсо бир жөн. Ии кыйраттым дейсиң да! Кыйратпай калып, бармак тиштегениң болот. Былжырап, чоюлуп, эзилген кишини көрсөм, нерфффим түрдүү музыкада кол ойното баштайт. Тарса - турсмун. Бирок ошонум да тоскоолдук жаратат. Күткөндү, сабыр кылганды үйрөнсөм...Жараткан ар бир сабагында "Төбөң мн жер казсаң да, убактысы келмейин майнабы жок! " деп үйрөтөт. Ичимдеги бир үн жакшы чыйпылыктап "Күт. Кое тур. Ашыкпа. " дейт. Аны уккан бир киши барбы? Уффф, Назира, сабырдын түбү сары алтын экенин бир билсең! Ичимде бир нерсе эле кайнап, шашкалактап турам. Ошону басаңдатсам, жети жолу өлчөп кескенди, убактысын күткөндү үйрөнөм дейм. Дейм эле...убактысы келгиче куурулуп кетет заманам... Ичиңдеги өзүңдү өзүң соттоочуң чокудан ары бир койгондо гана ойгонуп алып ойлоносуң го! Дал ошол мезгил азыр. Бирок бир нерсени үйрөнүш үчүн жаңылыш керек деп жоошутам өзүмдү. Жаңылмайын сабакты кантип алабыз?

05.01.2020
"Атыңызды ким дедиңиз?" 1. Көзүндө кабыландын карашы жаткандар, айбаты арстандай барлар, руху - духу күчтүү, намыска бектер, атыңызды ким дедиңиз? 2. Буттан жаңылса жаңылгандыр, бирок ооздон жаңылбайт. Сөз - ок. Бир жолу чыктыбы, кайра кайтарылбайт. Айттыңбы, аткар дегендер, ананайындар, бар болгула! 3. Оңой мн жаңжал чыгарбайт бирок жеткен чегине жеткиргенде тумшукту түздөй койгондор (аялдыкын эмес албетте) , анча - мынча селпектегендерден "жалпак жөжө" жасаганды билгендер, таанышып алсак болобу? 4. Сүйлөгөндө орундуу сүйлөп, жаагың талып, макияжың агып калгыча тамашанын калемпирин чыгаргандар, кайдасыңар, каражандар? 5. Орусча - кыргызча ж.б. тилде сабаттуу жазып, кайсы гана жааттан суроо бербе жообу даяр болгон акылдуулар, акылыңардан чимирилели! 6. Аялдын сезими мн эсептешип, кирпигибизден кайсы шубаны каалап, ичибизден эмне деп тибиреп атканыбызды окуп, көзүбүздүн агы мн кошо айлана алгандар, романтикага бөлөп, көңүлүбүздү көтөрүү үчүн чуркагандар....ийййий өлүп эле кетебиз го! 7. Чөнтөгүнөн чыгарган сайын чыгып эле, балпалактап турган жоомарттар, кайсы жолдуулар мн жүрдүңөр экен??? 8. Эмгекти сүйүп, өсүштү билип, өзүнүн үстүнөн иштеп, тубаса лидер сапаты барлар, саныңар көбөйсүн! 9. Аял дегенде аяр карап, бирди сүйсө, миңин чанып, бирөө үчүн өмүрүн бергендер, однолюб байкелер, каяктасыңар? Кызыл китептеби? 10. Караңгыда жол таап, капилеттен сөз таап, даанышмандыгы , акылмандыгы, көкүрөгү көзүнөн мурун көргөндөр, жомоктон жөө чыксаңар да, келгилечи жашообузга! P.s.Кыздар, табиттергилерди туура эле жазыптырмынбы? Эмдигиде табиттен сырткары чыгып кеткендерди жазам. Тоюс, жазылуу батпай калды. #жөнэлеойлор

