02.04.2020
Азыр аялдардын арасында эрлерине таянып алып, МАИчилерди сабаган мода болуп кетиптир. Ошооо. Ошону эле айтып коеюн дегем. Мыйзамга баш ийип, эрежелерди сактасак, өлө сонун болмок!

02.04.2020
Далай аял затынын нукура сырткы жүзү чыга баштайт жакында. Кирпиксиз, боексуз, тырмаксыз. Өзүңөрдү нукура келбет мн кабыл алуу, жасалма эмес абалыңызды сүйүү мүмкүнчүлүгү келди. Өзүнүн нукура сулуулугун кабыл алгысы келбегендер, өзүнө төмөн баа бергендер укмуш шыбанат, боенот, сулууланат, бетин боек мн өзгөртүүгө, башка кыз болууга аракет жасайт. " Өздүк жүзүм эч кимге жакпайт, мени кабыл албай коет, шылдыңдашат" деп коркот кыздар. Өзүн сүйгөн адам өзгөлөрдүн баасына муктаж эмес. Өзүн баалаган адам башкаларга жагам же жакпайм деп коркпойт. Өзүнө ишенимдүү адам жигитим, сүйгөнүм, жолдошум таштап кетет деп коркпойт жана жакын адамынын үстүндө титиребейт. Өзүнө ишенген, өзүн сүйгөн адамдан ошондой энергия чыгат. Өзүн сыйлабасты, өзгөлөр да сыйлабаарын унутпаңыз. Жаныбарлар сындуу эле инстинкттер сүйлөйт, энергияны сезет, рухуңдан маалымат алынат. Өзүн сүйүүгө өзүн жакшы алып жүрүү, жасануу, сулуулануу да кирет, бирок ал чекти билет жана кааласа боегу жок да жүрө алат. #жөнэлеойлор

01.04.2020
Онлайн сабактар башталды. Жакшы нерсе экен. Негизги эле үч - төрт сабакты эртең мн окуп коюп, бошсуң. Ыңгайлуу экен. Түштөн кийин бала каалаган курсуна жазылып, өзү кызыккан жаатта кенен - кесир өзүн өнүктүрө алчудай. Билимиңди текшериш үчүн онлай тест тапшырып коесуң. Башыбызга түшкөн сындын дагы бир күңгөй тарабы го дейм. Мен да жөн отурбай, онлайн тренингдерге катышып жатам. Китепке убакыт табылчу эмес эле. Китеп да кирди жашообузга. Үйдөбүз, бирок өнүгүү жүрүп жатат. "Качан бүтөт?", "Эмнеге?" суроолору мн отура берсең, күнүңдүн өтмөгү да тозок, жашооң да тозок болмок. #Ариет #грамотеи #сапат

01.04.2020
- Артис болбойм! Музыкаңар да мага жакпайт" так кесе айтты. - Ким болосуң, балам? Эмнени каалайсың? - Механик, инженер, архитектор, же программист. Бирөөнү тандай элекмин. Балаңдын каалоосу, сезими мн эсептешүү, өз жашоосу мн жашаганга уруксаат берүү абдан маанилүү экен. Чоңдордун эң чоң жаңылыштыгы - таңуулоо. Өз пикирибизди, каалообузду, кыялыбызды таңып берип, "Өмүр бою көтөр!"- дейт экенбиз. Анткени "Биз чоңбуз да", "Тажрыйбалуубуз", "Биз жакшыраак билебиз", "Мен ата - энесимин да" түшүнүгү жашайт. "Мен төрөгөм! Мен билемдикке" салып алып, колубузга камыр карматып койгондой, каалагандай ийлейбиз! Өз эрки жок, көз каранды, чечим чыгара албаган адам каяктан чыкты, кимди тартты суроосунун үстүндө эзилебиз кийин. Экинчи катабыз алардан эң чоң жетишкендикти күтүү. Биздин күткөнүбүздү аңдап, күткөнүбүзгө жараша жыйынтык чыгарам деп миң ирет стресске кирет, көйгөй табат, жан дүйнөсү кыйналат. Мен балама бере турчу эң чоң белек: Сүйүү, Мээрим, Билим, Эркиндик. #Ариет #баламбактым #жөнэлеойлор

31.03.2020
Көрүнгөн идеологияны туу тутуп, көрүнгөн этекти кармап, көрүнгөн жакта адашкан кыргыз. Көрүнгөн жакта, көрүнгөн жерде, көрүнгөн элде көр тирилик көргөн кыргыз. Иса дейт, Аллах дейт, Иисус дейт...дейт кыргыз. Түбүң ким, атың ким, затың ким билбейт, кыргыз. Шире кийип башына Жоломан экенин унуткан сындуу...Дөнөнбайды тааныбай, дөөрүп калган маңкурт сымал... тилиң кайсы, дилиң кайсы билбейт кыргыз... "Меники чын" дейт бирөө. Баары аны ээрчийт. "Жаңылган жолдосуң" дейт экинчиси, калганы ээрчийт. Чындыгын билбейт. Чымындай жаны чыркырайт. Көр топурак тыгып алып көөдөнгө сайга чыгып, аңга түшүп, миң жыгылып, миң чалынып, миң сыгылып баратат кыргыз. Эй, кыргыз! Ойгон, кыргыз! Оюбуз бир, жолубуз бир! Бир жакадан баш чыгарып, бир жеңден кол чыгарып, эл журттун ажырагыс бүтүндүгү үчүн, улут аралык ынтымак, достук жана кызматташык үчүн күйүп, атуулдук ариет, улуттук ар намысыңды коргоп,арыбас мээнетиң менен алдыңкы өнөр - билим аркылуу бакубат дөөлөткө умтул! Гуманиз, айкөлдүк, кечиримдүүлүк орносун жан дүйнөңө! Табиятты кордобо, таттуу мамиледе бол! Тааны өзүңдү! Кыргыз мамлекеттүүлүгүн чыңда! Аны көзүңдүн карегиндей сакта! Эй, кыргыз, бир түндүктүн алдында бирик! Бөлүнбөй жүр! Бөлүнсөң, бөрү жеп кетет, бөлүнүп кетти кыргыз деп, бөлөк элге кеп кетет! Ынтымагы жок дебе! Бир бирден болсок, таякты сындыргандай бат сынабыз. Ынтымак болсо, ырыс да келет. Сындыра албайт бизди оор күн дагы! Эй, кыргыз, ойгон кыргыз! Кулдук эмес мүнөзүң! Баатырсың сен! Эркинсиң! Ажылдаган аялга окшош эмес мүнөзүң! Айкөлсүң сен! Бийиксиң сен! Тунуксуң сен! Ушакташып, урушуп, ирип турган көкүрөк жок! Ыйыкты, касиетти жаза баспай, кыт кылып, жаманды эмес жакшыны илип турган көкүрөк бар! Ойгон, кыргыз! #жөнэлеойлор