03.12.2019
- Апа, кайсы каталарыбызды түздөөгө келдик экен ээ бул дүйнөгө? Мурунку жашоомдо кандай иштерди кылып, ким болдум, кандай каталарды кетирдим бир билсем? Бул жашоодо оңой эле оңдоп коймокмун анда. - Уулум, баары белгилүү болсо, кызыгы жок болмок да жашоонун. Өмүр бою ар бир каталарыбызды түздөп, өзүбүздүн үстүбүздөн иштеп, жакшылык жасап жүрүп өтөбүз. Аркы дүйнөгө барганда баары билинеттир, балам. - Кудайды кандай элестетем, билесиңби? Асмандан бир ак кийимчен, ак сакалчан жакшы киши карап тургандай элестетем. Ар бирибизди көрүп турат да ээ? - Мен дагы кичинекейимде ошентип элестетчүмүн. Жашынып калсам, көрбөй калат да деп. Андай эмес окшойт. Азыр ал жүрөгүмдө тургандай элестетем. Жан дүйнөмдү, жүрөгүмдү таза кармаганга аракет кылам ошон үчүн. Ар бир оюмду жатка билет, көрөт. - Кудай сени ырас эле менин апам кылыптыр ээ? - Ырас эле сени уулум кылыптыр. Бейиштин жытын жыттап, түз жолуңан кайтпа, түздөнүп жүр десе керек да. Сен бейиш жыттанасың билесиңби? - Билем. Жаңы эле ошол жактан келбедимби. - Пендеге айлана элек периштесиң, балам.. (Уулум экөөбүздүн маегибизди кыргызчаладым.)

06.02.2020
Эркиндик. Жан дүйнөнүн эркиндиги. Зындандан чыгуу темасы сүйлөштүк балам экөөбүз бүгүн. Түнкү үч. Экөөбүздүн тең уйкубуз жок. Бажылдап ой бөлүшүп отурабыз. Түнкү үчкө чейин отурганыбыздын өзү - биздин эркиндигибиз. " Баланы эрте жаткырыш керек. Ал эле бул эле, апийимдин гүлү эле " дейт чыгарсыңар. Ал силердин эрежеңер. Силердин зынданыңар. Балам айтат, - Атам мага жакшы кеңеш берди. Ал мага : "Көйгөй менен жашоо керемет. Көйгөй мн адам чоңоет. Илимпоздор изилдеп, чычкандардын үстүндө тажрыйба жүргүзүптүр. Чычкандын көңүлү эмне самаса, бере беришиптир. Баардык шарты даяр экен. Соңунда чычкандар жашагысы келбей, өлүп калышыптыр. Жашоонун кызыгы жок. Ошон үчүн адам баласына да сураганын бере берсе, кызыксыз болуп калат. Көйгөй мн күрөшкөн сонун!- деди,- дейт уулум. "Абдан сонун айтыптыр. Мага да жакты,"- дедим мен. Балам, мен бүгүн сонун адамдар мн сүйлөшүп отурдум. Алар мага "Кылыш керек!" сөзүн "Каалайм!" сөзүнө алмаштырсаң, үстүңөн далай жүк түшөт. Милдеттеме алба. Каала жөн эле!"деген сонун баалуу кеңеш берди, - дедим мен. "Сонун экен. Оюмда болот!" деди балам. Мектепке баруу, баа алуу, сынактар, үй тапшырма мени аябай стресске сүйрөйт эле. Мени эле эмес баардык баланы. Баа үчүн сүйчүдөй ата - энебиз кара терге түшчү элек го. Эми баламдын стресске камалышын каалабайм. Каалагандай окусун! Каалаган сабагын үйрөнсүн каалаган баасын алсын. Мектепте да кеңири эркиндик бердим. Балам, - Апа, биз адамдар кызыкпыз ээ? Бирөө бул кашыкты "кашык" деп атап койсо, баарыбыз аны "кашык " деп ээрчип атап алдык го. Муну мен "кичинекей күрөк" , же "сузуп алгыч" деп алсам, мага ким эмне демек эле. Туурабы?- дейт. Туура, балам. Башка адамдардын чийген чийимин өлө туура деп атап, башкалардын тагдырын кайталоого, башкаларга жагынууга аракет кылган өзүбүздө күнөө. Ошон үчүн көңүлүң сүйгөндү кыл. Жашоодон ырахат алып, жыргап жаша! Бул апаңдын сага берген чоң белеги - ЭРКИНДИК! #жөнэлеойлор