31.03.2020
Ичимде ар кыл эмоция, ой кайнап атат. Жүрөгүмдө тынчтык, кубаныч, үмүт бар. Башыбызга түшкөндү Жараткандан келди деп билели. Демек, анын билгени бар. Жан дүйнөбүздү тазалап, көкүрөгүбүзгө кулак төшөлчү, майданы көрүп, бакыт издөө учуру. Байкасам, башыма келген ар бир оор кырдаал мени чыйралтып, курчутуп, оңдоп, ойлонтуп, катамды көргөзүп, жан дүйнөмдү өстүрүп, тазалаптыр. Ар бир оорум, кыйналган күндөрүм, бактылуулукка себепчи болуптур! Аларсыз өспөйт элем. Бүгүнкү көңүлүмдүн тынчтыгын таппайт элем. Адам баласына жалпы түшкөн апаат адам баласын тарбиялоого, тазартууга келди! Жаман - жакшы түшүнүгү мээбизде эле. Жашообуздун ар бир сүртүмү пайдабыз, жакшылыгыбыз үчүн экенин бир билсек...Кубанып атам, анткени өлкөбүзгө билим керек экени, медицина өнүгүшү керек экени, бийликти акчасына эмес акылына карап тандашыбыз керек экени көрсөтүлдү. Кубанганым, эркиндик сырттан эмес ичибизден экенин өзүм түшүндүм. Үйдөн чыга элегиме көп болду, бирок мынчалык эркиндик болгон эмес жан дүйнөдө. Эшикте эркин басып жүрүп, капастагыдай сезим эле. Таң калычтуу. Ушул убакта балдардын суициди болуп атат. Ал ата - энелер балдарга маани бериш керек экенин, балдарды тарбиялоодо көйгөй болуп атканын көрсөтүп жатат. Демек, ар бир ата - эне баладан мурун өзүн тарбиялоого тийиш. Эрди - катын бир үйгө батышпай жатканынын себеби, бири бирибзди тыңдоону, өзүбүздү тыңшоону үйрөнүүбүз керек экенин, мамиле курууда нөл экенибизди билдирип жатат. Түрлөнтүп, ар бир шеринеге кийген көйнөк эмес көңүл маанилүү , үйүп жыйнаган сырткы байлыгың эмес , ички жан дүйнө байлыгы алдыга оозуп чыкты. Сүйүнүп атам. Анткени, көз көрбөгөндү көңүл көрө баштадыбы, бейм. Жаратылыш мынча сулуу көрүнүп, көңүл жаратылышты эңсеп турат. Уңгубуз сүйлөп, касиетке сүйрөп турат. #жөнэлеойло

30.03.2020
"Тур" десе турбай, жаталактап, "Жат" десе сербейип туруп алган калк экенбиз баарын тескери кылган! Бүгүн бул учурлар Мерген байкем экөөбүздүн канча жыл мурунку сөзүбүз болуп көрбөгөндөй актуалдуу!♥ #үйдөбол #жататуржамбаштап #туракалбачы

30.03.2020
Силер да жатып алып, ааламды куткарып атасыңарбы? #үйдөбол

29.03.2020
Мечтаете реализовать себя в одной из самых высокооплачиваемых профессий!? Видите себя сотрудником одной из известнейших IT- компаний мира 👩🏻‍💻👨🏼‍💻 ⁉️Спешим вас порадовать 🎉 , ведь теперь это возможно с нашими курсами От 💻Syntax Technologies @syntaxtechs💻 , одна из самых передовых IT- Школ Америки с головным Офисом в Вашингтоне и с филиалами в Далласе, Техас и Клифтон, Нью Джерси. У нас вы получите возможность трудоустройства в Америке 🇺🇸 и в Европе 🇪🇺, успешно окончив наши курсы. С Syntax Technologies @syntaxtechs у тебя есть возможность получить лучшее Американское образование в сердце Америки. ✅ Средняя зарплата наших выпускников от 90К в год. ✅ Студенты и выпускники со всего мира ✅ Первоклассные преподаватели ✅ Работа над реальными проектами ✅ Реальные отзывы от наших студентов в гугл ✅ Семейная атмосфера у нас в кампусе ✅ Подготовка к интервью и составление резюме ✅ Курсы : Automation Tester, Data Analytics, Artificial Intelligence Syntax Technologies -это лучшая инвестиция в себя. Для регистрации на нашу онлайн презентацию пройдите по ссылке: https://zoom.us/webinar/register/WN_d1S006DlRzy9InIzLpCp4Q Полную информацию можно получить: 📱phone : ‭+1 (202) 817-4198‬ (whatsup) 📱phone : +1(202) 956 8502 (whatsup -telegram) 📩 email : info@syntaxtechs.com 🌐 website : www.syntaxtechs.com 💬: @syntaxtechs 💬: @_alisheranvarov

29.03.2020
Балыкчынын шамалына бетим туурулуп чоңойгон кызмын да. Балыкчыга барганда тим эле эркелейм, жыргайм, жүрөгүм опкоолжуйт. Ар бир ташын өөп - жыттагым келет тим эле жатып алып. В.И. Ленин атындагы мектепти бүтүргөм. Балыкчыма барып, эркелеп, баскан изиме саресеп салып келдим. Көрүп коюңуздар! Назира Айтбекова деп ютубдан издесеңиз каналым чыгат. Катталып, пикириңизди калтырыңыз! Сториске да бекитип коем. Билгендер ал жактан кириңиз

29.03.2020
Чубак Ажы экөөбүз биригип алып, элди ынтымакка чакырган бир долбоор жасасак, ээ? "Ар бир дин адамдын өсүшүнө жол көргөзөт. Кайсы динди гана тутунбасын адам катары жетилсе, өссө кубанабыз. Бул кайсы гана диндин болбосун милдети. Каада - салтты кармануу, улутту улут бойдон сактап калуу, тилди өнүктүрүү сооп иш. Кыргызстандын Конституциясында ар бир жарандын дин тутунуу эркиндиги бар. Мыйзамды сыйлайлы" деген сындуу. Не дедиңер? Тытышпай, толеранттуу болуп, Манас атабыздын айкөлдүгүн үйрөнгөн болобузбу дейм да. #жөнэлеойлор

28.03.2020
Басайын десем, бутум баспай, кыйкырсам, үнүм чыкпай кыйналдым. Адаттагыдай кара кишилер келди. Кыткылыктап улам каткырат. Жатаканадамын. Жанымда уктап аткан кыздар бар. Жок дегенде кыйкылдап чыгып аткан үнүмө бирөө жарым ойгонуп, мени ойготсо дейм. Көзүмөн өтөт тим эле. Болгон күчүм менен алыштым. Чоң энем үйрөткөн чала бучук келимесин айтам, жардам бербейт. Кара терге түшүп алышып атып, шайым ооду көрүнөт. Бир кезде ак кийинген бир апа келди. - Балам, антип жеңе албайсың. Жүрөгүңдү тазала! - деди. Мен таарынткандын, мени таарынткандын баарынын аттарын атап, бирөөнөн кечирим сурап, бирөөнү кечирип, Жаратканга жалбарып, көкүрөгүмдү тазалап берүүсүн өтүнүп, билип - билбей кетирген айыбымды кечиришин тилендим. "Көралбастык, кызганычты алып сал"- дедим. "Жан дүйнөм таза, жүрөгүм таза, көңүлүм таза" дей бердим. Бир кезде менден ак бууга окшош нерсе чыкты , караларды алгачкы ирет жеңди. Болбосо, тээ балачагыман бери басып, кыйнашаар эле. Андайда байкап калган чоң энем мени ойготуп, макисин алып чыгып, өзүнчө кобуранып, башыма жаздайт. Чоң энем да а түгүл үнү чыкпай, кыйналып атып, бир кезде кыйкырып ойгонот. Жакасын карманып, сүйлөнүп, албарсты басты деп коер эле. Студент болуп келип, араң жеңдим. Андан кийин мени антип кыйнабай калды. Кийин турмуш курганда дагы басты. Баягылар эле. Кадимкидей келбети бар, сүйлөшөт, каткырат, капкара болгон немелер. Демим чыкпай энтигип, дагы күрөшөм. Алым жетпей, эми мына деп кол түшүрөөрдө ак кийинген апа дагы келди. Жолдошум мн уулум уктап аткан. Апа уулумду көрсөтүп, - Уулуңдун көкүрөгүн карачы! Кандай таза? Көкүрөгүнүн тазалыгын көкүрөгүңө сал!- деди. Кочуштап уулумдун актыгынан алып, көкүрөгүмө салып, - Баламдын жүрөгүндөй жүрөгүм таза! Адалым көп. Кечир мени, Жараткан! Мен да көңүлүмдө калгандын баарынан кечирдим. Көңүлүн оорутсам, кечирим сурайм. Жан дүйнөм таза"- дей бердим. Актык чыгып менден дагы бир жолу караны жеңдим. Адам баласы үчүн көкүрөктүн тазалыгы маанилүү экен. Жакшылык чакыргыңар келсе жашооңорго, башыңа келген кырсыкты жеңгиң келсе, жүрөгүңдү тазала! Кыргыз элим көңүлүн, көкүрөгүн тазаласа эле көлүбүзгө ак куу конгондой, качырып жиберген касиетибиз кайтып келчүдөй сезилет. #жөнэлеойлор

28.03.2020
Баарыбыз артиспиз. Коомго ойногонду, калп күлгөндү, жагынганды, түрлөнүп, кубулуп турганды турмуш бизге сонун үйрөттү. Ички дүйнөбүздү кой, ал тургай сырткы көрүнүш да жасалма! Жашаганыбыз да , сезимибиз да жасалма! Сүйбөй туруп, сүйгөндөй түр көргөзүп, жакпай атса, айла жок жактырып, сүйүп өлүп атсак да зымырайып, билгизбей, каалап атсак да, каалабай, каалабай жатсак, кааламыш болуп, деги койчу, кайсы бирин айтайын? Ал нерсеге ушундай көнүп алып, чыныгы сезимди чыгарышты уят көрөбүз. Кайран гана жан дүйнө! Калпыбызга чыдай берип, кыйналдың го, ээ? Чарчап кеттим. Жалгандан, калптан, жасакерликтен, жасалмалуулуктан... Бала кезден баштап, акыл - эс киргенден тарта ойной баштайт экенбиз. Момпосуйга жетиш үчүн, ата - энебизге жагыш үчүн , алардын көңүлүн оорутпаш үчүн башталат алгачкы кадамдар. Анан кантип кубулма болуп кеткениңди түшүнбөй калат экенсиң." Мен андай эмесмин" дейсиңер алгач. Бирок терең кирип көрүңүз ички сезимиңизге жашооңуздун канча пайызын башкаларга жагыш үчүн, канча пайызын өзүңдүн көңүлүңө жагыш үчүн жасадың? Коркобуз чыныгы жүзүбүздү, каалообузду көргөзгөндөн. Башкага жакпай калсак кантебиз дейбиз да. Чынчыл болгум келди. Боегу жок жүзүмдү, боегу жок жан дүйнөмдү көргүлөчү! Жан дүйнөм жылаңачтансын! Өзөгүн көр. Бирок ал нерсе сага жагабы, жакпайбы мындан ары ишим болбойт деп чечтим. Мага жакты! Чыныгы Назира жакты! Калп айтпаган, публикага ойнобогон, жакшы же жаман көрүнөм дебеген, өзүн сүйгөн, кабыл алган Назира жакты. Сулуу көрүнөсүңбү, түрү суук көрүнөсүңбү, жакшы кийим киесиңби, жаман кийим киесиңби, кедейсиңби , байсыңбы мааниси жок. Болгонуңдай көрүн. Көрүнгөнүңдөй бол! Коркпо! #жөнэлеойлор

27.03.2020
Ушул асыл адамдардын, ушул бийик кесиптин кадырына эми жеттик ээ? Алар биздин көзгө көрүнүш үчүн сөзсүз эле адамдар өлүп, карантинге жабылып, чүмкөнүп, үйдөн чыкпай калышыбыз керек беле? Балдарыбыз үйдө болуп, сабак окутуу эмне экенин, мекендештерибиз ооруганда медиктердин көзүн карап, жалдырап жиберип жатабыз. Өмүр бою эле алар каражанын карч уруп келе жатат. Көрбөптүрбүз...Кыргызстандагы адамдардын билимин, медицинанын абалы кандай экенин көрдүк! Мен ойлойм, ушул апаат бүткөн соң, оорукана жабдыктарын жаңылап, мектептерди салып, билим жаатта күчтөндүрүп, алардын маянасын көтөрүп, көбүрөөк салым кошуп, көбүрөөк жөлөп - таяйбыз деп! Маяна өңгөсүн коюп ушулардыкы көбөйсө, билимдүү жаштарыбыз көбөйөт жана калктын саламаттыгы мыкты болот! А бул өнүгүү жолунда эң башкы факторлор! 2020 - жылы жаңы шайланчулар, биз сиздердин программаңыздарда ушул эки пунктту күтөбүз!

27.03.2020
Арстан Алай, Чыпалак, Гүлзат, Даниель, ЖК депутаттары, спикери, ырчы - чоорчулар, Мен,Сиз ж.б.- баарыбыз бир организмбиз. Бөлүп кароого мүмкүн болбогон бир организм! Өзүбүздү кемчилигибиз мн кабыл алганды билели. Кыжырданып атсак эгер бүгүн, демек, өзүбүздү кабыл ала элекпиз дегендик. Өзүбүзгө болгон баанын төмөндүгү. Бирөөнү басынтуу аркылуу өзүбүздү көтөргүбүз келип атат дегендик. Аты эң көп аталган, төпөш жегендерди жаздым. Алардын кандай сонун сапаттары бар. Көргүбүз келбейт негедир. Кабыл алгыбыз да келбейт. Коомдон сырткары башка планетадан келип калгандай көрөбүз. Эй, биз - бирбиз! Булар - биз! Биз деген булар! Өзүбүздү өзүбүз жаакка чаап атабыз! Өзүбүздү ашатып "Келесоо" деп сөгүп атабыз. Өзүбүзгө келген акаарат бул! Өзүңдү өзүң төпөштөсөң эле өйдө чыгып кетмек белең?? Ошол аты аталгандын баары ичибизде, жан дүйнөбүздө жашайт. Жан дүйнөбүздөгүнү кабыл албаганыбыз үчүн кыжырданабыз, сөгөбүз, өлтүрүп койгубуз келет! Мен качан өзүмдү сүйүп баштаганда бирөөгө да жаман сөз арнагым келбей калат! Бирөөнү жек көргүм келбей калат! Бирөөнү басынткым келбей калат. "Какашка" көрсөм дагы анын туура, жакшы жагын издеп калам. Төпөштөп башканы, өзүңдү акылдуу көрсөтүп атсаң, сенде да мандем бар дегендик! Ошо. Ошону эле айтып коеюн дегем! #жөнэлеойлор Өзүбүздү аяй көрсөтө бербейли деген сүрөт!

27.03.2020
Даниель Ажиев - коомдун күзгүсү (зеркало!) ал. Коомдун арасында андай Даниелдер өтө көп! Бала чагында сүйүү көрбөгөн, төпөш жеп калган, басынып калган, көп нерсеге жетпей кордук көргөн бала чоңойгондо ушундай болуп калат. Комплекси мн чоңоет. "МЕН " деп анан төш кагып, ичиндеги мендигин элдин баарына көргөзүүнү каалайт. Өзүн эч киммин деп чоңойгон, "невидимка" ордуна койгон бала баарына көрүнгүсү келет." Мени кыйын бала экен" деп ойлошсун, "Мени көрүшсүн!Жогорку баа беришсин. Эсептешсин" дейт. Анткени аны эч ким көргөн эмес убагында, басынтышкан. Бөтөнү эмес өзүн өзү да көргөн эмес. Көпчүлүгүбүз эле ошондой чоңойгомбуз. Бирок ар бирибиздин формабыз ар кандай. Эмнеге дүнүйө чогултабыз? Машинабызды мактанабыз? Кредит алып душман көзүнө көрүнөбүз? Балдарды таштап коюп , жаныбызды тишибизге тагып алып, чуркап акча чогултабыз, эки этаж үйлөрдү курабыз? Өзүбүз үчүнбү? Анан аны "Эл көзүнө", "Душман көзүнө" "Эл эмне дейт" деп атайбыз! Демек, өзүбүз үчүн эмес эл үчүн турбайбы! Баарыбызда "Элге жагынуу", "Эл мен жөнүндө жакшы ойлонуп калсын" комплекси ар бирибизде жашайт! Андай эмеспи? Балким ичибиздегини тырмап койсо, андан өткөн жиндилигибизди көрсөтөттүрбүз? Карантинде жөн эле жатпай, анда - санда күзгүдөн каранып деле жаталы, туугандар. Асмандан түшсөк дагы! #жөнэлеойлор P.s. текстти түшүнүп окуңуздар. Баланы мактаган да сөккөн да жокмун. Баарыбыз ошо баладай эле комплекси бар, оорукчан адамбыз. Биз да эл эмне дейт деп жашайбыз. Кайрымдуулукту өзүнө болгон бааны көтөрүш үчүн жасады. Жакшыбы, жаманбы, ким үчүн жасаса да жасады.